Ов одлучно

Со керѓа о Исус?

ВИДЕОКЛИПИ: О Исус сикавела е Никодиме

1. Дикх о ВИДЕОКЛИПИ или читин Јован 3:1, 2. Пало адава размислин башо акала пучиба:

1. а) Со мислинеа, соске о Никодим гело ко Исус раќате? (Дикх Јован 12:42, 43.)

2. б) Сар о Исус адалеа со керѓа лафи е Никодимеа раќате сикавѓа кај тано одлучно те керел ученикија?

Со сикљоваја таро Исус?

2. Сикаваја кај мангаја е манушен адалеа со сием одлучна те поможина ленге те овен е Исусескере ученикија.

Џа пало е Исусескоро пример

3. Проучин е интересентеа ко време хем тхан со леске одговоринена. Леске шај повише одговоринела несаво одредимо диве или саати. Дали би овела леске пошукар те проучинен ки бути, кхере или ко несаво јавно тхан? Кобор со шај, менин тло распоред те шај те проучине е интересентеа кеда леске одговоринела.

4. Проучинен редовно. Ако планиринеа те џа негде или иклило туке нешто, ма откажин о библиско курси. Наместо адава размислин башо акала предлогија:

1. а) Дали адава курко шај те проучинен ко несаво јавер диве?

2. б) Дали шај те проучинен преку телефони или интернет?

3. в) Дали шај те пуче несаве објавителе те проучинел леа?

5. Молин тут те овел тут исправно стави. Молин е Јехова те поможинел тут ма те вазде тле васта сигате таро интересенти, чак ако о библиско курси нане редовно или ако на применинела одма адава со сикљола (Фил. 2:13). Веројатно тле интересенте иси ле шукар особине, адалеске молин е Јехова те поможинел тут те концентририне тут ки ленде.