Εκ Τσαντίρι για τι Ντιντιόλ Οτθέ Λατρεία

Κάνα ο Μωυσής ισινέ κο βες Σινά, ο Ιεχωβά βακερντάς λέσκε τι λατσσαρέλ εκ ξεχωριστός τσαντίρι, σο κα βακέρντιβελας η σκηνή της μαρτυρίας. Οτθέ κα ντένας λατρεία ο Ισραηλίτες ι Ιεχωβάς. Κα μπορίνενας τι ακχαρένας-λα πουμέντζαρ κάι-ντα τι τζάνας.

Ο Ιεχωβά βακερντάς: “Βάκερ κο λαός τι ντεν οντουβά σο μπορίνενα για τι βοηθίνεν τι λατσσάρντιβελ η σκηνή της μαρτυρίας”. Ο Ισραηλίτες ντινέ χρυσός, ασήμι, χαλκός, πααλίς μπαρά ντα χρυσαφικά. Επίσης ντινέ μπαλ, λινά κοτορά, δέρματα κατά ζώα ντα μπουτ γιαβερά πράγματα. Ο Ισραηλίτες ντινέ αντράλ πουμαρέ γκίσταρ αζόμ μπουτ πράγματα σο ο Μωυσής βακερντάς: “Τθεράσα μπουτ πράγματα! Μα ανέν γιαβερά”.

Μπουτ μουρσά ντα τζουβλιά σο τζανένας ι μπουτί λατσσές βοηθιντέ τι λατσσάρντιβελ η σκηνή της μαρτυρίας. Ο Ιεχωβά ντινάς-λεν σοφία για τι κερέν ανταγιά μπουτί. Μερικοί κερένας τθαβά, λατσσαρένας κοτορά ή κχουβένας. Γιαβερά τζενέ τσσουβένας εκχέ σειράστε ο μπαρά, λατσσαρένας ο χρυσάφι ή κερένας σχέδια οπράλ κο κας.

Ο λαός λατσσαρντάς ι σκηνή της μαρτυρίας ντιπ αντικάς σαρ βακερντάας λένγκε ο Ιεχωβά. Κερντέ εκ σουκάρ κουρτίνα για τι ξεχωρίντιβελ η σκηνή κο ντούι, ο Άγια κατά Άγια των Αγίων. Κο Άγια των Αγίων ισινέ η κιβωτός τις διαθήκης, σο ισινέ κερντί κατά χρυσός ντα εκχέ καστέσταρ σο βακέρντιβελα ακακία. Κο Άγια ισινέ εκ χρυσός λυχνοστάτης, εκ τραπέζι ντα εκ θυσιαστήριος για τι πφαμπόλ ο θυμίαμας. Κι αυλή ισινέ εκ μπαρί λεκάνη χαλκόσταρ ντα εκ μπαρό θυσιαστήριος. Η κιβωτός της διαθήκης ανέλας κι γκοντί κι Ισραηλιτένγκι ότι ντινέας πουμαρό λάφι τι ντεν καν κο Ιεχωβά. Τζανέσα σο ισί διαθήκη; Ισί εκ ξεχωριστή υπόσχεση.

Ο Ιεχωβά τραμπιντάς τον Ααρών ντα λέσκε τσσαβέν για τι κερέν μπουτί κι σκηνή της μαρτυρίας σαρ ιερείς. Βον έπρεπε τι αρακχαβέν ι σκηνή ντα τι κερέν οτθέ θυσίες ι Ιεχωβάσκε. Σάντε ο Ααρών, ο αρχιερέας, αβέλας-πες τι ντελ αντρέ κο Άγια των Αγίων. Κερέλας-λες ανταβά εκ φαρ κο μπρες για τι ντελ θυσία κο Ιεχωβά ντα τι συγχωρίντιβεν ο αμαρτίες λέσκε, λέσκε φαμιλιάκε ντα σαρέ ι Ισραηλιτένγκε.

Ο Ισραηλίτες μπιτισκιαρντέ ι σκηνή της μαρτυρίας αντρέ εκχέ μπρεσέστε οτθάρ μπερί σο νασλέας κατά Αίγυπτος. Ακανά τθερένας εκ τθαν για τι ντεν λατρεία ι Ιεχωβάς.

Ο Ιεχωβά πφερντάς ι σκηνή με την δόξα πιρί ντα τσσουντάς εκ σύννεφος οπρά-λάταρ. Καζόμ ο σύννεφος ισινέ οπράλ κι σκηνή, ο Ισραηλίτες μπεσένας οντουλέ τθανέστε σο ισινέ. Αλλά κάνα ο σύννεφος ιστίλας οπρέ, ο Ισραηλίτες τζανένας ότι αβιλόας ο σαάτι τι τζαν κάπου γιαβερτθέ. Γκίντενας ι σκηνή της μαρτυρίας ντα τζάνας παλάλ κο σύννεφος.