12 УРОКИ
Со ка помагинел туке те продължинес те изучинес и Библия?
Десаве манушенге си трудно те изучинен и Библия, ама ако мануш изучинел ла, ой ащи бут те помагинел леске. Може би подекхана пучес тут дали ка ащи те продължинес те изучинес и Библия. Соске те дес всичко тутар, за те продължинес? Со ка помагинел туке те на откажинес тут, даже кана си туке пхаро?
1. Соске си шукар те изучинес и Библия?
„E Девлескоро Слово си живдо тай иси бари сила лесте.“ (Евреи 4:12) И Библия ащи те помагинел туке, соскето ой сикавел со мислинел о Дел туке тай кизом бут дехел тут. Ой ка помагинел туке те ахальовес бут букя тай те овел тут по-шукар животос тай шукар надежда за ко бъдеще. О най-важно си, кай и Библия ка помагинел туке те ачшовес амал е Йеховаса. Кана изучинес и Библия, ка овел тут и сила те керес то животос по-шукар.
2. Соске требе те ахальовас кизом си важно и истина тари Библия?
И истина тари Библия си ценно сар златос. Аке соске ой пхенел аменге: „Кин туке истина тай ма бикин ла.“ (Притчи 23:23) Ако на бистерас кизом си важно и истина тари Библия, ка дас всичко амендар те продължинас те изучинас, даже кана ка овел аменге трудно. (Четине Притчи 2:4, 5.)
3. Сар о Йехова ащи те помагинел туке те продължинес те изучинес?
Щом о Йехова си о Всемогъщо създатели тай то Амал, ов пенжарел тут най-лачшес тай мангел те помагинел туке ту-да те пенжарес лес. Ов ащи те дел тут о желание тай и сила, за те ащи „хем те мангес, хем те керес“ со требе. (Четине Филипяни 2:13.) Аке соске, ако подекхана требел туке по-баро желание те изучинес или те керес те животосте о букя, колато сикльовес, ов ка помагинел туке. Ако требел туке помощ, кана иси тут проблемя или кана декхой мангел те спиринел тут те изучинес, ов ащи те дел тут сила. Ма спирине те молинес е Йеховас те помагинел туке те продължинес те изучинес и Библия. (1 Солунци 5:17)
РОДЕ ПО-ХОРЕСТЕ
Ахальов сар ащи те продължинес те изучинес и Библия, даже кана иси тут бут букя те керес или кана декхой мангел те спиринел тут те изучинес. Дикх сар о Йехова ка помагинел туке те на откажинес тут.
4. О библейско изучаване требе те овел бут важно туке
Подекхана иси зомкха бут букя те керас тай ащи дикхьол, кай нанай амен време те изучинас и Библия. Со ащи те помагинел аменге? Четинен Филипяни 1:10 тай хоратинен калке въпросиенге:
Според туте, кола си десаве таро „по-важна букя“ андо животос?
Сар ащи те керес о библейско изучаване бут важно туке?
1. Ако пхерес йекх кофа пошияса тай после мангес те тховес бара-да, о бара нанай те киден пес.
2. Ако тховес първо о бара, ка ащи те тховес почти и цело поши-да. Кавка примери сикавел, кай ако тховес „о по-важна букя“ ко първо тхан те животосте, ка успеинес те керес лен тай даже ка ачшол туке време авере-да букиенге
О Дел кергяс е манушен те овел лен нужда те пенжарен лес тай те служинен леске. Аке соске требе те изучинас и Библия. Четинен Матей 5:3 тай хоратинен калке въпросиеске:
Соске си амаре лачшипнаске те ахальовас кизом си важно аменге о библейско изучаване?
5. Ма откажине тут, кана декхой мангел те спиринел тут
Десаве мануша ащи те дикхен те спиринен тут те изучинес и Библия. Дикх со ачшило йекхе мрушеса, колескоро алав си Франческо. Дикхен о КЛИПИ тай хоратинен калке въпросиенге:
Со керде лескере амала тай лескери дай, кана о Франческо хоратингяс ленге е букиенге, колато сикльовелас?
Саве благословиес сине лес, ашал далкхеске кай на откажисайло?
Четинен 2 Тимотей 2:24, 25 тай хоратинен калке въпросиенге:
Со мислинен то семейство тай те амала е букиенге, колато сикльовес?
Според о стиховя, сар требе те икерес тут, кана декхаске на харешинел, кай изучинес и Библия? Соске?
6. Мук тут е Йеховаске андо васта, за те помагинел туке
Кизом по-близка ачшовас е Йеховаса, зомкха по-бут мангас те керас о букя, колато мангел ов. Ама ащи те овел аменге трудно те керас променес амаре животосте, за те ащи те живинас сарто о Йехова мангел. Ако туке-да си пхаро, ма откажине тут. О Йехова ка помагинел туке. Дикхен о КЛИПИ тай хоратинен калке въпросиенге:
Саве променес кергяс о Джим, за те овел угодно е Йеховаске?
Со харешингяс туке най-бут таро букя, колато кергяс ов?
Четинен Евреи 11:6 тай хоратинен калке въпросиенге:
Со ка керел о Йехова е манушенге, колато ден всичко пестар, за те пенжарен лес тай те овен леске угодна?
Според о стихи, сар чувствинел пес о Йехова, кана дикхел, кай дес всичко тутар, за те изучинес и Библия?
ДЕКХОЙ АЩИ ТЕ ПУЧЕЛ: „Соске изучинес и Библия е Йеховаскере Свидетеленца?“
Со ка пхенес леске?
СО СИКЛИЛЯМ
Въпреки кай нанай винаги лесно, ако изучинес и Библия, ка овел тут шукар животос завинаги. Продължине те мукес тут е Йеховаске андо васта тай ов ка благословинел тут.
О най-важна букя таро уроки
Соске и истина тари Библия си важно туке?
Сар ащи те сикавес, кай си туке бут важно те изучинес и Библия?
Соске требе те молинес е Йеховас те помагинел туке те продължинес те изучинес и Библия?
АХАЛЬОВ ПО-БУТ
Ахальов саве щар букя помагинде буте манушенге те използвинен лачшес по време.
Как да използваш мъдро времето си („Пробудете се!“ февруари 2014)
Дикх сар о Йехова помагингяс йекхе жувляке, кана лакоро ром на ахальовелас соске ой дел всичко пестар, за те овел угодно е Девлеске.
Дикх сави полза сине йекхе ромес, соскето лескери ромни на откажисайли.
Верно ли си, кай е Йеховаскере Свидетеля аравен о семейства, сарто подекхана пхенен о мануша?
Разрушават ли Свидетелите на Йехова семействата? (статия на jw.org)