Σο κα Ντικχάς κο Μέρος 1

Η Αγία Γραφή κι αρχή κερέλα λάφι για τη δημιουργία ντα πουτρέλα αμαρέ γιακχά για τι αγαβάς ο μπουτ σουκάρ πράγματα σο κερντάς ο Ιεχωβά, εμ κο ουρανός εμ κι πφουβ. Άμα ισινάν ντατ ή ντάι, βοήθινε τι τσσαβές τι ντικχέλ σαρέ ο σουκάρ πράγματα σο ισί κι δημιουργία. Σίκαβ λέσκε σαρ κερντάς ο Ντεβέλ ι τζενέν τι αβέν μπουτ πο οπρέ κατά ζώα, ντα αντικάς μπορίνασα, αμέν ο τζενέ, τι κεράς λάφι, τι σκεφτίνας λογικά, τι λατσσαράς διάφορα πράγματα, τι γκιλιαβάς ντα τι κεράς προσευχή. Βοήθινε-λες τι σικλιόλ τι εκτιμίνελ ι ζορ ντα ι σοφία ι Ντεβλέσκι, ντα πο μπουτ ι αγάπη σο σικαβέλα σαρέ οντουλένγκε σο κερντάς​—σο αντρέ ανταλέντε ισί ο κάθε εκ αμένταρ-ντα.