Te au Metua, Apii i Taau Tamariki Kia Puapingaia Ratou

Inangaro te au metua e akamori ra ia Iehova kia riro mai ta ratou tamariki, ei au tavini tiratiratu no Iehova. Ka rauka i te au metua i te apii i te au apiianga Pipiria ki ta ratou tamariki mei te pepe varevare mai. (Deu. 6:7; Mase. 22:6) Ka anoanoia ainei kia akaatinga koe i toou taime? E mea papu roa! Te au akameitakianga, ka paunaia toou maroiroi.—3 Ioa. 4.

E maata te apiianga ka rauka mai i te au metua mei te akaraanga o Iosepha e Maria. E peu matauia na raua i te aere “ki Ierusalema, ki te oroa o te Pasa ra, kare e mataiti i tukua,” noatu e maata te angaanga e te moni ka pou no teia tere. (Luka 2:41) Akapapu raua e ko to ratou pirianga kia Iehova te mea puapinga roa atu. Pera katoa te au metua i teia rā, ka rauka ia kotou te tauturu i ta kotou tamariki na te apiianga ia ratou na roto i te ako e to kotou akaraanga.—Sala. 127:3-5.

AKARA I TE VITIO TAANGAANGA MEITAKI I TO RATOU TAIME, E OTI PAU I TEIA AU UIANGA:

• Akapeea a Jon e Sharon Schiller te tavini anga ia Iehova e te akono i to raua ngutuare?

• Eaa te au metua ka akatano ei i ta ratou apiianga kia tau ki te turanga o tetai tamaiti?

• Akapeea te au metua me akapapa i ta ratou tamariki kia ketaketa te akarongo?

• Eaa te au tauturu a te akaaereanga a Iehova taau e taangaanga ana i te apii i taau tamariki kia riro mai ei oa no Iehova?