Пушэн кодэла, ко адинон

Сыкавэн и алава анда 1 Коринфянам 15:29, кай дэсавэ христианоря, савэ жувэнас андэ кодэя время, болдёнас вместо кодэла, ко муля?

Най, кацаво нинай андэ Библия и никай най пистромэ, кай и мануша болдёнас вместо мулэ.

Андэ дэсавэ Библии кадэва стихо пэрэандярдо кадя, кай дэко лэл тэ полэл лэс нэправильно. Вонэ гиндонас, кай андэ кодэя время, кала жувэлас о Павло, и христианоря болдёнас андо паи вместо мулэ. Например, акэ сар кадэва стихо пэрэандярдэ андэ Библия пэ русско шыб: «Со тоди терэн кодэла, ко болдёл вместо мулэ?» (Нэво русско переводо).

Шон сама, со пала када ԥэнэн дуй учони. О Грегори Локвудо и Гордоно Фи ԥэнэн, кай андэ Библия и андэ история нинай кацаво гиндо, кай о мануш можэт тэ болдёл вместо муло. Вонэ кадяжэ ԥэнэн, кай кацаво на сас дажэ машкар и пэрви христианоря, савэ жувэнас андэ кодэя время, кала мулинэ и апостолоря.

Сар ԥэнэнпэ андэ Библия лэ Иисусостирэ учениконэнди трэбуй сас тэ жан, кай всаворэ народоря, тэ сытярэн лэ манушэн, кай вонэ тэ авэн ученикоря и тэ болэн и тэ сытярэн лэн тэ терэн вся, со приԥэндя о Иисусо (Матфея 28:19, 20). Но англа кода, сар тэ болдёл о мануш, трэбуй тэ уӷанэн пала Иегова пала лэско Шаво, тэ патял андэр лэндэ и тэ кандэл лэн. Кодэва, ко муля, нэ моӷ ужэ кадя тэ стерэл, и нико анда христианоря нэ моӷ тэ стерэл када вместо муло (Экклезиаст 9:5, 10; Иоанна 4:1; 1 Коринфянам 1:14—16).

Пала со тоди ԥэндя о Павло?

Дэсавэ христианоря анда Коринфо на патянас, кай кодэла, ко муля, ринапэ каринг и жызня (1 Коринфянам 15:12). Но о Павло патялас и ԥэнэнас, кай вонэ нэ правильно гиндон. Во пистросардя, кай кажно дес лэс камэнас тэ умарэн. Но во всаек патялас, кай посли смэрть во рияпэ каринг и жызня и жала по нэбо, кадяжэ сар и о Иисусо (1 Коринфянам 15:30—32, 42—44).

Лэ памазаниконэнди андо Коринфо трэбуй сас тэ полэн, кай лэндэ кажно дес авэла ԥаримос, важ кода кай вонэ патян андо Дэл, и кай тэ жан по нэбо лэнди трэбуй сас тэ мэрэн. Лэ Павлостирэ алава тэ болдён «андо Христос» сыкавэнас, кай вонэ болдён «андэ лэсти смэрть» (Римлянам 6:3). Када сыкавэл, кай вонэ сар о Иисусо спэрва мэрэна, ай потом ринапэ каринг и жызня, кай тэ жан по нэбо.

Кала прожыля май бут чем дуй бэрш посли кода, сар о Иисусо болделя андо паи, во ԥэндя пэстирэ дуе апостолонэнди: «Сар мэ болделэм, кадя и тумэ лэна тэ болдён» (Марка 10:38, 39). Во дэлас дума най пала кода, кай болделя андо паи, ай пала кода, кай болделя андэ смэрть. Кадэлэ алавэнца о Иисусо камля тэ ԥэнэн, кай лэсти трэбуй авэла тэ мэрэл важ кода, кай во на парашэлас тэ кандэл лэ Дэвлэс. Кацаво авэла и лэ апостолонэнца. О Павло пистросардя, кай и памазаникоря трэбуй авэна тэ виритярэн любо ԥаримос, сар виритярдя о Иисусо, и тоди лэндэ авэла кацави жэ слава, сар и лэстэ (Римлянам 8:16, 17; 2 Коринфянам 4:17). Важ када лэнди авэла трэбуй спэрва тэ мэрэн, ай потом кати вонэ ринапэ каринг и жызня и лэна тэ жувэн по нэбо.

Вижал лэ Павлостирэ алава анда 1 Коринфянам 15:29, авелоп драго тэ пэрэандярэн кадя: «Тоди со тэ терэн кодэла, ко болдёл важ кода, кай тэ мэрэн? Если кодэла, ко муля, на ринпэ каринг и жызня, тоди состэ лэнди тэ болдён, кай тэ ашэн кацавэнца?»