Pātu i te Akarongo ki Roto ia Iehova e Iesu me Aru i te Oraanga Mataora e Tuatau Ua Atu!

Kia akamareka i te Atua, ka anoanoia te aronga apii Pipiria kia maroiroi tikai to ratou akarongo. (Ebe. 11:6) Ka akakeuia to ratou ngakau me taangaanga i te puka Oraanga Mataora e Tuatau Ua Atu! Tei roto te au irava puapinga, te au akamārama anga taka meitaki, au uianga, au vitio akamaroiroi e te au tutu manea. Na te tauturu anga i te aronga apii Pipiria kia akaari i te au tu Kerititiano e te akavaitata ki te Atua, te pātu ra tatou i te au apinga puapinga tikai no ratou, kia kore e ka i te ai.—1 Kori. 3:12-15.

E ngata i tetai pae i te akamanako i te Atua ei oa, no te mea kare ratou i kite mata ana iaia. No reira, ka tauturu tatou ia ratou ki pātu i te akarongo ki roto i te tu aroa o Iehova.

AKARA I TE VITIO PĀTU I TE AKARONGO KI ROTO IA IEHOVA ME ARU I TE “ORAANGA MATAORA E TUATAU UA ATU!” E OTI PAU I TEIA AU UIANGA:

• Akapeea tatou i kite ei e kua akapapa meitaki te tuaine no te apii Pipiria?

• Akapeea aia te taangaanga anga i te au uianga ei akakeu i te tangata apii kia akakite mai i tona manako, mei roto ia Isaia 41:10, 13?

• Akapeea te vitio e te au irava te tauturu anga i te tangata apii?

Kare te maata anga e mārama ana i te atinga oko, me kore kare ratou i āriki e e apinga aroa te reira no ko mai i te Atua. (Gala. 2:20) No reira, ka tauturu tatou kia pātu ratou i te akarongo ki roto i te atinga oko o Iesu.

AKARA I TE VITIO PĀTU I TE AKARONGO KI ROTO IA IESU ME ARU I TE “ORAANGA MATAORA E TUATAU UA ATU!” E OTI PAU I TEIA AU UIANGA:

• Akapeea tatou i kite ei e kua akapapa meitaki te taeake no te apii Pipiria?

• Akapeea aia te taangaanga anga i te tuanga “Kimi Kimi” no te tauturu i te tangata apii?

• Eaa i puapinga ai te pure no te tangata apii?