Хроническо насвалыпэ. Можэт ли тэ поможинэл э Библия?

Со ракирэл э Библия

Дэвэл подрикирэл пэскирэн служителен, кэдэ онэ насвалэ. Пал кажнонэстэ, кон верно служинэл Дэвлэскэ, дрэ Библия ракирэлпэс: «Яхва подрикирэл одолэс кон пашло насвало» (Псалом 41:3). Если кэ ту исы хроническо насвалыпэ, тукэ поможинэна трин советы:

1. Тэ мангэс Дэвлэстэр зор. Тутэ можэт тэявэл «ми́ро, саво дэл Дэвэл, учедыр любонэ думкатэр», и тут адава подрикирла и ту налэса адя тэ дарэс (Филиппийцам 4:6, 7).

2. Думинэ пал лачипэн. Дрэ Библия ракирэлпэс: «Радостно ило, ада сыр драба, а пхагирдо духо шутькирэл кокалья» (Притчи 17:22). Сыклёв тэ пирилыджяс саро дро сабэ — адава поможинэла тукэ тэ пиридживэс налаче дэвэса, и тыро састыпэн явэла фэдыр.

3. Кэр пэскири надежда зоралыдыр прэ одова, со явэла ангил. Надежда поможинэла тукэ тэ ракхэс радость, дажэ если кэ ту хроническо насвалыпэ (Римлянам 12:12). Дрэ Библия ракирэлпэс, со явэла времё, кэдэ «никон напхэнэла: „Мэ сом насвало“» (Исаия 33:24). Тэдэ Дэвэл улэла хроническо насвалыпэ саво дадэвэс не можэт тэ укэдэл наука. Например, дрэ Библия ракирэлпэс, со мануша налэна тэ пхурьён: «Мэк лэскиро тело ячела фэдыр, чем дро тэрнэпэ, мэк ёв рисёла кэ одолэ дэвэса, кэдэ ёв исыс тэрно и зорало» (Иов 33:25).

Примечаниё. Хотя Яхваскирэ Свидетели дро саро патян Дэвлэскэ, онэ адяжэ приґалён, со хроническо насвалыпэ чеинэ лечить, палдава онэ джян дрэ дукханы пал помощь (Марка 2:17). Амэ наподрикирас савото конкретно лечениё. Амэ считаем, со тэ прилэс решениё дрэ адасавэ вопросы — кажно решает кокоро.