Ο Ιησούς Αβέλα ο Μεσσίας

Ο Ιωάννης βακερέλας: “Αβέλα εκ τζενό πο μπαρό μάνταρ”. Κάνα ο Ιησούς αβιλό 30 μπρεσένγκο, γκιλό κατά Γαλιλαία κι Λεν Ιορδάνης, οτθέ σο ο Ιωάννης μπολέλας ι τζενέν. Ο Ιησούς μανγκέλας τι μπολέλ-λες ο Ιωάννης, αλλά ο Ιωάννης βακερντάς: “Δεν πρέπει τι μπολάβ-τουτ με. Τούι πρέπει τι μπολές-μαν”. Ο Ιησούς βακερντάς κο Ιωάννης: “Ο Ιεχωβά μανγκέλα τι μπολές-μαν τούι”. Αντικάς γκιλέ κι Λεν Ιορδάνης, ντα ο Ιωάννης τσσουντάς σαστό ι Ιησούς αντρέ κο πανί.

Κάνα ο Ιησούς νικίστιλο κατά πανί, προσευχισάλο. Οντουβά σαάτι, ο ουρανός πουτάρντιλο, ντα ο πνεύμας ι Ντεβλέσκο γουλίστιλο οπρά-λέστε σαρ περιστέρι. Αζομάν ο Ιεχωβά κερντάς λάφι κατά ουρανός: «Τούι ισινάν μο Τσσαβό σο μανγκάβα-τουτ μπουτ. Κερέσα μο γκι».

Κάνα ο πνεύμας ι Ιεχωβάσκο γκιλό οπράλ κο Ιησούς, βοβ αβιλό ο Χριστός, δηλαδή ο Μεσσίας. Ακανά κα μπορίνελας τι αρχίνελ ο έργος σο μπουτσσαντάας-λες τι κερέλ ο Ιεχωβά κι πφουβ.

Σοράν κατά μπολντιπέ λέσκο, ο Ιησούς γκιλό κι έρημος ντα μπεσλό οτθέ 40 ντιβεσά. Κάνα βουρτισάλο, γκιλό τι ντικχέλ ι Ιωαννής. Καζόμ ο Ιησούς τζάλας λέστε, ο Ιωάννης βακερντάς: “Ανταβά ισί ο Μπρακό ι Ντεβλέσκο σο κα νασκιαρέλ ι αμαρτία ι ντουνιάσκι”. Ανταλέ λαφίντζαρ ο Ιωάννης σικαντάς κο τζενέ ότι ο Ιησούς ισινέ ο Μεσσίας. Τζανέσα σο αβιλό κο Ιησούς καζόμ ισινέ κι έρημος; Για τι ντικχάς.