Τι Αβέν Αποφασισμέ

Σο Κερντάς ο Ιησούς

ΒΙΝΤΕΟΣ: Ο Ιησούς Σικλιαρέλα ι Νικοδημός

1. Ντικχέν ο ΒΙΝΤΕΟΣ ή διαβάνεν Ιωάννης 3:1, 2. Σοράν σκεφτίνεν ο ερωτήσεις:

1. α. Σόσκε αμντίνενα ότι ο Νικόδημος γκιλό κο Ιησούς αντρέ κι ιράτ;​—Ντικχέν Ιωάννης 12:​42, 43.

2. β. Σαρ σικαντάς ο Ιησούς ότι ισινέ αποφασισμέ τι κερέλ μαθητέν;

Σο Σικλιάσα Κατά Ιησούς;

2. Σικαβάσα ότι μανγκάσα ι τζενέν κάνα ισινάμ αποφασισμέ τι βοηθίνας-λεν τι αβέν μαθητές.

Μοιάζεν κο Ιησούς

3. Κερέν ι μελέτη κο σαάτι ντα κο τθαν σο ισί λατσσό ι τζενέσκε. Μπέκιμ ισί πο λατσσό λέσκε εκ συγκεκριμέ ντιβές κι εβδομάδα ή εκ συγκεκριμέ σαάτι κο ντιβές. Κάι κα νιωθίνελας πο λατσσές τι κερέν ι μελέτη​—πι μπουτιάτε, πι κχερέστε ή κάπου αβρί; Άμα αβέλα-πες, αλλάνεν τουμαρό πρόγραμμας για τι κερέν ι μελέτη κο σαάτι ντα κο τθαν σο μανγκέλα βοβ.

4. Τι κερέν ι μελέτη κάθε φαρ. Άμα ισί τι νασέν, κανονίνεν μα τι χασαρέλ ο τζενό ι μελέτη. Οκιά μπάνταρ, σκεφτίνεν:

1. α. Κα μπορίνενας τι κερέν ι μελέτη εκ γιαβέρ ντιβές αντρέ κι εβδομάδα;

2. β. Κα μπορίνενας τι κερέν ι μελέτη αντράλ κατά τηλέφωνος ή κατά Ίντερνετ;

3. γ. Κα μπορίνενας τι μανγκέν εκχέ γιαβερέ πφραλέσταρ τι κερέλ ι μελέτη;

5. Προσευχίντιβεν για τι ντικχέν ι τζενές ι σωστέ τροπόσαρ. Μανγκέν κατά Ιεχωβά τι βοηθίνελ-τουμέν μα τι μουκχέν ι τζενές σο κερένα-λες μελέτη, ατζέ-ντα άμα δυσκολίντιβελα τι αβέλ σταθερός κι μελέτη ή τι κερέλ εκ συμβουλή ι Γραφιάκι. (Φιλιπ. 2:​13) Λογικά, ο τζενό τθερέλα μπουτ λατσσέ ιδιότητες. Προσευχίντιβεν κο Ιεχωβά για τι τθερέν-λεν τουμαρέ γκοντιάτε.