Totou 3. Maki Mate
‘Ka takino te maki mate i te au tangata.’—LUKA 21:11, Contemporary English Version.
● Kua rave a Bonzali, e opita angaanga no te oraanga kopapa o Aperika tei takinoia e te tamaki pupu tangata, i tana ka rauka i te akono i te aronga angaanga maina e mate ra i te maki Marburg.a Kare i akarongoia mai ana tana pati tauturu e te au opita i roto i te oire mamaata. E a marama i muri mai, kua tae mai te tauturu inara kua mate a Bonzali. Kua tuia aia e te maki Marburg mei tona aronga angaanga tana i tauta i te akaora.
EAA TA TE AU TUPUANGA E AKAARI MAIRA? Ko tetai au maki kino te tamate ra i te au tangata, ko te au maki akaaea (mei te nimonia), maki eke, HIV/AIDS, maki maro, e te maki mariri. Te au mataiti i topa akenei, kua mate atu e 10. mirioni tangata no teia au tu maki e rima. Mei teia te tu, kua tamate te au maki vaitata rai e tai tangata i roto i te toru tekoni, i te au mataiti.
EAA TE TUPUANGA MATAUIA? Te tupu maata ua atura te au tangata i te ao katoa, no reira e maata atu te au maki mate. Maata atu te au tangata ka tuia e te reira.
TAU AINEI TEIA TUPUANGA? Maata atura te au tangata i te ao katoa. Pera katoa te kite karape o te tangata kia kite mai i te maki, kia akaaere, e kia rapakau i te reira. Ina, kare ainei e ka ngaro atu te maki e akatupu nei te kino ki te au ngutuare tangata? Inara, kare e tupu ana te reira.
EAA TOOU MANAKO? Te mamae ra ainei te au tangata i te au maki kino mei ta te Pipiria i totou mai?
E au mea kino tikai te ngaruerue enua, te onge, e te au maki e takino ra i te au mirioni tangata. Mirioni ua atu te tamamaeia ra e to ratou au taeake—e e manganui te takinokinoia ra e te aronga te tau ra kia paruru atu ia ratou. Akara eaa ta te totou Pipiria e karanga ra i te ka tupu.
[Tataanga i Raro Ake]
a E maki Toto Eke Akaveravera te Marburg te piri atura ki te maki Ebola.
[Tataanga i te kapi 6]
“E kino tikai me kaingaia e te riona me kore e tetai apinga, inara e kino katoa me kaingaia na roto mai e tetai maki kino e te kite atu anga eaa te tupu ra takapiniia koe.”—EPIDEMIOLOGIST MICHAEL OSTERHOLM.
[Tutu Akameitakianga i te kapi 6]
© William Daniels/Panos Pictures