Кала мандэ нинай зор, манди дэл лэс о Иегова

АРАҚАДЕЛЭМ И БАРЕЛЭМ АНДЭ ФИНЛЯНДИЯ

Мэ арақаделэм андо 1955 бэрш и анда трин ԥрала сымас со май цыкнэдэр. Амэ барелям по юӷо андэ Финляндия, котэ, кай акана о форо Ва́нтаа.

Пала дэсавэ бэрша жы каринг кода, сар мэ авелэм пэ люма, мэрни дэй болделя и ашэля лэ Иеговаско свидетелё. Но лэ дадэсти на чалёлас латири вера. Во на мэкэлас, кай и дэй тэ изучает амэнца и тэ лэл амэн пэ собрании. Важ када вой росԥэнэнас о чачимос анда Библия тоди, кала лэ дадэс на сас паша амэндэ.

Ужэ в децтве мэ закамлэм тэ кандав лэ Иеговас. Кала манди сас 7 бэрш, мэ отԥэнделэм андэ школа тэ хав ве́рилятют (када фински блинчики ратэса). И учительница фартэ росхоляйля и камля нахально ман тэ праварэл. Еқэ вастэса вой тасавэлас манди и фалки, кай мэ тэ ԥэрнавав о муй, ай андэ авэр вас вой ритярэлас пэ вилка о блино. Но мандэ вижыля тэ вимарав латар анда вас и вилка.

Кала манди сас 12 бэрш, мэрно дад муля. Посли када мэ смоӷ тэ ԥирав пэ собрании. И ԥрала андэ собрания шонас сама ман и побудинас тэ пашував каринг о Иегова. Мэ лэм тэ адиносарав и Библия кажно дес и май драго тэ изучаю амари литература. Драго, кай мандэ сас кацави розлащи привычка. Блаӷодаря лати, мэ закамлэм тэ болдював. Кала манди сас 14 бэрш, мэ болделэм 8 авӷуста андо 1969 бэрш.

Посли кода сар мэ закончил тэ сытював андэ школа, мэ ашэлэм общё пианеро и ужэ через дэсавэ курте пэрэлаглэм андэ Пи́елавеси. Када авэр форо андэ Финляндия. Котэ трэбуй сас помощь, кай тэ росԥэнэн пала Дэл.

Андэ кадэва форо мэ познакомился ла ԥьяса, савя ақарэн Си́ркка. Ӷэт май интя вой ашэля мэрни любимо хулаи. Мэ сразу шутэм сама, кай вой найӷордо и фартэ любий лэ Иеговас. Ла на цырдэлас каринг и барвали и ашунгли жызня. Амэ лэдуй камасас тэ отдас вся пэско зор лэ Иеговасти андэ служэния, и нэ важно, кай и андэ сави назначения. 23 марта андо 1974 бэрш амэ жэнисайлям. Вместо кода, кай тэ ладас тэ отцыювас посли ябьяв, амэ пэрэлаглям андо найбаро форицэ Ка́рттула, кай трэбуй сас май бут кодэлэн, ко росԥэнэн пала лэ Дэвлэско Царство.

О ИЕГОВА ЗАБОТИЯСПЭ ПАЛА АМЭНДЭ

Ӥто посли амаро ябьяв о Иегова сыкадя, кай если лэско Царство авэла ӷлавно важ амэндэ, во дэла амэнди вся, со трэбуй важ и жызня (Матф. 6:33). Например, андэ Карттула амэндэ на сас машына. Спэрва амэ ездисарасас пэ велосипедоря. Но о ӥвэн котэ фартэ шудро. Важ када, кай тэ обжас ла собраниятири бари тиритория, трэбуй сас машына. Но амэндэ на сас ловэ, кай тэ тинас ла.

Нэожыдано амэндэ авеля мэрно барэдэр ԥрал и ашадя амэнди пэстири машына. Ла трэбуй сас кати тэ заправисарас, важ кода кай и страховка ужэ сас потинди. Кадя о вопросо ла машынаса ришысайля.

О Иегова сыкадя, кай лэла тэ заботийпэ пала вся, со амэнди трэбуй. Вся, со трэбуй сас амэндар, када тэ стас лэ Царствостири дила по пэрво ҭан.

ШКОЛА ГАЛААДО

Андо 1978 бэрш амэ сытювасас пэ Школа важ и пианерско служэния. Котэ ек анда ԥрала, савэ амэн сытярэнас, о Ра́ймо Куо́кканеноa, ԥэндя амэнди тэ подас и заявления андэ Школа Галаадо. Важ када амэ лям тэ сытювас и английско шыб. Но андо 1980 бэрш, инке жы каринг кода, сар тэ заполним и анкеты, амэн ақардэ тэ служысарас андо финско филиало. Андэ кодэя время лэ вефильцонэн на ақарэнас тэ сытён андо Галаадо. Но амэ отдям вся андэ лэ Иеговастирэ вас. Амэ аваса котэ, кай камэл о Иегова, ай най амэ. Важ када амэ авелям андо Вефилё. Но амэ на парашэлям тэ сытювас и английско шыб. Амэ погиндосардям, кай вой приӷодияпэ амэнди, если ӷэт май интя амэндэ авэла возможность тэ сытювас андо Галаадо.

Через дэсавэ бэрша о Руководящё совето домэкля, кай и вефильцоря тэ сытён андо Галаадо. Амэ сразу подям и анкета. Но най важ кода, кай амэнди на чалёлас тэ служысарас андо Вефилё. Амэнди котэ дажэ фартэ чалёлас! Но амэ камасас тэ отдас вся пэско зор лэ Иеговасти котэ, кай када андоп май бут лашымос. Амэн ақардэ андо 79 класо андо Галаадо. О выпуско сас андо сентябрё 1985 бэрш, и амэн бишалдэ андэ Колумбия.

ПЭРВО МИСИАНЕРСКО НАЗНАЧЕНИЯ

Андэ Колумбия амэ лям тэ служысарас андо Вефилё. Мэ приставас вся пэско зор андэ кодэя служэния, но через бэршэстэ манглэм, кай амэнди тэ парувэн и назначения. Када сас кати ек разо андэ мэрни жызня, кала мэ обратисайлэм каринг и ԥрала и манглэм лэн пала када. Амэн назначили мисианеронэнца андэ Не́йва, андо со май баро форо андо краё Уи́ла.

Манди вся и время чалёлас тэ росԥэнав пала Дэл. Андэ Финляндия, кала мэ кати ашэлэм пианеро, мэ дэкала служысаравас вся о дес жы рятятэ. Посли кода сар амэ ла Сирккаса жэнисайлям, амэ тожэ десэнца росԥэнасас пала Дэл. Кала амэ ладасас тэ служысарас дур лэ цэрэстар, дэкала амэ рятярасас андэ машына. Тоди пэ авэр дес на трэбуй сас тэ тратисарас и время по дром, и амэ моӷли ужэ тэсараса тэ росԥэнас пала Дэл.

И мисианерско служэния упалэ росԥабардя андэ амаро ди и яг, сави татярэлас амэн, кала амэ самас пианеронэнца. Амари собрания барёлас, и машкар ԥрала и ԥэя сас патив, любовь и блаӷодарность.

ЗОР ЧЕРЕЗ И МОЛИТВА

Андэ фороря паша Нейва на сас ни ек лэ Иеговаско свидетелё. Мэ пэрэжывал, сар и мануша андэ кодэла ҭана ашунэна и лащи новость. Андэ кодэла ҭана сас опасно через и мануша, савэ звазглэпэ пэ власти. Важ када мэ надеисававас, кай о чачимос прилэла варико анда катутнэ мануша. Мэ гиндосаравас, кай кацаво мануш авэла андэ Нейва. Во авэла састо андэ вера, болдёла и лэла тэ росԥэнэн и лащи новость андэ пэско чачо форо. Пала када мэ мангаваспэ лэ Иеговасти. Но вижыля кадя, кай лэ Иеговастэ сас май лащи ришэния, чем мандэ.

Прожыля набут время, и мэ лэм тэ изучаю и Библия лэ тэрнэ манушэса, савэс ақарэнас Ферна́ндо Гонса́лесо. Во жувэлас андо Альхеси́расо. Када ек анда фороря, кай на сас лэ свидетелёнэн. О Фернандо проладэлас 50 километроря, кай тэ авэл пэ бути андэ Нейва. Во фартэ драго ӷотовился каринг кажно изучения и сразу ля тэ ԥирэл пэ всаворэ собрании. Кадяжэ во сразу ля тэ стидэл аврэ манушэн анда пэско форо и сытярэлас лэн кодэлэсти, со уӷанэнас екжэно.

О Фернандо болделя андо январё андо 1990 бэрш, через епаш бэрш посли кода, сар заля тэ изучает и Библия. Потом во ашэля общё пианеро. Акана андо Альхеси́расо появисайля катутно свидетелё. Важ када о филиало бишалдя кордэ спецпианеронэн. Када сас ужэ най кадя опасно. Андо февралё андо 1992 бэрш андэ кодэва форо появисайля собрания.

О Фернандо росԥэнэнас пала Дэл най кати андэ пэско форо. Кала во жэнисайля, вонэ ла хулаяса, савя ақарэн Ольга, пэрэлаглэ андо Сан-Висе́нте-дель-Кагуа́но, кай тожэ на сас лэ свидетелёнэн. Котэ вонэ поможысардэ тэ стерэн и собрания. Андо 2002 бэрш о Фернандо ашэля раёно барэдэр ԥрал. Вонэ ла хулаяса идоси андэ кадэя служэния.

Анда кода, со сас, мэ бут сости сытелэм. Мэ полэм, пэскати дэ важно тэ мангавпэ лэ Иеговасти пала помощь и тэ ԥэнав андэ молитва конкретно, со мэ камав. О Иегова можэт тэ стерэл кода, со най па амаро зор, важ кода кай Хулай пэ мал во, ай най амэ (Матф. 9:38).

О ИЕГОВА ПОМОЖЫЙ, КАЙ «ОДИ ТЭ ЦЫРДЭЛПЭ И... ТЭ АВЭЛ ЗОР ТЭ ТЕРЭН И ДИЛА»

Андо 1990 бэрш амэнди динэ дила андэ разъезно служэния. Амаро пэрво раёно сас андэ Богота́, када ӷлавно форо андэ страна. Амэ дарасас, кай на стераса кадэя дила. Амэ ла хулаяса прости мануша, амэндэ нинай варисавэ таланторя, и амэ на сытелям тэ жувас андо баро шумно форо. Но андэ Филипы 2:13 ԥэнэнпэ: «О Дэл, сар лэсти уӷодно, дэл тумэнди помощь тэ авэн май састэ, ай кадяжэ поможый, кай тумаро ди тэ цырдэлпэ и кай тумэндэ тэ авэл зор тэ терэн и дила». И амэ диқлям, сар кадэла алава исполнинпэ пар мэндэ.

Ӷэт май интя амаро раёно сас о Медельино. Када кодэва форо, пала саво мэ ԥэнавас май данглал. Всаворэ котэ присытелэ, кай пэ вулицы терэлпэ чорымос, и мануша марэнпэ ек еқэса, и бут ко ужэ на шолас сама пэ када. Еқвар, кала мэ проандяравас изучения Библии, амэ ашундям, кай пэ вулица линэ тэ стреляют. Мэ ужэ камавас тэ пэрав по поло, но о изучающё дажэ на взбисайля и на парашэля тэ адиной о абзацо. Кала во проадиносардя о абзацо, во вижыля пэ вулица. Через дэсави время во рисайля пэстирэ дуе шаворэнца и спокойно ԥэндя: «Поизвиняй, манди трэбуй сас тэ заандярав лэн андо цэр».

Амэндэ сас и авэр опасни ситуацыи. Еқвар амэ росԥэнасас пала Дэл па цэра, и каринг мандэ поднашля и Сиркка, вся бледно па муй. Вой ԥэндя, кай андэр латэ кати стреляли. Мандэ о фано пэрэхутилдя ла даратар, но ӷэт май интя амэ уӷанглям, кай стреляли най андэр латэ, ай андэ авэр мануш. Вой просто сас котэ рядом.

Ӷэт май интя амэ присытелям каринг кацави жызня. Амэнди придэлас зор, кала амэ диқасас, сар и катутнэ ԥрала и ԥэя смило андярэнас пэс андэ ситуацыи, савэ май хужэ, чем амэндэ. Амэндэ сас кацаво гиндо: раз о Иегова поможый лэнди, поможыя и амэнди. Амэ вся и время приашундювасас кай и советоря, савэ дэнас и катутнэ барэдэр ԥрала. Амэ терасас кода, со вонэ ԥэнэнас пала безопасность, ай вся авэр отдасас лэ Иеговасти андэ вас.

Андэ служэния сас и чудни маменторя. Например, еқвар мэ ашундэмас пэ вулица, сар варико цыпий. Мэ гиндосардэм, кай споринпэ дуй жувля. Мэ совсем на камавас тэ диқав, со котэ терэласпэ, но и хулаи лэ цэрэстири застависардя ман тэ вижав аврял. Вижыля кадя, кай споринаспэ дуй папуӷаёря, савэ дэнас дума, сар и сосидки.

НЭВЭ ЗАДАНИИ И НЭВО ԤАРИМОС

Андо 1997 бэрш ман назначили тэ авав учителё андэ Школа важ лэ ԥралэндири дилаb. Манди вся и время чалёлас тэ сытював андэ дэвликунэ школы, но мэ никала на гиндосаравас, кай лава тэ сытярав пэ ек андар лэндэ.

Потом манди динэ тэ терав обласно дила. Кала кадэя дила закончилась, мэ рисайлэм каринг и раёно служэния. Мэ служысарав сар учителё и разъезно барэдэр ԥрал варикай май бут, чем 30 лет. Пала кадэла бэрша мандэ сас бут блаӷословении, но о дром сас най всегда вушэро. Пала со мэ дав дума?

Мандэ састо характеро, када поможый манди тэ виритярав о ԥаримос. Но дэкала мэ черезчур старысававас тэ парував варисо андэ лащи риг андэ собрания. Сэрав, сар мэ анда вся оди ԥэнавас лэ ԥралэнди, кай вонэ тэ любин ек еқэс и тэ авэн годявэрнэ. Но тэ диқлоп мэ пэр пэстэ ригатар андэ кода маменто! Када манди трэбуй сас тэ сытював тэ любисарав аврэн (Римо 7:21—23).

Кала мэ шылисававас, через када мандэ на сас зор (Римо 7:24). Еқвар мэ дажэ ԥэндэм лэ Иеговасти, кай авелоп драго тэ парашав тэ служысарав сар мисианеро и тэ рисавав андэ Финляндия. Андэ кодэва жэ вэчеро сас собрания. Пэр латэ о Иегова сыкадя манди, кай мэ трэбуй андэ кадэя служэния, кай манди трэбуй тэ ашавпэ и тэ на парашав тэ парував пэско характеро. Ман фартэ ля лэ одестар, сар о Иегова ответил пэ мэрни молитва. Мэ идоси сэрав пала када. Мэ фартэ блаӷодарно лэ Иеговасти. Всаворэ кадэла бэрша во сыкавэлас, кай любий ман, ай кадяжэ поможысардя манди тэ парудював андэ лащи риг.

ПАТЯВ, КАЙ АНГЛЭ АВЭЛА ЛАШЫМОС

На пэрэдэса алавэнца, сар амэ ла Сирккаса блаӷодарни лэ Иеговасти пала кода, кай во домэкля, кай амэ почти вся пэстири жызня тэ проандярас андэ полновремено служэния. Кадяжэ мэ на парашав тэ ԥэнав лэ Иеговасти наис пала мэрни хулаи. Вой любящё, отдэл пэско ди важ мандэ и всаворэ кадэла бэрша подритярэл ман.

Ӥто манди исполнияпэ 70 бэрш и мэ парашава тэ служысарав сар учителё и раёно барэдэр ԥрал. Мэ нэ пэрэжываю пала када. Васо? Мэ патяв, кай важ о Иегова па чачимастэ важно тэ служый о мануш лэсти сэжо и анда вся оди. Лэсти фартэ приятно тэ диқэл, кай андо амаро ди исин любовь и блаӷодарность каринг лэстэ (Мих. 6:8; Мар. 12:32—34). Нэ обязательно тэ авэл варисави бари назначения, кай тэ прославляем лэ Иеговас.

Кала мэ вспоминаю пала пэстири жызня, мэ полав, кай мандэ сас разно дила най важ кода, кай мэ май лашо аврэндар или кай мандэ исин варисавэ способности. О Иегова дэлас манди кадэла задании па пэско баро ди и на шолас сама пэ мэрнэ нэдостаткоря. Мэ ӷанав, кай кати лэ Иеговастирэ зорэса моӷу тэ терав и дила, сави манди динэ. Аврэ алавэнца, кала мандэ нинай зор, манди дэл лэс о Иегова (2 Кр. 12:9).