СО ТЭ ТЕРАС, КАЙ И НЕНАВИСТЬ ТЭ НА РОЗЖАЛПЭ МАЙ ДУР?
2 | На рисар пала пэстэ
Андэ Библия ԥэнэнпэ:
«Никасти на рин пала найлашимос, ай терэн аврэнди кати драго. Терэн вся пэстиря ригатар, кай тэ авэл миро всаворэ манушэнца. Мэрнэ лашэ, на рисарэн пала пэстэ, ашавэн када лэ Дэвлэсти, важ кода кай пистромэ: „Мэ рисарава, мэ отдава палпалэ, ԥэнэн о Иегова“» (РИМЛЯНАМ 12:17—19).
Со када значит?
Када нармально, кала амэ холявас, если амэнца обжылэпэ нэсправедливо. Но о Дэл на камэл, кай амэ тэ рисарас пала пэстэ. Наоборот, во камэл, кай амэ вся тэ отдас андэ лэстирэ вас, важ кода кай ӥто во стерэла, кай па вся и люма тэ авэл справедливость (Псалом 37:7, 10).
Сар када тэ стерас?
Кала о мануш рий пала пэстэ, кадэлэстар появийпэ инке май бари ненависть. Важ када, если тут варико холярдя или навредисардя тути, на грабисав тэ рис. Дэкала фэдэр просто тэ на шос сама пэ када (Притчи 19:11). Канешно, андэ дэсавэ случаёря нащи тэ ԥандавэс и яқа пэ кода, со тердяпэ. Например, если против тутэ стердэ варисави преступления, ту, можэт, закамэса тэ жас андэ ваздии.
Кодэва, ко рий, терэл вредо екжэно пэсти
Но со, если тэ ришыс и проблема мирно на вижал? Или если ту стердян вся пэстиря ригатар, но и ситуацыя на парудёл андэ лащи риг? На бистэр, кай всаек на трэбуй тэ рис пала пэстэ. Кадэлэстар и проблема можэт тэ ашэл инке май бари. И наоборот, если ту на риса пала пэстэ, кадя ту стерэса, кай и ненависть тэ на розжалпэ май дур. Сытюв тэ патяс лэ Дэвлэсти. Сар пистромэ андэ Библия: «Патя лэсти, и во вся стерэла» (Псалом 37:3—5).