E Akaperepere i Toou Pirianga Kia Iehova

Kua rauka i te Au Kite o Iehova tetai tikaanga manea. Ei Kerititiano kua papetitoia, ka akatupu ua rai tatou i tetai pirianga ketaketa e te meitaki ki te Atua Ngateitei ko Iehova. Kua akavaitata mai aia ia tatou kiaia uaorai na roto i tana Tamaiti. (Ioa. 6:44) Te akarongo maira aia i ta tatou au pure.—Sala. 34:15.

Akapeea tatou me paruru i to tatou pirianga akaperepere ki te Atua? Ko tetai ravenga, ka kopae tatou i te rave i te au apinga tarevake ta te ngati Iseraela i rave. Muri poto ua ake i ta ratou akatupuanga i tetai koreromotu kia Iehova, kua maani ratou i tetai punua puakatoro auro e kua akamori atu i te reira. (Exo. 32:7, 8; 1 Kori. 10:7, 11, 14) E ui kia koe uaorai: ‘Eaa taku ka rave me timataia mai au? Te akaari ra ainei au e te akaperepere ra au i toku pirianga kia Iehova?’ Ka riro te inangaro maata i to tatou Metua i te rangi, te tauturu ia tatou kia rere ke atu mei te au apinga tana e rikarika ra.—Sala. 97:10.

AKARA I TE VITIO PARURU I TOOU PIRIANGA KIA IEHOVA (KOLO. 3:5), E OTI PAU I TEIA AU UIANGA:

• Eaa te aiteanga o te morimori apinga?

• Eaa ra tatou ka kopae ei i te tu noinoi e te akamori itoro?

• Eaa te pirianga o te akaturi e te akamori itoro?

• Eaa ra te aronga e apainga ta ratou i roto i te putuputuanga ka akapapu ei kia akono i te au anoano o to ratou au tokorua?