«Мэ виарақава кодэлэс, саво хасарделя»

АНДЭ Библия о Иегова най еқвар сыстой пэс кацавэ пастухоса. Во ԥэнэн: «Мэ екжэно лава тэ родав мэрнэ бакрорэн и позаботисавава пала лэндэ» (Иезекииль 34:11, 12).

«Бакрорэ, пала савэ мэ заботисавав»

Пала савэ бакрорэ заботийпэ о Дэл? Када и мануша, савэ любин лэ Дэвлэс и служын лэсти. Андэ Библия пала када ԥэнэнпэ кадя: «Ласа тэ тэлювас лэ Иеговасти, тердюваса пэ чанга англа амаро Создателё. Важ кода кай во амаро Дэл, ай амэ народо, савэс во пасый, бакрорэ, пала савэ во заботийпэ» (Псалом 95:6, 7). Вижал, сар бакрорэ кандэн пэстирэ пастухос и жан, каринг во лэн андярэл, кадя жэ и лэ Дэвлэстирэ служытеля, вонэ анда вся оди кандэн пэстирэ Дэвлэс. Но ԥэнэса, кай лэ Дэвлэстирэ служытеля никала на шылинпэ? Канешно, най! Дэкала и лэ Дэвлэстирэ служытеля терэнас ошыбки, оджанас лэ Дэвлэстар и сас сар бакрорэ, савэ хасарделэ лэ пастухостар (Иезекииль 34:12; Матфеё 15:24; 1 Пётро 2:25). Но всегда трэбуй тэ сэрас: о Иегова никала на гиндой, кай о мануш, если оджыля лэстар, во ужэ на рияпэ. О Иегова никала на отԥэндёл лэ манушэстар, дажэ если о мануш оджыля лэстар.

Ай ту патяс, кай о Иегова идоси заботийпэ пала тутэ? Сар о Иегова заботийпэ пала пэстирэ бакрорэ адес? Акэ сар во када терэл.

Во бут со амэнди дэл, кай амари дружба лэса тэ авэл састи. О Иегова ԥэнэн: «Мэ анава лэн пэ лашэ ҭана, и вонэ лэна тэ пасынпэ пэ вуче лэ Израилёстирэ плая. Котэ вонэ лэна тэ пашлён пэ лашэ ҭана, вонэ лэна тэ пасынпэ пэ само лашо ҭан, кай исин пэ Израильски плая» (Иезекииль 34:14). О Иегова всегда вовремя дэл кода, со амэнди трэбуй важ и дружба лэса. Можэт, ту сэрэс варисави статья, дума пэ собрания или варисаво видео, андэ саво ту додиқлян ответо пэ пэстири молитва? Хэба када на сыкавэл, кай о Иегова заботийпэ пала тутэ?

Во фэрий и дэл зор амэнди. О Иегова ԥэнэн: «Рисарава кодэлэс, саво одмарделя лэ стадостар, пэрэԥандава и рана кодэлэсти, савэстэ вой исин, и дава зор кодэлэсти, саво слабо» (Иезекииль 34:16). О Иегова подритярэл кодэлэн, ко вимарделя анда зор и касти фартэ ԥарэс по ди через и пэрэжывании. О Иегова, ԥэнаса, нежно пэрэԥандэл лэндирэ раны, дажэ если лэн стердя варико анда собрания. Во кадяжэ рий кодэлэн, ко оджыля ла собраниятар, ай кадяжэ, касти найдраго по ди.

Во диқэл пала амэндэ. О Иегова ԥэнэн: «Мэ стидава лэн анда всаворэ ҭана па савэ вонэ поразнашлэпэ. Мэ виарақава кодэлэс, саво хасарделя» (Иезекииль 34:12, 16). О Иегова на гиндой, кай, если о мануш оджыля лэстар, во никала лэстэ на рияпэ. Если варисаво бакроро хасарделя, во ӷанэн пала када и родэл лэс, ай кала виарақэл, фартэ радуийпэ (Матфеё 18:12—14). Пала пэстирэ верни служытеля во ԥэнэн: «Тумэ мэрнэ бакрорэ, пала савэ мэ заботисавав» (Иезекииль 34:31). И ек анда кадэла бакрорэ — када ту.

«Мэк вся авэла, сар сас жы каринг кадэла деса»

Васо о Иегова родэл тут и ақарэл, кай ту тэ риспэ лэстэ? Важ кода кай во камэл, кай ту тэ авэс бахтало. Во дэл алав, кай важ кодэла, ко служый лэсти, «блаӷословении жана, сар брышын» (Иезекииль 34:26). И када най просто алава. Май ӥто всаворэстар, ту най еқвар андэ пэстири жызня диқлян када.

Вспомни, сар ту уӷанглян лэ Иеговас. Со тутэ сас по ди, кала ту уӷанглян о чачимос пала лэ Дэвлэско алав, пала лэско замысло важ и мануша? Сэрэс, сар тумэ лэ ԥралэнца и лэ ԥэянца стидэнаспэ пэ канӷрэсоря и сас сар ек баро ери? Ай инке хэба нэ чуствовал ту радость андо ди, кала о мануш приашундёлас каринг кода, со ту росԥэнэсас лэсти пала Дэл?

Кадэя радость можэт упалэ тэ авэл андэ тиро ди. Лэ Дэвлэстирэ служытеля анда дэлмутни время мангэнаспэ: «О Иегова, рисар амэн каринг пэстэ, и амэ сразу рисаваса. Мэк вся авэла, сар сас жы каринг кадэла деса» (Плач Иеремии 5:21). О Иегова ответил пэ кадэя молитва. Лэско народо рисайля каринг лэстэ, и вонэ упалэ линэ радосно тэ служын лэсти (Неемия 8:17). О Иегова поможыя и тути андэ када.

Кати тэ риспэ кай о Иегова можэт тэ авэл най кадя вушэро, сар здэлпэ. Роздиқаса дэсавэ трудности и сар можно лэн тэ биросарас.