Пушэн кодэла, ко адинон
Кала о Иисусо ашэля Пэрвосвященико?
Исин кода, со доԥэнэн, кай о Иисусо ашэля Пэрвосвященико, кала болделя андо 29 бэрш, посли кода, сар во арақаделяпэ. Кала о Иисусо болделя, во сыкадя, кай лэла тэ терэл кода, со камэл о Дэл. Када сыкавэлас, кай во ӷотово тэ отдэл пэсти жызня, кай тэ витинэл амэн (Галатам 1:4; Евреям 10:5—10). Лэ Дэвлэсти воля сыстойпэ лэ жэртвенникоса. Кадэва жэртвеннико появисайля, кала о Иисусо болделя. Кала во отдя пэсти жызня, када шоласпэ пэ кода, кай лэс кабута андэ́ по жэртвеннико а́ндэ жэртва. О жэртвеннико, када ӷлавно, со сас андо храмо. Ай сар исин о жэртвеннико, трэбуй тэ авэл и о храмо. О храмо кадяжэ появисайля, кала о Иисусо болделя. Кадэва храмо, када порядко, через саво о Дэл поможый лэ манушэнди тэ тэлён кадя, сар во камэл, блаӷодаря кодэлэсти, кай о Иисусо потиндя о выкупо (Матфея 3:16, 17; Евреям 5:4—6).
Но андо кадэва храмо трэбуй тэ авэл о пэрвосвященико. Важ када о Иисусо сас витидо, тэ служый Пэрвосвященикоса, савэсти о Дэл дя «свынто духо и о зор» (Деяния 10:37, 38; Марка 1:9—11). Но васо амэ ԥэнас, кай о Иисусо ашэля Пэрвосвященико жы каринг кода, сар муля и рисайля каринг и жызня? Кай тэ полас, шаса сама по Аароно и пэ кодэла, ко кадяжэ посли лэстэ служынас, сар само барэ рашая, кала сас лэ Моисеёско законо.
Па Законо кати о само баро рашай моӷ тэ зажал андо Свынто май анда свынти, сави сас андэ свынто бари катуна. Андэ кадэя катуна машкар Свынто и Свынто май анда свынти сас занавеска. О само баро рашай зажалас пала кадэя занавеска, кати андо Дес, кала витинэн лэ бэзэхэстар (Евреям 9:1—3, 6, 7). О Аароно и ко посли лэстэ терэнас кодэя дила, нэ моӷли тэ зажан пала кадэя занавеска андэ кадэя катуна жы каринг кода, пока на ашэна само барэ рашаса. Вижал, о Иисусо ашэля Пэрвосвященико андэ лэ Иеговаско храмо, жы каринг кода, сар муля и, кала прожыля через и занавеска, сави сыкавэл лэстири тила, рисайля по нэбо (Евреям 10:20). Акэ васо о апостоло Павло пистросардя, кай «о Христос, ашэля Пэрвосвященико», ай потом «через май лащи и май совершэно катуна, сави сас стерди най лэ манушэндирэ вастэнца» зажыля «андо нэбо» (Евреям 9:11, 24).
Кала появисайля о нэво доӷоворо?
Со трэбуй сас тэ авэл жы каринг кода, сар появисайля о нэво доӷоворо? Пэрво, о Иисусо трэбуй сас тэ рийпэ каринг о Иегова по нэбо. Дуйто, о Иисусо трэбуй сас тэ отдэл пэско право тэ жувэл пэ ԥув, сар мануш. И трито, о Иегова трэбуй сас тэ прилэл лэ Иисусостири жэртва.
Андэ Библия на ԥэнэнпэ, кала именно о Иегова приля кадэя жэртва. И важ када амэ нэ можэм тэ ԥэнас точно, кала появисайля о нэво доӷоворо. Но амэ ӷанас, кай о Иисусо вазгляпэ по нэбо, кала каринг о празнико, каринг и Пятидесятница, ашэласпэ 10 дес (Деяния 1:3). Вижал, андэ кадэла деса о Иисусо мангля лэ Иеговас, кай тэ прилэл и жэртва, сави во андя. И о Иегова ла приля (Евреям 9:12). Кай о нэво доӷоворо появисайля, драго дицэля андэ Пятидесятница (Деяния 2:1—4, 32, 33).
Акэ со амэ полям. О нэво доӷоворо появисайля через о Пэрвосвященико о Иисусо, кала во муля, рисайля каринг и жызня и вазгляпэ по нэбо. Котэ во отдя пэско право тэ жувэл пэ ԥув, сар мануш. И ужэ котар дя о свынто духо пэстирэ учениконэнди (Евреям 7:25; 8:1—3, 6; 9:13—15).