Ма използвине трудна думес

Со кергяс о Исусес

КЛИПИ: О Исусес сикавел кизом бут дикхел аменге амаро Дад

1. Дикх о КЛИПИ или четине Матей 6:25-27. После мислине калке въпросиенге:

1. а) Сар о Исусес сикавгяс кизом бут дикхел аменге о Йехова?

2. б) О Исусес жанелас бут букя е чирикленге, ама со решингяс те пхенел за ленге? Соске давкха помагингяс леске те сикавел е манушен шукар?

Со сикльовас таро Исусес?

2. Ако сикавас е манушен, като използвинас думес, колато ащи лесно те ахальовен, он ка помнинен со сикавгям лен тай калка букя ка ден ленгере вогиенде.

Ов сар о Исусес

3. Ма хоратине бут. Вместо те пхенес всичко со жанес йекхе въпросиеске, хоратине е букиенге таро лил, колестар изучинен. Кана пучес е манушес нещо, жар търпеливо те отговоринел. Ако на жанел о отговори или пхенел букя, колато според и Библия нанай верна, пуч лес авер букя, за те помагинес леске те мислинел тай те ахальовел о отговори. Кана е манушеске ачшол ясно, продължинен о изучаване.

4. Помагине е манушеске те ахальовел сави си връзка машкар о неве букя, колато сикльовел тай о букя, колато вече жанел. Например англал те започнинен о уроки, колестар о мануш ка ахальовел, кай ка овел възкресение, ащи те хоратинен хари е букиенге, колато ов вече жанел далкхеске со ачшол аменца, кана мерас.

5. Използвине шукар о примеря. Англал те пхенес йекх примери, пуч тут:

1. а) Дали о примери ахальовел пес лесно?

2. б) Ка овел ли е манушеске лесно те ахальовел лес?

3. в) Ка помагинел ли е манушеске те помнинел и поука или ка помнинел само о примери?