Сар те овел тут най-бари полза тари Библия

Представине туке, кай мангес те керес баро бияв тай требе те керен пес бут букя, ама на жанес катар те започнинес. За те овел туке по-лесно, ащи те мислинес сар те керес о букя йекх по йекх. Ащи те керес о също, кана четинес и Библия-да. Ащи те пучес тут: „Катар те започнинав?“ Кавка уроки ка сикавел туке со те керес, за те харешинел туке по-бут те четинес тай те изучинес и Библия.

1. Соске требе те четинас и Библия редовно?

Мануш, ковато четинел редовно и Библия, или „о закони е Йеховаскоро“, ка овел щастливо тай ка успеинел всичконаса со керел. (Четине Псалм 1:1-3.) Отначало дикх те четинес по хари секо диес. Кизом по-бут жанес тари Библия, зомкха по-бут ка мангес те четинес ла.

2. Со ка помагинел туке те овел тут полза, кана четинес и Библия?

За те овел амен най-бари полза, кана четинас и Библия, требе те спиринас хари тай „те мислинас е букиенге, колато четингям“. (Исус Навиев 1:8, бележка) Бискай четинес, ащи те пучес тут: „Со сикльовав е Йеховаске? Сар ащи те керав кавка со сикльовав ме животосте? Сар те използвинав калка стиховя, за те помагинав околенге?“

3. Со те керес, за те овел тут време те четинес и Библия?

Трудно ли си туке те аракхес време те четинес и Библия? Буте манушенге си трудно. Дикх „те използвинес шукар то време“, тай мислине кана ту ащи те четинес и Библия секо диес. (Ефесяни 5:16, бележка) Десаве мануша четинен и Библия рано анди явин, а авер четинен ла по-късно презал о диес, например ки обедно почивка или и рат англал те пашльовен. Кана ка овел най-удобно туке?

РОДЕ ПО-ХОРЕСТЕ

4. Со те керес, за те харешинел туке те четинес и Библия

Десаве манушенге нанай лесно те започнинен те четинен и Библия. Ама мануш ащи те барярел по желание те четинел ла, сарто ащи те сикльол те хал хабе, ковато на халяс жи акана. Четинен 1 Петър 2:2 тай хоратинен калке въпросиеске:

• Мислинес ли, кай ако четинес и Библия секо диес, ащи те започнинел те харешинел туке тай те мангес по-бут те четинес ла?

Дикхен о КЛИПИ, ковато сикавел сар десаве манушенге започнингяс те харешинел те четинен и Библия. После хоратинен калке въпросиенге:

КЛИПИ: Терне, колато сиклиле те дехен е Девлескоро Слово (5:33)

• Саве трудноскиенца справисайле о терне ко клипи?

• Со помагингяс ленге те на откажинен пес те четинен и Библия редовно?

• Со керде, за те овел ленге по-интересно, кана четинен и Библия?

Со ка помагинел туке те започнинес:

• Избирине точно преводи, ковато нанай пишиме пуране чшибате. Опитине те четинес о „Превод на новия свят“, ако си преведиме тере чшибате.

• Първо четине о букя тари Библия, колато си най-интересна туке. Ка помагинел туке о блокчес „Започнине те четинес и Библия“.

• Дикх те на бистерес жи кате реслян. Използвине и таблица „Со четингян тари Библия“, която си калке лилесте.

• Използвине о приложение JW Library^®. Леса ащи те четинес тай те шунес и Библия буте чшибенде, кате-да те овес, като използвинес то телефони или авер устройство.

• Използвине о „Превод на новия свят на Свещеното писание“, соскето си точно, ясно, тай лесте пишинел е Девлескоро алав. (Дикх и статия ко сайти jw.org „Имат ли Свидетелите на Йехова своя Библия?“.)

5. Подготвине тут, англал о библейска урокя

Четинен Псалм 119:34 тай хоратинен калке въпросиеске:

• Соске си шукар те молинес тут, англал те четинес и Библия тай англал те подготвинес о уроки, ковато ка изучинес?

Сар те овел тут най-бари полза секоне урокиестар? Кана подготвинес тут, кер калка букя:

1. 1. Четине и първо част таро уроки.

2. 2. Роде о стиховя тере Библияте, четине лен тай ахальов сави си и връзка машкар о стиховя тай о уроки.

3. 3. Роде о най-важна думес, колато сикавен о отговори секоне въпросиеске, тай подчертине лен. Ако керес кавка, ка овел туке по-лесно, кана ка хоратинен е манушеса, колеса изучинес.

Жанес ли?

Аме, е Йеховаскере Свидетеля, използвингям различна превогя тари Библия, ама най-бут харешинел аменге о „Превод на новия свят на Свещеното писание“, соскето си точно, ясно, тай лесте пишинел е Девлескоро алав. (Дикх и статия ко сайти jw.org „Имат ли Свидетелите на Йехова своя Библия?“.)

СО СИКЛИЛЯМ

За те овел тут най-бари полза тари Библия, мислине кана те четинес ла, молине тут те ахальовес о букя, колато четинес, тай подготвине тут секо дром англал о библейска урокя.

О най-важна букя таро уроки

• Со ка помагинел туке те овел тут най-бари полза тари Библия?

• Кана ащи те аракхес време те четинес и Библия коркоро?

• Соске си шукар те подготвинес тут англал о библейска урокя?

АХАЛЬОВ ПО-БУТ

Дикх со ка помагинел туке те овел тут най-бари полза, кана четинес и Библия.

Защо да четеш Библията? („Стражева кула“ бр. 1, 2017)

Дикх сар ащи те четинес и Библия.

Как Библията може да ми помогне? — 1 част: Изследвай Библията (статия на jw.org)

Дикх со те керес, за те харешинел туке по-бут те четинес и Библия.

Как Библията може да ми помогне? — 2 част: Направи четенето на Библията по-приятно (статия на jw.org)

Дикх сар изучинен и Библия тай саве съвекя ден десаве пхрала тай пхеня, колато брешенца четинен и Библия.

Резултатно лично изучаване (2:06)