2 Пётро
1 Мэ, о Си́мано Пётро, лэ Исусоско лэ Христоско рабо и апостало, пистросарав кодэлэнди, кастэ через кода, кай амаро Дэл и амаро Спасителё о Исусо Христос андэ вся правильни, исин кацаво жэ кучутно патяимос, сар и амэндэ.
2 Мэк о Дэл инке май фартэ здиқэл пэр тумэндэ па пэско баро ковло ди и дэл май бут мирно жызня через кода, кай тумэ ӷанэн о чачимос пала Дэл и пала Исусо, амаро Баро Хулай. 3 Лэско дэвликуно зор дя* амэнди вся, со трэбуй, кай амэ пэстиря жызняса тэ сыкавас бари патив каринг о Дэл, важ кода кай уӷанглям о чачимос пала кодэва, ко витидя амэн пэстиря бахтаса и лашымаса. 4 Кадя во дя* амэнди кучутнэ и райканэ обещании, кай через кадэла обещании тумэ тэ ашэн сар анӷелоря, савэ шонпэ по Дэл, кала освободинапэ ла чорованя жызнятар андэ кадэя люма, сави жал кодэлэстар, каринг со цырдэлпэ* лэ бэзэхэско ди.
5 Важ када пристон вся о зор, кай най кати тэ патян, но и тэ терэн правильно*; най кати тэ терэн правильно, но и тэ уӷанэн май бут; 6 най кати тэ уӷанэн май бут, но и тэ ритярэн пэс андэ вас; най кати тэ ритярэн пэс андэ вас, но и тэ ашэнпэ састэ андэ ԥари время; най кати тэ ашэнпэ састэ андэ ԥари время, но и тэ стон бари патив по Дэл; 7 най кати тэ стон бари патив по Дэл, но и тэ авэн глаба ек пала ек, сар ԥрала; най кати тэ авэн глаба ек пала ек, сар ԥрала, но и тэ любин всаворэн. 8 Важ кода кай если тумэ вся када терэн, и терэн анда вся ди, тоди тумэ на бэшэна би ла дилако, ай лэна тэ терэн кадя, сар ӷанэн о чачимос пала амаро Баро Хулай пала Исусо Христос, и када анэна бут лашымос.
9 Ай кодэва, ко када на терэл, коро, во ԥандавэл и яқа, кай тэ на диқэл о свето. И во бистэрдя, кай о Дэл дэлмут простисардя лэстирэ бэзэха. 10 Важ када, ԥрала, пристон инке май бут зор, кай тэ авэн достойни тэ ашэнпэ машкар кодэла, кас о Дэл ақардя и витидя. Если тумэ на парашэна када тэ домардён, тумэ никала на оджана лэ чачимастар*. 11 Тоди тумэнди авэла дино бут лашымос и тумэ попэрэна андо вечно Царство амарэ Барэ Хуласко и Спасителёско лэ Исусоско лэ Христоско.
12 Акэ васо мэ никала на парашава тэ шав тумари сама пэ вся, со мэ тумэнди пистросарав, хоть тумэ и кадя вся када ӷанэн и ашэлэ май састэ андо патяимос*, саво исин тумэндэ. 13 Мэ трэбуй тэ поможысарав тумэнди тэ на бистрэн када, пока мэ инке андэ кадэя тила*. 14 Важ кода кай мэ ӷанав, кай ӥто манди прижалапэ тэ ашавав кадэя тила, сар амаро Баро Хулай о Исусо Христос дя манди када тэ полав. 15 Мэ лава тэ терав вся, со па мэрно зор, кай тумэ тэ на бистрэн мэрнэ алава, кала мэ ужаватар.
16 Кала амэ ԥэнасас тумэнди пала зор амарэ Барэ Хуласко лэ Исусоско лэ Христоско и пала кода, сар во рияпэ, амэ на пэрэԥэнасас тумэнди лэ манушэндирэ сказки. Амэ пэстирэ яқэнца диқлям, сави бах лэстар марэл. 17 Лэсти дорэсляпэ лэ Дэвлэстар, лэ Дадэстар, и бах и патив, о Дэл, савэстар жал вся и бах, ԥэндя: «Када мэрно любимо Шаво, саво уӷодно манди». 18 И амэ ашундям кадэла алава, савэ ашунделэ па небо, кала самас лэса по свынто плай.
19 Важ када амэ инке май фартэ патяс, кай вся ашэла кадя, сар сас ԥэндо май данглал*, и тумэ драго терэн, кай шон пэ кадэла алава бари сама, сар пэ лампа, сави светий андо тэмно ҭан, андэ тумаро ди (пока на вижала о қам и на ваздэлапэ и тэсарутни черӷай.) 20 Тумэ ӷанэн, кай нисо* андэ Свынти Лила, на сас пистромэ па лэ манушэнго гиндо. 21 Важ кода кай кадэла алава никала на сас пэрэдинэ лэ манушэстар, но лэ манушэн андярэлас о свынто зор, и вонэ пэрэдэнас о алав лэ Дэвлэстар.