2. Dali amen siem kriva bašo muke so cidaja len?

Soske tano važno o odgovor

Ako o odgovor tano oja, tegani šaj te kera nešto te na oven doborom muke.

Razmislin

Kobor tane kriva o manuša bašo akala bukja so kerena te cida muke?

Nasilstvo.

I Svetsko zdravstveno organizacija (SZO) proceninela kaj sekova štarto manuš doživingja fizičko nasilstvo ko periodi džikote sine tikno hem kaj sekoja trito džuvli sine fizičko ili seksualno maltretirimi (ili o solduj bukja) ko nesavo periodi taro plo životo.
Keda merela nekoj taro tle mangle.

„Proceninela pe kaj ko 2016 berš sine mudarde 477.000 manuša ko celo sveto“, pišinela ki Svetsko zdravstveno statistika (izdanie bašo 2018 berš objavimo taro SZO). Isto agjaar mislinela pe kaj adava berš sine mudarde okolu 180.000 manuša ko vojne hem ko vooružena konfliktija.
Problemija sastipaja.

Ki jekh statija so iklili ko spisanie National Geographic, i pisatelka Fren Smit pišingja kaj poviše tari miljarda manuša pušinena, a o cigare predizvikujnena nesave taro najčesta pričine bašo meribe, sar soj: nasvalipe ko srce, mozočen udar hem rako ko plukja.
Razlike ko socijalno status.

„Keda o manuša tane čorole, diskriminirime bašo lengoro socijalno status, rasa ili pol, hem keda isi len pritisok te selinen pe ili te dokažinen koj tano pošukar, pobari tani i verojatnost te ovel len emocionalna problemija“, vakerela o psihologo Džej Vots.

DOZNAJN POVIŠE

Dikh o videoklipi Soske o Devel kergja i Phuv? ki jw.org.

So vakerela i Biblija

Isto manuš tari angluni slika, pašljola ko bolničko kreveti. Džikote o doktori vakerela lošna haberija povrzimo leskere sastipaja, i romni leskiri iranela pe tari javer strana

O manuša tane kriva bašo but muke so postojnena ko sveto.

Bašo pobaro delo soske isi mukhe tane kriva o vladetelija. Ola mučinena e manušen hem kerena lengoro životo popharo, a vakerena kaj vladinena bašo lengoro šukaripe.

„O manuš vladinela upro manuš ki leskiri šteta“ (PROPOVEDNIK 8:9).

Šaj te oven amen pohari muke.

O bibliska načelija pomožinena amenge te ovel amen pošukar sastipe hem pošukar odnosija e javerencar.

„O mirno vilo dela životo e teloske, a i ljubomora tani nasvalipe kova so ruminela o kokala“ (IZREKI 14:30).

„Ciden tumendar sekoja bari omraza, holi, gnev, vikibe hem lafija so vredžinena hem sa o javera lošna bukja“ (EFEŠANITE 4:31).