3 Уроки

Требе те сикльовес е Девлеске

Те мангеса те овес амал е Девлеса, требе те сикльовес леске. Те амала джанен ли то алав, тай пхенен ли лес? Ва. О Дел–да мангел те джанес тай те пхенес лескоро алав. Ов пхенел пес Йехова. (Псалм 83:18; Матей 6:9) Требе те джанес со дехел тай со на дехел, ко си лескере амала тай ко си лескере душманя. Требе вакъти та те пенджарес декхонес по–шукар. И Библия пхенел кай о гогявер мануш родел вакъти те сикльовел е Йеховаске. (Ефесяни 5:15, 16)

Е Девлескере амала керен давкха со ов дехел. Мислине те амаленге. Те синян кханило ленца тай керес букя колато на манген, ка ачшовен ли туке амала? Нанай! Ачука–да, те мангеса те овес Девлескоро амал требе те керес давкха со ов дехел. (Йоан 4:24)

Само екх религия ка керел тут амал е Девлеса. О Исус, е Девлескоро ем–лачшо амал, кергяс пхеряс дуе дроменге. О йекто си бухло тай пхердо манушенца. Кавка дром ингенел ко мериба. Окова дром си танго тай пе лесте пхирен хари мануша. Ов ингенел ко са животи. Те мангеса те овес амал е Девлеса, требе те сикльовес сар те дес лес коч. (Матей 7:13, 14)