Кала тердяпэ бида

Сар тумэ тэ на старыинпэ, кай о ери тэ авэл бахтало, всаек андэ жызня можэт тэ терэлпэ бида, и через када тумэ можэте тэ хасарэн и радость (Экклезиаст 9:11). Кала исин ԥаримос, о Иегова сыкавэл любовь каринг амэндэ и подритярэл. Если тумэ лэна тэ прилэн лэ Иеговастирэ советоря анда Библия, тоди тумэндэ вижала тэ пэрэандярэн дажэ бари бида.

1 НАДЕИНПЭ ПО ИЕГОВА

СО ԤЭНЭНПЭ АНДЭ БИБЛИЯ. «И вся, пала со пэрэжываете, пэрэстон пэр лэстэ, важ кода кай во фэрий и диқэл пала тумэндэ» (1 Петра 5:7). Сэрэн: о Иегова най дошало андэ тумари бида (Иакова 1:13). Авэн май пашэ каринг о Дэл, и во поможыя тумэнди тэ пэрэандярэн о ԥаримос (Исаия 41:10). «Росԥэнэн вся, со тумэндэ по ди» (Псалом 62:8).

Тумэнди придэла зор, если тумэ лэна кажно дес тэ адинон и Библия и тэ изучаете ла. Тоди тумэ пар пэстэ диқэна, сар о Иегова «подритярэл амэн андэ вся амаро ԥаримос» (2 Коринфянам 1:3, 4; Римлянам 15:4). Во дэл алав, кай дэла тумэнди «спокойство андо ди, саво май баро чем всаворэ гиндоря» (Филиппийцам 4:6, 7, 13).

СОВЕТОРЯ

• Мангэнпэ, кай о Иегова тэ поможый тэ ашэнпэ спокойни и здраво тэ диқэн пэ ситуацыя

• Погиндон, со тумэ можэте тэ стерэн андэ кадэя ситуацыя, и витидэн со май лашо варианто

2 ЗАБОТИНПЭ ПАЛА ПЭСТЭ И ПАЛА ПЭСКО ЕРИ

СО ԤЭНЭНПЭ АНДЭ БИБЛИЯ. «Оди кай о годявэрно старыийпэ май бут тэ уӷанэн, и кан кай и мудри родэн знания» (Притчи 18:15). Май драго погиндон пала вся ситуацыя и полэн, со трэбуй кажнонэсти андо ери. Подэн дума лэнца и драго виашунэн (Притчи 20:5).

Ай со, если варико муля анда чаче? На лажан тэ сыкавэн, со тумэндэ по ди. Сэрэн: о Иисусо андэ кадэя ситуацыя тожэ заровья (Иоанна 11:35; Экклезиаст 3:4). Важно, кай тумэ тэ отцыён и драго тэ висовэнпэ (Экклезиаст 4:6). Вся када поможыя тумэнди тэ пэрэандярэн кацави бида.

СОВЕТОРЯ

• Авелоп драго, кай тумэндэ тэ авэл привычка тэ общяетесь лэ ереса пала вся

• Подэн дума кодэлэнца, кастэ сас кацаво жэ ԥаримос, сар тумэндэ

3 НА ОТԤЭНДЁН, КАЛА ТУМЭНДИ КАМЭН ТЭ ПОМОЖЫН

СО ԤЭНЭНПЭ АНДЭ БИБЛИЯ. «Чачуно друӷо любий вся и время, во ԥрал, пэ саво можно тэ надеиспэ андэ бида» (Притчи 17:17). Тумарэ друӷоря камэн тумэнди тэ поможын, но вонэ моӷут тэ на ӷанэн, сар када тэ стерэн. На лажан тэ ԥэнэн, андэр со тумэ нуждаетесь (Притчи 12:25). Мангэн помощь кодэлэндар, ко драго ӷанэн и Библия. И библейски советоря, савэ вонэ ԥэнэна, обязательно тумэнди поможына (Иакова 5:14).

Кала тумэ лэна общяца кодэлэнца, кастэ састи вера и ко патял андэ лэ Дэвлэстирэ обещянии, када тумэн подритярэла. Инке тумэнди придэла зор, если тумэ поможын кодэлэнди, касти тожэ ԥарэс. Росԥэнэн лэнди пала лэ Иеговастирэ обещянии и сар тумэ патян лэсти. На парашэн тэ дэн зор кодэлэнди, кастэ ԥаримос, и на гарадён кодэлэндар, ко тумэн любий (Притчи 18:1; 1 Коринфянам 15:58).

СОВЕТОРЯ

• Подэн дума пэстирэ друӷоса и прилэн лэстар и помощь

• На лажан тэ ԥэнэн, со имено тумэнди трэбуй