ΜΑΘΗΜΑΣ 03
Μπορίνεσα τι Ντες Μπέσα κι Αγία Γραφή;
Η Γραφή ντέλα μπουτ υποσχέσεις ντα λατσσέ συμβουλές. Μπορεί τι μανγκέσα τι σικλιός οντουλά σο σικλιαρέλα, αλλά μπορεί μα τι ισινάν αζόμ σίγουρος ανταλέ λαφίνγκε. Αβέλα-πες τι ντες μπέσα κο υποσχέσεις ντα κο συμβουλές εκχέ ασακέ πουρανέ βιβλιόσκε; Αβέλα-πες τι πακιάς ο λάφια ι Γραφιάκε σο βακερένα σαρ τι τθερές σουκάρ ζωή ακανά ντα κο μέλλον; Εκατομμύρια τζενέ κερένα-λες ανταβά. Ντικχ άμα αβέλα-πες τι κερές-λες τούι-ντα.
1. Ανταλά σο βακερέλα η Γραφή ισί μπαγιά ή μασάλια;
Η Γραφή βακερέλα ότι τθερέλα «σωστά λάφια σο ισί μπαγιά». (Εκκλησιαστής 12:10) Κερέλα λάφι αληθινέ πραγματένγκε σο αβιλέ-πες τζενένταρ σο υπαρχίντιβενας μπαγιά. (Διαβάνεν Λουκάς 1:3· 3:1, 2) Μπουτ ιστορικοί ντα αρχαιολόγοι βακερντέ ότι ισί μπαγιά σαρέ ο ημερομηνίες, ο τζενέ, ο τθανά ντα ο πράγματα σο βακερέλα η Γραφή ότι αβιλέ-πες.
2. Σόσκε βακεράσα ότι ο λάφια ι Γραφιάκε ισί αμαρέ ντιβεσένγκε;
Η Γραφή σικαντάς μπουτ φαρ ότι κερέλας λάφι πραγματένγκε πριν τι σικλιόν-λεν ο τζενέ. Για παράδειγμας, επιστημονικέ πραγματένγκε. Ο τζενέ να συμφωνίνενας οπράλ ανταλέ θεματέντε κο βακίτι σο γραφίντιλι η Γραφή. Όμως, ο επιστήμονες αμαρέ ντιβεσέντε σικαβένα ότι ο λάφια ι Γραφιάκε ισί μπαγιά. «Μπορίνασα τι ντας λένγκε μπέσα, ακανά ντα για πάντα».—Ψαλμός 111:8.
3. Σόσκε μπορίνασα τι ντας μπέσα σαρέ οντουλένγκε σο βακερέλα η Γραφή ότι κα αβέν-πες ανγκλ’ αμέντε;
Η Γραφή τθερέλα προφητείεςa σο βακερένα «ο πράγματα σο να αβιλέ-πες ατζέκ». (Ησαΐας 46:10) Βακερντάας μπουτ μπρεσά πο τζανγκλέ σαρ κα νικιόνας μπαγιά μπουτ ιστορίες. Επίσης, βακερέλας ντιπ σαρ κα αβέλας ο ντουνιάς αντιβές. Ανταλέ μαθημάστε, κα ντικχάς χάνικ προφητείες κατά Γραφή. Ο τρόπος σο νικίστιλε μπαγιά ανταλά προφητείες κερένα-αμέν τι σαστίνας!
ΧΑΝΤΖΟΥΒ ΠΟ ΑΧΟΡΤ
Ντικχ σαρ συμφωνίνελα η Γραφή αντιβές ι επιστημονικέ πραγματέντζαρ ντα ρόντε λατσσές χάνικ προφητείες κατά Γραφή.
4. Η επιστήμη συμφωνίνελα ι Γραφιάσαρ
Κο πουρανέ μπρεσά, ο πο μπουτ τζενέ πακιάνας ότι η πφουβ ατσσόλα οπράλ εκχέ πραγμάστε. Ντικχέν ο ΒΙΝΤΕΟΣ.
Ντικχ σο βακερέλας ο βιβλίος του Ιώβ πριν από περίπου 3.500 μπρεσά. Διαβάνεν Ιώβ 26:7 ντα σοράν συζητίνεν ι ερώτηση:
Σόσκε κερέλα-αμέν τι σαστίνας ο λάφι ότι η πφουβ ιμπλάντιβελα «κο πουθενά»;
Ο τζενέ αγαντέ λατσσές σαρ ντέλα ντονταλάι ο πανί ι πφουβιάκο πριν από περίπου 200 μπρεσά. Ντικχ όμως σο βακερντάας η Γραφή πριν από χιλιάδες μπρεσά. Διαβάνεν Ιώβ 36:27, 28 ντα σοράν συζητίνεν ο ερωτήσεις:
Σόσκε κερέλα-αμέν τι σαστίνας ο τρόπος σο ντέλα ντονταλάι ο πανί ι πφουβιάκο;
Κερένα-τουτ τι ντες πο μπουτ μπέσα κι Γραφή ο εδάφια σο διαβαντάν ακανά;
5. Η Γραφή βακερντάας σημαντικά πράγματα
Διαβάνεν Ησαΐας 44:27–45:2 ντα σοράν συζητίνεν ι ερώτηση:
Καλά λεπτομέρειες βακερντάας η Γραφή 200 μπρεσά πριν τι καταστραφίντιβελ η Βαβυλώνα;
Η ιστορία σικαβέλα ότι ο βασιλιάς Κύρος κι Περσία ντα λέσκο στρατός καταστραφιντέ ι Βαβυλώνα κο 539 Π.Κ.Χ.b Χαντζουντέ εκ χαντάκι για τι γουλίλ ο πανί ι λενιάκο σο αρακχαβέλας ι πόλη. Τσσουντέ-πες κι πόλη κατά πόρτες σο ατσσιλέας πουταρντέ ντα καταστραφιντέ-λα χωρίς τι κερέν τζένγκι. Αντιβές, σοράν από 2.500 ντα πο μπουτ μπρεσά, κι Βαβυλώνα ατσσιλέ σάντε λάκε μπαρά. Ντικχ σο βακερέλας η Γραφή.
Διαβάνεν Ησαΐας 13:19, 20 ντα σοράν συζητίνεν ι ερώτηση:
Σικαβέλα οντουβά σο αβιλό-πες κι Βαβυλώνα ότι νικίστιλι μπαγιά ανταγιά προφητεία;
Ο μπαρά ι Βαβυλωνάκε κο Ιράκ αντιβές
6. Η Γραφή βακερντάας ανταλά σο ντικχάσα αντιβές
Η Γραφή βακερέλα ότι ακανά τζουβντιάσα κο «τελευταία ντιβεσά». (2 Τιμόθεο 3:1) Ντικχ σο βακερντάας η Γραφή ανταλέ μπρεσένγκε.
Διαβάνεν Ματθαίος 24:6, 7 ντα σοράν συζητίνεν ι ερώτηση:
Καλά πράγματα βακερντάας η Γραφή ότι κα αβένας-πες κο τελευταία ντιβεσά;
Διαβάνεν 2 Τιμόθεο 3:1-5 ντα σοράν συζητίνεν ο ερωτήσεις:
Καλά χούγια βακερέλας η Γραφή ότι κα τθερένας ο τζενέ κο τελευταία ντιβεσά;
Καλά χούγια ντικχέσα τούι;
ΜΕΡΙΚΑ ΤΖΕΝΕ ΒΑΚΕΡΕΝΑ: «Η Γραφή ισί εκ βιβλίος σο τθερέλα μασάλια».
Τούι σο πακιάσα, καγιά ισί η πο μπαρί απόδειξη σο σικαβέλα ότι μπορίνασα τι ντας μπέσα κι Γραφή;
ΧΑΝΙΚ ΛΑΦΙΝΤΖΑΡ
Η ιστορία, η επιστήμη αλλά ο προφητείες-ντα σικαβένα ότι μπορίνεσα τι ντες μπέσα κι Γραφή.
Σο Σικλιλάν;
Οντουλά σο βακερέλα η Γραφή αβιλέ-πες ή ισί μασάλια;
Καλέ πραγματέντε συμφωνίνελα η επιστήμη ι Γραφιάσαρ;
Τούι, πακιάσα ότι η Γραφή βακερέλα σο κα αβέλ-πες ανγκλ’ αμέντε; Σόσκε βακερέσα-λες ανταβά;
ΡΟΝΤΕ
Τθερέλα η Γραφή λάφια σο νανέ σωστά επιστημονικά;
Καλά πράγματα κα σικαβένας ότι τζουβντιάσα κο «τελευταία ντιβεσά»;
«6 Προφητείες ι Γραφιάκε σο Ντικχένα τι Νικιόν Μπαγιά» (Η Σκοπιά 1 Μαΐου 2011)
Σίκλιουβ σαρ νικίστιλε μπαγιά ο προφητείες ι Γραφιάκε σο βακερένας για την Ελληνική Αυτοκρατορία.
Ντικχ σαρ ι Γραφιάκε προφητείες κερντέ εκχέ τζενές τι ντικχέλ γιαβέρτουλους ι Αγία Γραφή.
a Ο προφητείες ισί λάφια ι Ντεβλέσκε σο σικαβένα σο κα αβέλ-πες ανγκλ’ αμέντε.
b Π.Κ.Χ. μανγκέλα τι βακερέλ «Πριν από την Κοινή μας Χρονολογία» ντα Κ.Χ. μανγκέλα τι βακερέλ «Κοινή μας Χρονολογία».