Со о Дэл загиндосардя важ и мануша?
АДЕС, кай тэ уӷанэс найлашэ новости, бут на трэбуй. Хутилэла кати тэ лэс любо ӷазета, тэ включис о телевизоро чи тэ ашунэс о радио. Андэ люма бут терэн най па законо, бут войны и терроризмо! Кадяжэ кажнонэстэ андар мэндэ исин пэско ԥаримос. Дэкастэ баро насвалимос, ай варикастэ муля варико анда чаче.
Погиндосар.
Камэл о Дэл, кай тутэ чи кай тиро ери тэ авэл ԥаримос?
Сар тути тэ улэс пэско ԥаримос?
Авэла варикала пэ ԥув кадя, кай всаворэ мануша ладина ек аврэса?
Атветоря пэ кадэла вопросоря исин андэ Библия.
АНДЭ БИБЛИЯ ПИСТРОМЭ, КАЙ О ДЭЛ ФАРТЭ БУТ СО ПАРУВЭЛА ПЭ ԤУВ
И мануша будэр на авэна тэ насвавэн, тэ ԥурён и тэ мэрэн (Откровение 21:4)
«Тоди кодэва, ко лангал, лэла тэ прастэл, сар о оленё» (Исаия 35:6)
«Тоди и корэ, лэна тэ диқэн» (Исаия 35:5)
Кодэла, ко мулинэ, лэна упалэ тэ жувэн (Иоанна 5:28, 29)
Нико на авэла насвало (Исаия 33:24)
Всаворэндэ авэла бут хамос (Псалом 72:16)
РОДЭ АТВЕТОРЯ АНДЭ БИБЛИЯ
На гиндосар, кай вся, со пистромэ май упрэ, када кати мечта. Важ кода кай кадэла алава дя о Дэл, и андэ Библия пистромэ, сар во зритярэла пэстирэ алава.
Но ужэ акана и Библия поможый, кай тутэ тэ авэл лащи жызня. Файма, тути ԥарэс, кай нинай ловэ чи тутэ ԥаримос андо ери. Чи ԥарэс, важ кода кай вэрыто о зор чи кай варико анда тирэ чаче муля. И алава анда Библия поможына тути тэ пэрэжувэс чи тэ улэс кадэва ԥаримос. Андэр латэ виарақэса кода, состар ашэла май вушэро, важ кода кай андэр латэ исин атветоря пэ бут важни вопросоря, кацавэ сар пистромэ май тэлэ.
Васо андэ люма кадя бут найлашимос и ԥаримос?
Сар тэ улэс чи тэ пэрэжувэс о ԥаримос?
Со трэбуй, кай о ери тэ авэл бахтало?
Со терэлпэ лэ манушэса, кала во мэрэл?
Ринапэ каринг и жызня амарэ чаче, савэ мулинэ?
Васо амэ патяс, кай о Дэл зритярэла всаворэ пэстирэ алава?
Сар ту адинос кадэя книжка, када сыкавэл, кай ту камэс май драго тэ полэс, со пистромэ андэ Библия. Кода, со пистромэ андэ кадэя книжка, поможыя тути андэ када. Каринг и абзацоря исин вопросоря, савэ поможын май драго тэ полэс и Библия. Миллиононэ манушэнди чалеля кадя тэ сытён па Библия лэ Иеговастирэ свидетелёнэнца. Амэ патяс, кай и тути када кадяжэ чалёла. Мэк дэл о Дэл тути лашимос, важ кода кай ту камэс тэ сытёс анда Библия