Кода, пала со сас дино алав, ашэла кадя па чачимастэ
И лащи весть важ лэ Дэвлэско царство, сар и ԥэндя о Иисусо, росԥэнэн адес па вся ԥув (Матфея 24:14). Анда библейско книӷа Даниила уӷанас, кай о царство, када лэ Дэвлэско правительство. Андо дуйто ӷлава Даниила ԥэнэнпэ пала лэ Дэвлэстирэ алава, савэ трэбуй сас тэ авэн. Андэ кадэя книӷа ԥэнэнпэ пала кода, кай парудёнас и ӷлавни правительства и када сас ла времятар, кала сас о дэлмутно Вавилоно и жы каринг амари время. Андо 44 стихо ԥэнэнпэ пала кода, со авэла амэндэ англэ.
«О Дэл, саво по нэбо, стола царство, саво никала на авэла розмардо. Кадэва царство на авэла пэрэдино аврэ народости. Во розмарэла всаворэ кадэла царства и стерэла кадя, кай лэн будэр на авэла, ай екжэно авэла тэ тердёл вечно».
Кадэла алава и авэр лэ Дэвлэстирэ алава, савэ трэбуй сас тэ авэн и савэ запистромэ андэ Библия, сыкавэн, кай ашэлапэ кати лэ Дэвлэско царство, ай манушыканэ правительства на авэна будэр. Во анэна кода, кай и мануша ладина машкар пэстэ и вся время жувэна драго и бахталэс. Ай сави авэла жизня, кала лэла тэ правий лэ Дэвлэско царство? Акэ дэсо анда кодэва лашимос, пала саво сас дино алав, и саво йто авэла.
БУДЭР НА АВЭНА ВОЙНЫ
Псалом 46:9: «[О Дэл] терэл кадя, кай тэ парашэн и войны па вся ԥув, во ԥагэл о луко и розмарэл о копьё, и вурдона, савэ важ и война, во сԥабарэл ягаса».
Погиндон, сави ашэла амари жизня, кала и ловэ и кода, со и мануша бут розуӷанэн адес, кай тэ стерэн оружия, авэна кати важ кода, кай тэ анэн лэ манушэнди лашимос, ай най тэ умарэн лэн! Када авэла, кала лэла тэ правий лэ Дэвлэско царство.
БУДЭР НА АВЭЛА НАСВАЛИМОС
Исаия 33:24: «Нико анда мануша, савэ котэ жувэна, на ԥэнэна: „Мэ насвало“».
Погиндон пала жизня, андэ сави никастэ на авэла насвалимос лэ одеса, на авэла рако, сахари и авэр насвалимос! На трэбуй авэна больницы и драба. Лэ манушэндэ авэла фартэ лашо зор и када лашо подарко важ кажно мануш, саво авэла тэ жувэл пэ ԥув!
БУДЭР НА АВЭЛА БОҚАЛИМОС
Псалом 72:16: «Авэла пэ ԥув бут марно. Само упрэ пэ плая, лэс авэла фартэ бут».
Пэ ԥув авэла бут хамос важ всаворэ мануша и нико на авэла боқало и на авэла манушэн, савэ на дохан.
БУДЭР НА АВЭЛА ДУК, БИДЫ И СМЭРТЬ
Откровение 21:4: «[О Дэл] виқосэла всаворэ ясва па лэндирэ яқа, и смэрть будэр на авэла, нисави бида, ни дук будэр на авэна. Кода, со сас, прожыля».
Вижал, лэ манушэндэ авэла вечно жизня, андо раё пэ ԥув и лэндэ авэла фартэ лашо зор! Пала када дя алав амаро любящё создателё о Дэл Иегова.
О ДЭЛ НИКАЛА НА ХОХАВЭЛ
Файма, тумэнди здэлпэ, кай вся када сказка? Хоть бутэ манушэнди чалёл вся о лашимос, саво ԥэнэнпэ андэ Библия и када кода, со фартэ камэл амаро ди. Бутэнди ԥарэс андэ када тэ патян, кай и мануша авэна тэ жувэн вечно. И андэ када нисо нинай, важ кода кай нико анда мануша на жудя вечно и када на пэрэдэла алавэнца.
О бэзэх и смэрть инке дэлмут хулая пэ мануша. И мануша пэрэандярэн биды и ԥаримос и кода, кай када уже фартэ дэлмут и мануша гиндон, кай андэ када нисо нинай найлашо и кай када кадя трэбуй тэ авэл. Амаро создателё о Иегова Дэл дя алав, кай стерэла жизня, сави на шолапэ пэ кодэя, сави исин адес.
Кай тэ патяс андэ кода, пала со во дэл алав, о Дэл ԥэндя кадэла састэ алава: «Алав, саво вижал анда мэрно муй, на рияпэ каринг мандэ, дэкин на стерэла кода, васо мэ лэс бишалдэм, но стерэла кода, со мэ камав и стерэла кода, васо мэ лэс бишалдэм» (Исаия 55:11).
Андэ Библия ԥэнэнпэ, кай о Дэл о Иегова никала на хохавэл (Титу 1:2). Андэ Библия о Дэл росԥэнэн пала лашимос и пала шукаримос, саво авэла англэ, важ када трэбуй тэ погиндосарас акэ пала со. Па чачимастэ и мануша авэна тэ жувэн вечно андо раё пэ ԥув? Со трэбуй тэ терэс, кай тэ диқэс, сар авэла кода, пала со о Дэл дя алав? Пала када ту уӷанэса, кала пэрэбандярэса пэ авэр страница.