Эвника — розлашо примеро важ и дэя

1, 2. а) Со амэ ӷанас пала Эвника и савэ трудности латэ сас, кала вой барярэлас пэстирэ шавэс? б) Со амэ диқас пэ картинка пэ обложка?

ХОТЬ андэ Библия най пистромэ, сар болделя о Тимофеё, амэ можэм тэ погиндосарас, саво дэ бахтало дес када сас важ и Эвника (Прит. 23:25). Прецтавьте, со латэ по ди, кала вой диқэл, сар о Тимофеё зажал андо паи. Латирэ яқа ԥабон радостятар! Ай и Лоида, лэстири баба, тердёл паша латэ и приоблэл ла. Кай и Эвника пэрэхутилэл о фано, кала латирэ шавэс полностью тэлярэн андо паи. И акэ о ԥрал ӥто ваздэл анда паи лэ Тимофеёс, савэстэ лошало муй. И Эвника дэл тэ ровэл радостятар. Латэ вижыля тэ поможый пэстирэ бэятости тэ полюбий лэ Иеговас и лэ Иисусос. Но када сас найвушэро, важ кода кай латэ сас бут трудности.

² Кай лэ Тимофеёстирэ родителя сас разно религия. Лэско дад сас ӷреко, ай лэстири дэй и баба — еврейки (Деян. 16:1). Наверно, о Тимофеё инке сас подростко, кала и Эвника и Лоида ашэлэ христианки. Но лэско дад на ашэля христианино. Саво дром витидэла о Тимофеё? Каринг кодэя время во ужэ сас взросло, кай екжэно тэ прилэл и решения. Залэла во лэ дадэстири риг? Авэла во тэ жувэл па иудейски традицыи, савэ ӷанэн жы бэятостар? Или во, сар лэстири дэй, ашэла лэ Иисусоско ученико?

3. Со кай о Иегова по ди, кала во диқэл, кай и христианки поможын пэстирэ бэятонэнди тэ ашэн лэстирэ друӷоря? (Притчи 1:8, 9).

³ Амарэ ԥэя кадя жэ, сар и Эвника, всаворэ одеса любин пэско ери. Вонэ фартэ камэн, кай лэндирэ бэяцэ тэ служын лэ Иеговасти. И о Иегова фартэ цэний вся, со вонэ терэн. (Проадинон Притчи 1:8, 9.) Во ужэ поможысардя бутэ ԥэянди тэ сытярэн пэстирэ бэятонэн тэ полюбин и истина.

4. Савэ трудности исин кай дэсавэ христианки, кала вонэ барярэн пэстирэ бэятонэн?

⁴ Кажно дэй пэрэжывает, авэна латирэ бэяцэ тэ служын лэ Иеговасти, сар о Тимофеё, чи най. И родителя ӷанэн, скати опасности исин андэ лэ Сатанастири люма (1 Пет. 5:8). Кадяжэ бутэ ԥэянди найвушэро тэ барярэн пэстирэ бэятонэн, важ кода кай лэнго хулай на патял андо Иегова или лэс вобще нинай. И ԥэй Кристинаb росԥэнэн: «Мэрно хулай сас райкано мануш и розлашо дад, но во на домэкэлас, кай амарэ бэяцэ тэ служын лэ Иеговасти. Мэ най ек бэрш ровавас и пэрэжывала, ашэна мэрнэ бэяцэ лэ Иеговастирэ служытеля чи най».

5. Пала со амэ подаса дума андэ кадэя статья?

⁵ Ԥэя, если тумэндэ исин бэяцэ, авэн важ лэндэ лашо примеро, сар и Эвника. Андэ кадэя статья амэ подаса дума, сости тумэ можэте тэ сытён кай и Эвника и сар тэ сытярэн пэстирэ бэятонэн алавэнца и диласа. Ай инке амэ уӷанаса, сар о Иегова можэт тэ поможый тумэнди андэ када.

СЫТЯРЭН ЛЭ БЭЯТОНЭН АЛАВЭНЦА

6. Со поможысардя лэ Тимофеёсти тэ ашэл христианино? (2 Тимофею 3:14, 15).

⁶ Кала о Тимофеё сас цынёнё, и Эвника сытярэлас лэс па Свынто Писания. Канешно, вой бут со на ӷанэнас, важ кода кай инке нисо на ашунэлас пала Иисусо. И всаек кода, со о Тимофеё уӷангля латар, хутилдя лэсти, кай тэ ашэл христианино. Но закамэла во када тэ стерэл? Во моӷ екжэно тэ ришый, сар прожувэла пэстири жызня. И во витидя тэ служый лэ Иеговасти. Чаче, лэстири дэй бут со стердя важ када. (Проадинон 2 Тимофею 3:14, 15.) И Эвника сас бахтали кодэлэстар, кай смоӷла тэ поможый пэстирэ бэятости тэ полюбий лэ Иеговас, хоть латэ и сас дэсавэ трудности. Лати драго поджал лако алав, саво означает «тэ победий».

7. Сар и Эвника моӷла тэ поможый пэстирэ бэятости посли крещения?

⁷ Важ о Тимофеё и крещения сас само важно шаӷо андэ жызня. Но када на сыкавэлас, кай лэстиря дати будэр най пала со тэ пэрэжывает. Сар во лэла дальшэ тэ жувэл? Ай со, если во сԥандёлапэ лэ найлашэ манушэнца? Можэт, во жала тэ сытёл андэ афинско школа и патяла андэ языческо философия? На хасарэла во пэстири время и тэрнэ бэрша, кай тэ ашэл май барвало? О Тимофеё трэбуй сас тэ витидэл када екжэно, но вой моӷла тэ поможый лэсти тэ прилэл правильно ришэния. Вой пристодя бут зор, кай во тэ полюбий лэ Иеговас и тэ авэл блаӷодарно лэ Иисусости. Кацавэ трудности моӷут тэ авэн дажэ и кай кодэла еря, кай лэдуй родителя служын лэ Иеговасти. Дэкала найвушэро тэ поможын лэ бэятонэнди, кай вонэ всаворэ одеса тэ полюбин лэ Иеговас. Сости и родителя моӷут тэ сытён кай и Эвника?

8. Сар и хулаи можэт тэ поможый лэ хуласти тэ сытярэл лэ бэятонэн тэ полюбин лэ Иеговас?

⁸ Изучайте и Библия лэ бэятонэнца. Ԥэя, о Иегова камэл, кай тумэ тэ поможын пэстирэ хуланди тэ сытярэн лэ бэятонэн тэ полюбин лэ Иеговас. Если тумэндэ прожал и семейно изучения, када роздраго! Па тумарэ алава трэбуй тэ дицол, кай тумэнди чалёл тэ изучаете и Библия лэ ереса. Погиндон: со тумэ, сар дэя, можэте тэ стерэн, кай и семейно изучения тэ анэн лашимос кажнонэсти андо ери. На лажан тэ подԥэнэн лэ хуласти варисо интересно. Ай если и бэяцэ ужэ подбарелэ, тоди тумэ можэте тэ поможын лэ хуласти тэ проандярэл изучения кажнонэ бэятоса па книӷа «Жувэн вечно пэ бахтатэ!»

9. Со поможыя лэ дэянди, савэ екжэнэ барярэн лэ бэятонэн?

⁹ Но дэкала и дэя моӷут екжэнэ тэ проандярэн лэ бэятонэнца и изучения Библии, кала лэндэ нинай хулай или кала во на служый лэ Иеговасти. Если и тутэ кацаво андо ери, нэ пэрэжывай, о Иегова дэла тути зор! Лэ Иеговастири арӷанизацыя бут со вимэкэл, кай тэ сытярэн лэ бэятонэн. Инке, ту можэш тэ пушэс кай авэр родителя, со вонэ терэн, кай и семейно изучения тэ прожал май интересно (Прит. 11:14)c. Мангпэ, кай о Иегова тэ дэл тути тэ полэс, со андо ди кай тиро бэято и пала со во гиндой (Прит. 20:5). Например, ту можэш тэ пушэс лэстар: «Савэ трудности тутэ исин андэ школа?» И тоди ту удивисапэ, сави дэ лащи дума тумэндэ можэт тэ авэл.

10. Сар инке тумэ можэте тэ поможын лэ бэятонэнди тэ уӷанэн пала Иегова?

¹⁰ Виарақэн возможность тэ росԥэнэн лэ бэятонэнди пала Иегова. Росԥэнэн лэнди пала Иегова и пала кода, скати лашимос во стердя важ амэндэ (Втор. 6:6, 7; Ис. 63:7). Када фартэ важно, если тумэ нэ можэте тэ проандярэн и изучения Библии лэ бэятонэнца цэрэ. И Кристина, пала сави амэ ужэ дям дума, ԥэнэн: «Мэ нэ моӷла свободно тэ росԥэнав лэ бэятонэнди пала Дэл цэрэ. Важ када мэ родавас любо возможность, кай тэ подав дума лэнца. Например, мэ росԥэнавас лэнди пала лэ Иеговастирэ тварении, кала амэ ӷуляли или катались пэ лодка. Ай кала мэрнэ бэяцэ подбарелэ, мэ ԥэнавас лэнди, кай вонэ екжэнэ тэ изучают и Библия». Важно, кай амэ драго тэ дас дума пала лэ Иеговастири арӷанизацыя и пала ԥрала и ԥэя андэ собрания. На дэн дума нисо вэрыто пала старейшыноря, кай и бэяцэ тэ поджан каринг лэндэ, кала лэнди трэбуй авэла помощь.

11. Васо важно тэ стон зор, кай андо ери тэ авэл мирно, сар ԥэнэнпэ андэ Иакова 3:18?

¹¹ Терэн вся, кай андо ери тэ авэл мирно и драго. Май часто ԥэнэн пэстирэ ерести, кай тумэ любин лэн. Всегда дэн дума драго и пативалэс пала пэско хулай. Сытярэн лэ бэятонэн тэ терэн кадя жэ. Тоди андэ тумаро цэр авэла мирно, и блаӷодаря кадэлэсти тумэнди авэла май вушэро тэ росԥэнэн лэ бэятонэнди пала Иегова. (Проадинон Иакова 3:18.) Кацаво сас андо ери кай о Лёша, саво щяс служый сар спецыально пианеро андэ Румыния. Лэстэ сас найвушэро децтво, важ кода кай лэско дад на домэкэлас, кай лэстири дэй, лэстирэ ԥрала и ԥэй тэ служын лэ Иеговасти. О Лёша росԥэнэн: «И мама анда вся зор старыияспэ, кай андо цэр тэ авэл мирно и драго. Со май ӷрубо о дад пэс андярэлас, со май ковлэс вой лэса обжаласпэ. Сас время, кала амэнди сас фартэ ԥарэс тэ стас патив пэр лэстэ и тэ кандас. Тоди и дэй подя дума амэнца пала Эфесянам 6:1—3. Потом вой росԥэндя скати лашэ качестворя исин кай о дад и поможысардя амэнди тэ полас, васо амэ трэбуй тэ любисарас лэс. Кадя вой стердя, кай андо ери тэ авэл ладо».

СЫТЯРЭН ЛЭ БЭЯТОНЭН ДИЛАСА

12. Сар ла дако примеро повлиял по Тимофеё? (2 Тимофею 1:5).

¹² Проадинон 2 Тимофею 1:5. И Эвника сас лашо примеро важ о Тимофеё. Вой поможыяс лэсти тэ полэл, кай и вера нэ можэт тэ авэл би дилако (Иак. 2:26). Канешно, о Тимофеё диқэлас, кай лэстири дэй па чачимастэ любий лэ Иеговас и бахтали кодэлэстар, кай служый лэсти. Сар када повлияло по Тимофеё? О апостоло Павло ԥэндя, кай лэ Тимофеёстэ сас кацави жэ састи вера, сар кай лэстири дэй. И во най евья када ԥэндя: о Тимофеё диқэлас, сар пэс андярэлас и Эвника и закамля тэ сытёл латар. Кадя и адес бут христианки «би алавэнго» моӷут тэ лэн лэ одестар лэ ерес (1 Пет. 3:1, 2). И тумэндэ тожэ када вижала! Со важ када трэбуй тэ терэн?

13. Васо важ и дэя о Иегова трэбуй тэ авэл ӷлавно андэ жызня?

¹³ Мэк о Иегова авэла ӷлавно андэ тумари жызня (Втор. 6:5, 6). Часто и дэя бут андэр со пэсти отԥэнэн. Кай тумарэ бэяцэ тэ авэн утидэ и кай лэндэ тэ авэл вся, со трэбуй, тумэ тратин бут время и зор, и дажэ дэкала надосовэн, надохан и надопэн. Но нащи тэ домэкэн, кай через и забота важ о ери, тэ на ашэлпэ и время важ о Иегова. Важ када кажно дес виарақэн возможность тэ мангэнпэ лэсти, на промэкэн и изучения Библии и ԥирэн пэ собрании. Если тумэ лэна кадя тэ терэн, тумари дружба лэ Иеговаса авэла май састи, и тумэ сыкавэна лашо примеро лэ ерести.

14, 15. Сости тумэ можэте тэ сытён кай и Лиана, кай и Мария и кай о Коля?

¹⁴ Акана подаса дума пала бэяцэ, савэ блаӷодаря пэстирэ дэянди сытелэ тэ любин лэ Иеговас и тэ доверяют лэсти. Акэ со ԥэнэн ла Кристинатири щей и Лиана: «Амэ нэ моӷли тэ изучаем и Библия англа дад, но и мама никала на промэкэлас и собрании. И хоть амэ най фартэ бут ӷанасас пала Библия, амэ диқасас, кай латири састи вера и дила сыкавэнас май бут, чем и алава. Амэ полям, кай када истина, инке жы каринг кода, сар екжэнэ лям тэ ԥирас пэ собрании».

¹⁵ Ла Марияко дад дэкала просытярэлас вся пэско ери, важ кода кай вонэ ԥирэнас пэ собрании. Акэ со вой росԥэнэн: «Мэрни дэй — ек анда со май смили ԥэя, кас мэ ӷанав. Кала мэ сымас бэятаса, дэкала мэ на теравас кода, со трэбуй, важ кода кай даравас, со ԥэнэна авэр. Ай мэрни дэй сас фартэ смило, и важ латэ и дружба лэ Иеговаса сас само важно андэ жызня. Лако примеро поможысардя манди тэ улав пэстар и дар». Ай лэ Коляско дад запретияс лэнди тэ дэн дума пала Иегова и пала Библия. О Коля росԥэнэн: «Ӷанэн, со май фартэ ля ман лэ одестар? Мэрни дэй важ о дад сас ӷотово тэ отԥэндёл всаворэстар, но най лэ Иеговастар».

16. Сар и ԥэя, савэ барярэн лэ бэятонэн, моӷут тэ авэн примеро важ авэр?

¹⁶ Ԥэя, сэрэн, кай тумэ можэте тэ сыкавэн примеро най кати пэстирэ бэятонэнди. Погиндон: лэ Павлос фартэ ля лэ одестар, сар андярэлас пэс и Эвника. Во пистросардя, кай кацави састи вера, сар кай о Тимофеё, «спэрва сас кай...и Эвника» (2 Тим. 1:5). Ай катар о Павло ӷанэнас, кай латэ кацави вера? Андэ пэрво мисианерско служэния во сас андэ Листра. Наверно, имено тоди во пэрво разо додиқля ла Лоида и ла Эвника. Можэт, во и поможысардя лэнди тэ ашэн христианки (Деян. 14:4—18). Кати погиндон: кала о Павло пистросардя о письмо лэ Тимофеёсти, прожыля ужэ май бут чем 15 бэрш. Ай во идоси сэрэл, сави вера кай и Эвника, и ԥэнэн, кай авэр латар тэ сытён. Дицол, кай лако примеро фартэ чалеля лэ Павлости и аврэ христианонэнди. Важ када, ԥэя, если тумэ барярэн пэстирэ бэятонэн екжэнэ, авэн уверени, кай тумари вера придэла зор аврэнди.

17. Со тэ терэн, если тумэнди здэлпэ, кай тумарэ бэятостэ на барёл и дружба лэ Иеговаса?

¹⁷ Со тэ терэн, если тумэнди здэлпэ, кай тумарэ бэятостэ на барёл и дружба лэ Иеговаса? Сэрэн: трэбуй время, кай тэ сытярэн лэ бэятонэн. Шон сама пэ картинка. Кала садис зэрно, ту на ӷанэс точно, вибарёла во чи най. Када нэ зависит тутар, но ту можэш тэ шос паи пэр лэстэ и тэ стерэс вся пэстиря ригатар, кай лэсти тэ авэл май вушэро тэ вибарёл (Мар. 4:26—29). Кадяжэ и дэя моӷут тэ пэрэжывают, вижала лэндэ тэ поможын лэ бэятонэнди тэ полюбин лэ Иеговас чи най. Тумэ нэ можэте тэ прилэн и ришэния важ и бэяцэ. Но если тумэ терэн вся, со па тумаро зор, лэндэ авэла розлащи возможность тэ ашэн лэ Иеговастирэ друӷоря (Прит. 22:6).

ПАТЯН: О ИЕГОВА ДЭЛА ПОМОЩЬ

18. Сар о Иегова можэт тэ поможый лэ бэятонэнди, кай вонэ тэ ашэн лэстирэ друӷоря?

¹⁸ Кай о Иегова исин ужэ розбут тэрнорэ друӷоря (Пс. 22:9, 10). Если тумарэ бэяцэ закамэна, во поможыя и лэнди тэ подружынпэ лэса (1 Кор. 3:6, 7). Дажэ если вонэ най фартэ камэн лэсти тэ служын, во всаек лэн любий (Пс. 11:4). Кала о Иегова додиқэла, кай лэн хоть набут цырдэл «каринг о чачимос», во сразу лэн подритярэла (Деян. 13:48; 2 Лет. 16:9). О Иегова стерэла кадя, кай тумэ тэ подтидэн кацавэ алава, савэ лэ бэятости трэбуй тэ ашунэл, и имено андэ кодэя время, сави май фартэ поджал (Прит. 15:23). Ай можэт, во побудия варисавэ ԥралэс или ԥья тэ шон сама тумарэ бэятос. Дажэ кала и бэяцэ вибарёна, о Иегова можэт лэнди напомнить кода, со вонэ ашунэнас тумэндар в децтве (Иоан. 14:26). Если тумэ лэна тэ пристон вся пэско зор, кай тэ сытярэн лэ бэятонэн алавэнца и диласа, о Иегова тумэн обязательно блаӷословия.

19. Васо амарэ ԥэя моӷут тэ патян, кай вонэ фартэ куч важ о Иегова?

¹⁹ На бистэр: о Иегова тут фартэ любий, и када нэ зависит кодэлэстар, со витидэна тирэ бэяцэ. Во любий тут, важ кода кай ту любис лэс. Если ту барярэс лэ бэятонэн екжэни, о Иегова дэл алав, кай во авэла Дад важ лэндэ и лэла тэ «фэрий» тут (Пс. 68:5). Ту нэ можэш тэ заставис лэ бэятонэн тэ жан па правильно дром. Но если ту надеиспэ по Иегова и терэс вся, со па тиро зор, патя, ту фартэ куч важ о Иегова.