Akanoo i te au Akakoroanga no te Tuatau o te Akamaaraanga

I te au mataiti ravarai, e tapapa ana te iti tangata o Iehova kia taokotai no te Akamaaraanga. I te au epetoma i mua ake e i muri ake, e atianga takake te reira no tatou i te akapaapaa e te akameitaki ia Iehova no te atinga oko. (Ephe. 1:3, 7) Ei akaraanga, ka tauta pakari tatou i te pati i tetai ke kia aere mai ki te Akamaaraanga. Tetai pae ka painia tauturu ratou kia rauka e 30 me kore 50 ora i te marama o Mati me kore Aperira. Ka inangaro ainei koe i te akamaata atu i toou ora no te tutu aere i te tuatau o te Akamaaraanga? Eaa te ka tauturu ia koe kia rave i te reira?

Ka rauka ia tatou i te rave maata atu i teia me parani meitaki tatou. (Mase. 21:5) No te mea te vaitata maira te tuatau o te Akamaaraanga, ko te taime teia no te parani. Akamanako ana akapeea koe me akamaata atu i taau angaanga tutu aere e te iki eaa taau ka rave no te itae atu i taau akakoroanga. E oti pati ia Iehova kia akameitaki mai i te reira.—1 Ioa. 5:14, 15.

Eaa taau ka rave no te akamaata atu i taau angaanga tutu aere i te tuatau o te Akamaaraanga?