Каса о Иегова можэт тэ дэл тути тэ ашэс?

1. Со можэт тэ стерэл о Иегова, кай тэ стерэл кода, со загиндосардя?

О ИЕГОВА можэт тэ ашэл кодэлэса, каса трэбуй, кай тэ стерэл кода, со во загиндосардя. Например, во можэт тэ ашэл Учителё, кодэва, ко фэрий и кодэва, ко росԥэнэн о чачимос. И када инке най вся, каса во можэт тэ ашэл (Исаия 48:17; 2 Коринфянам 7:6; Галатам 3:8). Тоди, кала во терэл кода, со загиндосардя, во ақарэл, кай лэсти тэ поможын и мануша (Матфея 24:14; 28:19, 20; 2 Коринфянам 1:3, 4). Любонэсти андар мэндэ о Иегова можэт тэ дэл мудрость и зор, кай амэ тэ ашас кодэлэнца, ко лэсти трэбуй андэ кадэя время. Вся када, сар гиндон дэсавэ учони, савэ полэн и Библия, сжалпэ кодэлэса, со сыкавэл о алав Иегова.

2. а) Васо дэкала амэ на патяс, кай амэндар авэла толку андэ служэния лэ Иеговасти? б) Со амэ уӷанаса андэ кадэя статья?

² Всаворэ амэ камас, кай амэндар тэ авэл толко андэ служэния лэ Иеговасти. Но дэко гиндой, кай нэ моӷут тэ стерэн, скати вонэ камэн через пэстирэ бэрша, кай нинай возможности чи гиндон, кай лэндэ най фартэ вижала. Авэр гиндон, кай вонэ ужэ бут со стердэ андэ служэния и май бут ужэ на камэн тэ терэн. Андэ кадэя статья амэ подаса дума, сар о Иегова можэт тэ сытярэл кажнонэс андар мэндэ, кай тэ стерэл кода, со во загиндосардя. Посли кода, амэ роздиқаса примероря анда Библия, сар о Иегова дэлас пэстирэ служытелёнэнди, лэ муршэнди и лэ жувлянди зор и кай вонэ тэ камэн варисо тэ терэн. И тоди подаса дума, сар тэ авас лашэ инструменторя андэ лэ Иеговастирэ вас.

САР О ИЕГОВА АМЭН СЫТЯРЭЛ?

3. Сар кода, со пистромэ андэ Филиппийцам 2:13, о Иегова можэт тэ стерэл кадя, кай амэ тэ камас тэ стерас кода, со загиндосардям.

³ Адиносар Филиппийцам 2:13bc. О Иегова можэт тэ стерэл кадя, кай амэ тэ камас варисо тэ терас. Сар када? Ԥэнаса, амэ уӷанглям, кай андэ амари собрания трэбуй помощь. Чи и старейшыноря заадиносардэ пи́сьмо, саво авеля анда филиало, андэ саво пистромэ, кай варикай инке трэбуй помощь. И тумэ гиндон: «Ай соса мэ моӷу тэ поможысарав?» Или можэт амэнди камэн тэ дэн ԥари дила, ай амэ гиндосарас, кай када най па амаро зор. Ай можэт амэ адиносарас варисавэ стихоря анда Библия и гиндосарас: «Сар кадэла стихоря поможына манди тэ дав зор аврэнди?» О Иегова на лэла амэн тэ заставий. Но кала во диқэл, кай амэ гиндосарас пала кода, кай тэ поможысарас, тоди во можэт тэ стерэл кадя, кай амэ тэ камас тэ стерас кода, со загиндосардям.

4. Сар о Иегова можэт тэ дэл амэнди зор, кай амэ варисо тэ терас?

⁴ О Иегова кадяжэ можэт тэ дэл амэнди зор, кай амэ варисо тэ терас (Исаия 40:29). Пэстирэ свынтонэ духоса, во дэла амэнди тэ терас кода, со амэ ӷанас, и тэ терас када инке май драго (Исход 35:30—35). Через пэстири арӷанизацыя о Иегова сытярэл амэн тэ терас дэсавэ задании. Если тумэ полэн, кай тумэндэ на вижала, мангэн, кай тумэнди тэ поможын. И кадяжэ мангэнпэ амарэ небеснонэ Дадэсти, кай тэ дэл «зор, саво май баро обычнонэстар» (2 Коринфянам 4:7; Луки 11:13). Андэ Библия исин бут примероря, сар о Иегова дэлас лэ муршэнди и лэ жувлянди зор, кай вонэ тэ камэн варисо тэ терэн. Роздиқам дэсавэ примероря и погиндосарам, сар амэ можэм тэ авас кацавэ жэ лашэ инструменторя андэ лэ Иеговастирэ вас.

КАСА АШЭЛЭ И МУРША?

5. Сости амэ сытювас, кала адиносарас пала кода, кала и сар о Иегова дя лэ Моисеёсти тэ освободий пэско народо?

⁵ О Иегова дя лэ Моисеёсти, кай во тэ фэрий лэ израильтянонэн. Но кала о Иегова дя лэсти кадэя дила? Кала о Моисеё «сас сытярдо всаворя мудростяти, сави сас кай и египтяноря» и полэлас, кай лэстэ исин зор? (Деяния 7:22—25). Най, о Иегова дя лэсти кадэя дила посли кода, сар поможысардя тэ ашэл кацаво мануш, саво на заваздэл о шэро (Деяния 7:30, 34—36). О Иегова дя лэ Моисеёсти кацави смилость, кай во на дарайля тэ тердёл англа само баро правителё андо Египто (Исход 9:13—19). Сости амэ сытювас, кала адиносарас пала кода, сар о Иегова када стердя через о Моисеё? О Иегова витидэл кодэлэн, кастэ и качестворя, савэ чалён лэсти, и ко мангэл лэстар зор (Филиппийцам 4:13).

6. Сости амэн сытярэл кода, кай о Иегова поможысардя лэ Давидости через о Верзеллиё?

⁶ Акэ со тердяпэ, бут шэл бэрш палпалэ. О царё Давидо и лэстирэ мануша сас «боқалэ и цыенэ» и камэнас тэ пэн паи, кала нашэнастар лэ Авессаломостар, лэ Давидостирэ шавэстар. Тоди о Иегова поможысардя лэнди через о Верзеллиё. Кадэва ԥуро мануш, кадяжэ сар всаворэ, рискуияс пэстиря жызняса, кай лэ Давидостэ и лэстирэ манушэндэ тэ авэл вся, со трэбуй. О Верзеллиё на гиндояс, кай во ужэ ԥуро и важ када нисо нэ можэт тэ стерэл важ о Иегова. Но во фартэ бут дя лэ Дэвлэстирэ служытелёнэнди анда кода, со лэстэ сас (2 Самуила 17:27—29). Со анда када амэ сытювас? Скати тэ на авэл амэнди бэрш, о Иегова можэт через амэндэ тэ поможый лэ ԥралэнди и лэ ԥэянди, савэндэ нинай кода, со трэбуй важ и жызня. И всаек, анда амари страна вонэ чи пала ӷраница (Притчи 3:27, 28; 19:17). Дажэ кала амэндэ на вижал тэ авас, кай тэ поможысарас лэнди, амэ можэм тэ дас ловэ пэ дила, сави терэн па вся и ԥув, кай лэ Дэвлэстири арӷанизацыя тэ поможый лэ ԥралэнди котэ, кай када трэбуй (2 Коринфянам 8:14, 15; 9:11).

7. Со о Иегова стердя через о Симеоно и сар када можэт тэ радуий амэн?

⁷ Лэ Симеоности, саво сас ԥуро мануш и даралас лэ Дэвлэстар, саво жувэлас андо Иерусалимо, о Иегова дя алав, кай во на мэрэла, пока на диқэла лэ Христос. Кадэя обещяния фартэ радуияс лэ Симеонос, саво бут бэрша аштярэлас лэ Христос. И во доаштярдя кадэя время, важ кода кай патялас и на парашэлас тэ аштярэл. Лэс «бишалдя о свынто духо» и во жыля андо храмо и котэ диқля лэ цынёнес лэ Иисусос. Через о Симеоно, о Иегова росԥэндя о пророчество пала кадэва бэято, саво трэбуй сас тэ ашэл Христос (Луки 2:25—35). Хоть о Симеоно, файма, на дожудя каринг кодэя время, кала о Иисусо ля тэ служый, но во сас блаӷодарно лэ Дэвлэсти, кай лэсти випэля кацави бах. Ай и май бари наӷрада лэс аштярэл англэ! Андо раё пэ ԥув кадэва мануш, саво на парашэлас тэ кандэл лэ Иеговас диқэла, сар лэ Иисусостири правления, анэна лашимос всаворэ еренди пэ ԥув (Бытие 12:3). Амэ кадяжэ трэбуй тэ авас блаӷодарни, если о Иегова через амэндэ терэл пэстири дила.

8. Сар о Иегова через тумэндэ можэт тэ терэл дила, сар варикала терэлас через о Варнава?

⁸ О Иосифо, сас щедро мануш, саво жувэлас андэ пэрво вико лэ И. Х. Во отдя пэс лэ Иеговасти, кай во тэ терэл через лэстэ дила (Деяния 4:36, 37). И апостолоря приԥэндэ лэсти Варнава, со сыкавэл «Шаво, саво терэл май вушэро по ди», файма, важ кода кай лэ Иосифостэ драго вижалас тэ терэл аврэнди кадя, кай тэ авэл лэнди май вушэро по ди. Кала о Павло ашэля христианино, бут ԥрала даранас лэстар, важ кода кай варикала во фартэ ӷонияс лэ христианонэн. И катэ лэсти тэ поможый авеля лашо мануш о Варнава, и кадэлэсти о Савло сас фартэ лошало (Деяния 9:21, 26—28). Посли кода и старейшыноря анда Иерусалимо закамлэ тэ подритярэн лэ ԥралэн андэ дурутни сирийско Антиохия. Кас вонэ кордэ бишалдэ? Лэ Варнавас! И драго тердэ. Амэ адиносарас, кай о Варнава «ля тэ подритярэл всаворэн тэ на парашэн тэ кандэн лэ Дэвлэс и тэ авэн смили» (Деяния 11:22—24). Кадя жэ и акана о Иегова можэт тэ поможый кажнонэсти амэнди тэ ашас важ и ԥрала и ԥэя, кацавэ манушэса, «саво терэл май вушэро по ди». Например, через амэндэ во можэт тэ подритярэл кодэлэн, кастэ муля варико чачо. Или тэ бишалэл амэн тэ жас кодэлэстэ, ко насвало чи касти ԥарэс, кай тэ подритярас лэн лашэ алавэнца, ай можэт тэ позвонисарас варикасти. Домэкэна тумэ, кай через тумэндэ о Иегова тэ терэл кацави лащи дила, сар варикала тердя через о Варнава? (1 Фессалоникийцам 5:14).

9. Сости амэн сытярэл кода, сар о Иегова поможысардя лэ Васясти, тэ ашэл лашо пастырё андэ собрания?

⁹ О Иегова поможысардя лэ ԥралэсти, савэс ақарэн Вася, тэ ашэл лашо пастырё андэ собрания. Лэсти сас 26 бэрш, кала лэс стодэ старейшынаса, и во даралас, кай лэстэ на вижала тэ поможый лэ ԥралэнди и лэ ԥэянди, касти фартэ ԥарэс. Но о Вася драго сытёлас кай и старейшыноря, савэндэ када драго вижалас, ай кадяжэ во сытеля андэ Школа священного служэния. Во столас бут зор, кай тэ парудёл. Например, во пистросардя, со лэсти трэбуй тэ терэл. Кала во терэлас и дила ек пала ек аврятэ, во по набут биросардя пэстири дар. Во росԥэнэн: «Кода, состар мэ варикала даравас, акана када анэн манди бари радость. Кала о Иегова поможый манди андэ Библия тэ арақав стихо, саво трэбуй, кай тэ подритярав лэ ԥралэс или ла ԥэя, мэрно ди лошавэл». Ԥрала, если тумэ отдэн пэс лэ Иеговасти, кай во тэ терэл кадя, сар камэл, тоди во дэла тумэнди зор, кай тумэ тэ стерэн май бут дила андэ собрания.

КАСА АШЭЛЭ И ЖУВЛЯ?

10. Со тердя и Авигея и сости амэ латар сытювас?

¹⁰ Лэ Давидости и лэстирэ воинонэнди, пала савэ ӷонияспэ о царё Сауло, трэбуй сас помощь. Лэ Давидостирэ мануша манглэ набут хамос, кай о барвало израильтянино Навало. Вонэ гиндонас, кай моӷут лэстар тэ мангэн, важ кода кай май англал вонэ фэринас андэ пустыня лэстирэ стадоря. Но о Навало, саво любияс кати корко пэс, на камля лэнди тэ поможый. О Давидо фартэ холяйля и закамля тэ умарэл лэ Навалос и всаворэн муршэн андэ лэско цэр (1 Самуила 25:3—13, 22). И Авигея, лэ Навалости хулаи, сас най кати шукарни, но и годявэрни. Вой на дарайля, авеля каринг о Давидо и пэля англа лэстэ пэ чангэндэ. И Авигея ля ясвэнца тэ мангэл лэс, кай во тэ на одрий и тэ на авэл дошало андэ кода, кай питяла о рат. Вой годявэрнэс подԥэндя лэсти тэ отдэл вся андэ лэ Иеговастирэ вас. И лашэ и годявэрнэ алава линэ лэ одестар лэ Давидос. Во поля, кай ла бишалдя о Иегова (1 Самуила 25:23—28, 32—34). Кай и Авигея сас качестворя, через савэ вой ашэля лашо инструменто андэ лэ Иеговастирэ вас. Кадя и адес через и христианки, савэ дэн дума годявэрнэс и ковлэс, о Иегова можэт тэ стерэл, кай тэ авэн май састэ еря и собрании (Притчи 24:3; Титу 2:3—5).

11. Сави дила терэнас лэ Шаллумостирэ щея и ко адес пэр лэндэ шолпэ?

¹¹ Бут викоря палпалэ о Иегова ԥэндя пэстирэ народости упалэ тэ строин и стины андо Иерусалимо. Кадэя дила кадяжэ терэнас и лэ Шаллумостирэ щея (Неемия 2:20; 3:12). Хоть лэнго дад о Шаллумо сас князё, лэстирэ щея всаек жылэ тэ терэн и ԥари и опасно бути (Неемия 4:15—18). Но ашунглэ мануша андо форо Фекоя «на камлэ тэ подсҭон пэстири кор», аврэ алавэнца на камлэ тэ строин (Неемия 3:5). Погиндон, сар лошавэнас лэ Шаллумостирэ щея, кала и стины построисардэ важ 52 дес! (Неемия 6:15). Андэ амарэ деса ԥэя, савэ на жалуин корко пэс, лошалэ тэ терэн важно дила андэ свынто служэния, када тэ строин и тэ диқэн пала ҭана, андэ савэ тэлён лэ Иеговасти. Кай драго тэ вижал кадэя дила, вонэ трэбуй бут со тэ ӷанэн тэ терэн, тэ стон зор и тэ на парашэн тэ кандэн лэ Дэвлэс.

12. Сар о Иегова можэт через амэндэ тэ терэл лашэ дилы, сар варикала через и Тавифа?

¹² О Иегова дя ла Тавифати, кай вой тэ терэл «бут лашэ дилы» и май бут важ и ԥивлэ жувля, вой часто «поможыяс лэ чорорэнди» (Деяния 9:36). И Тавифа терэлас бут лашэ дилы и важ када пала латэ ровэнас бут мануша, кала вой муля. Савэ вонэ сас лошалэ, кала о апостоло Пётро рисардя ла каринг и жызня! (Деяния 9:39—41). Сости амэ сытювас кай и Тавифа? Всаворэ амэ, ԥурэ и тэрнэ, мурша и жувля, можэм тэ терас лашэ дилы важ и амарэ ԥрала и ԥэя (Евреям 13:16).

13. Сар о Иегова через и лажавни ԥэй, савя ақарэн Руфь, терэлас лашэ дилы и со вой анда када поля?

¹³ Лажавни ԥэй, савя ақарэн Руфь, вся и время камэлас тэ ашэл мисианерка. Сар сас цынёни, вой сар пуля беӷиияс еқэ цэрэстар каринг авэр цэр и роздэлас и буклеторя. Вой росԥэнэн: «Манди фартэ чалёлас кацави служэния». Но лати сас ԥарэс тэ дэл дума лэ манушэнца паша двэри и тэ росԥэнэн пала лэ Дэвлэско Царство. Хоть и Руфь сас лажавни, кала лати сас 18 бэрш, вой ашэля пианеро. Андо 1946 бэрш вой сытеля андэ Библейско школа Сторожэво башня Галаад. А посли када служыяс пэ Гаваи и андэ Япония. Котэ о Иегова через латэ терэлас фартэ барэ дилы, кай тэ росԥэнэн и лащи весть. Кала проандярдя андэ служэния почти 80 бэрш, вой росԥэнэн: «О Иегова ман подритярэлас и сас мэрно зор. Во поможысардя манди тэ улав кода, кай сымас фартэ лажавни. Мэ фартэ патяв, кай о Иегова можэт тэ терэл и лашэ дилы через любо мануш, ӷлавно лэсти андэ вся тэ патяс».

АШЭН ЛАШО ИНСТРУМЕНТО АНДЭ ЛЭ ИЕГОВАСТИРЭ ВАС

14. Со амэнди трэбуй, сар пистромэ андэ Колоссянам 1:29, кай о Иегова моӷ через амэндэ варисо тэ терэл?

¹⁴ Вся и время, сар жал и жызня, о Иегова дэлас пэстирэ служытелёнэнди тэ ашэн разни инструменторя андэ лэстирэ вас. Ай каса тумэнди во поможыя тэ ашэн? Када, авэла кодэлэстар, со тумэ ӷотови тэ терэн. (Адиносар Колоссянам 1:29d.) Кала тумэ ӷотови тэ поможын, о Иегова можэт тэ стерэл кадя, кай тумэ лэна бут тэ росԥэнэн и лащи весть, лэна драго тэ сытярэн па Библия, терэна, кай аврэнди тэ авэл драго по ди, лэна драго тэ терэн и дила и ашэна лашэ друӷоря, ашэна кодэлэнца, ко трэбуй, кай тэ терэн кода, со камэл о Дэл.

15. Пала со лэ тэрнэ ԥралэнди трэбуй тэ мангэн лэ Иеговас, сар пистромэ андэ 1 Тимофею 4:12, 15?

¹⁵ Ай со можно тэ ԥэнас пала тумэндэ, тэрнэ ԥрала, савэ йто ашэна взросли? Акана фартэ трэбуй шустри и зоралэ мурша, савэ моӷут тэ ашэн служэбни помошникоря и тэ терэн май бут дила. Андэ бут собрании и старейшыноря май бут, чем служэбни помошникоря. Тэрнэ ԥрала, ай тумэ на камэн май бут тэ поможын ла собранияти? Дэкала ԥралэстар можно тэ ашунэс: «Манди чалёл, кай мэ обычно вазвещятелё». Если ту кадяжэ гиндос, тоди фартэ манг лэ Иеговас тэ поможый тути, кай тутэ тэ авэл кода, со трэбуй, кай тэ ашэс служэбно помошнико и тэ дэл тути зор, кай тэ служыс лэсти анда вся оди (Экклезиаст 12:1). Амэнди трэбуй тири помощь! (Адиносар 1 Тимофею 4:12e, 15f.)

16. Пала со трэбуй тэ мангас лэ Иеговас и васо?

¹⁶ О Иегова можэт тэ терэл кадя, кай тумэ закамэна тэ ашэн кодэлэнца, каса трэбуй, кай тэ стерэн кода, со во загиндосардя. Важ када мангэн лэс тэ дэл тумэнди зор, саво важ када трэбуй, и кай тумэ тэ камэн тэ терэн кода, со лэсти чалёл. Тэрнэ тумэ чи ԥурэ, на жалуин и время, о зор и ловэ, кай тэ прославляете лэ Иеговас! (Экклезиаст 9:10). На домэкэн, кай через кода, кай на патян андэр пэстэ и даран, тэ умэкэн кода, со куч андэ служэния лэ Иеговасти. На бистрэн, кай важ амэндэ всаворэндэ бари бах тэ терас хоть набут андэ лэ Иеговастири дила, и кадэлэса тэ прославляем амарэ любящёнэ Дадэс, ай во када ашэл!