Можэм амэ тэ аштярас май лащи жызня?

АМАРИ жызня нисар на шолпэ пэ кодэя жызня, сави спэрва загиндосардя о Дэл. О Создателё камэлас, кай пэ ԥув тэ жувэн мануша, савэ стон патив пэ лэстири власть, ай кадяжэ кодэла, ко лэс кандэл и камэл тэ сытёл лэстар. Тоди вонэ жудоп мирно, тердоп бути еқаврэса, барярдоп бэятонэн, уӷанглоп варисо нэво и стердоп раё па вся и ԥув.

О ДЭЛ ДЭЛ АЛАВ, КАЙ И ЖЫЗНЯ ПЭ ԤУВ АВЭЛА КАЦАВИ, САР ВО ЗАГИНДОСАРДЯ

• «[О Дэл] терэл кадя, кай тэ парашэн и войны па вся и ԥув» (Псалом 46:9).

• «Поджыля и время... [тэ умарэл] кодэлэн, ко римой и ԥув» (Откровение 11:18).

• «Нико анда мануша на ԥэнэна: „Мэ насвало“» (Исаия 33:24).

• «Кодэла, кас мэ витидэм, авэна лошалэ кодэлэстар, со терэна пэстирэ вастэнца» (Исаия 65:22).

Сар о Дэл вся када стерэла? О Дэл стодя пэстирэ Шавэс, лэ Иисусос Христос, Царёса андо совершэно правительство по нэбо, саво правия ла ԥувьяса. Андэ Библия пэр лэстэ ԥэнэн лэ Дэвлэско Царство (Даниил 2:44). Важ о Иисусо андэ Библия пистромэ: «О Иегова дэла лэсти царство... Во авэла тэ правий» (Луки 1:32, 33).

Кала о Иисусо жувэлас пэ ԥув, во стердя бут лашимос. Кадэлэса во доԥэндя, кай, сар ашэла Царёса андэ лэ Дэвлэско правительство, сможэт тэ стерэл амари жызня пэ бутэстэ май лащи.

О ИИСУСО СЫКАДЯ, СО ВО СТЕРЭЛА ВАЖ КОДЭЛА, КО КАНДЭЛ ЛЭ ДЭВЛЭС

• Во исцелияс лэ манушэн разнонэ насвалимастар. Кадя во доԥэндя, кай улэла лэ манушэндар вся и дук (Матфея 9:35).

• Во уля и бари балвал пэ моря. Када сыкавэл, кай во можэт тэ фэрий лэ манушэндири жызня ла бидатар андэ природа (Марка 4:36—39).

• Во праварэлас бутэ боқалэ манушэн. Дицол, кай во можэт тэ дэл лэ манушэнди вся, со трэбуй важ и жызня (Марка 6:41—44).

• По ябьяв во стердя анда паи вино. Вижал, во камэл, кай и мануша тэ лошавэн ла жызняти (Иоанна 2:7—11).

Со трэбуй тэ стерэс, кай тутэ тэ авэл кацави жызня, сави загиндосардя о Дэл важ кодэла, ко лэс любий? Андэ Библия ԥэнэнпэ, кай исин дром, саво андярэл каринг и жызня, и лэс трэбуй тэ виарақэс (Матфея 7:14).

РОДЭ О ДРОМ КАРИНГ И МАЙ ЛАЩИ ЖЫЗНЯ

Со када дром, саво андярэл каринг и жызня? О Дэл ԥэнэн: «Мэ, о Иегова, тиро Дэл, саво сытярэл тут кодэлэсти, со важ тутэ авэла драго, саво андярэл тут па дром, па саво тути трэбуй тэ жас» (Исаия 48:17). Кала жас кадэла дромэса, тутэ авэла само райкани жызня, сави кати можэт тэ авэл.

О Иисусо ԥэндя: «Мэ, дром, чачимос и жызня» (Иоанна 14:6). Если амэ патяс кодэлэсти, сости сытярэлас о Иисусо, и терас, сар во, кадя амэ пашуваса каринг о Дэл и амари жызня ашэла май лащи.

Сар тэ виарақэс кадэва дром? Исин бут веры, но о Иисусо ԥэндя: «Най кажно, ко ԥэнэн манди: „Ӷосподо, Ӷосподо“, зажала андо царство, саво по нэбо, ай кати кодэва, ко терэл, со камэл мэрно Дад, саво по нэбо» (Матфея 7:21). Во кадяжэ ԥэндя: «Тумэ уӷанэна лэн па лэндирэ плодоря [или дила]» (Матфея 7:16). И Библия поможый тэ полас, сави вера чачуни и тэ ашавас и хохавни вера (Иоанна 17:17).

Сар тэ жас ла жызнятирэ дромэса? Важ када трэбуй тэ уӷанас кодэлэс, ко дя и жызня всаворэсти. Трэбуй тэ уӷанас, ко во, сар лэс ақарэн, саво во, со во терэл и со во аштярэл амэндарa.

О Дэл на камэл, кай андэ жызня о мануш кати тэ терэл бути, тэ хал, тэ пэл, тэ отцыёл и тэ барярэл лэ бэятонэн. Амэ можэм май драго тэ уӷанас лэ Создателёс и тэ ашас лэстирэ друӷонэнца. Кала терас кадя, сар во ԥэнэн, амэ можэм тэ сыкавас пэстири любовь каринг лэстэ. О Иисусо ԥэндя: «Кай тэ авэл вечно жызня, трэбуй тэ уӷанэн тут, еқэ чачунэ Дэвлэс, и лэ Иисусос Христос, савэс ту бишалдян» (Иоанна 17:3).

ЖА ПА КАДЭВА ДРОМ

Кала амэ уӷанас, со амэндар аштярэл о чачуно Дэл, амэ полас, кай андэ жызня варисо прижалапэ тэ парувас. Можэт тэ здэлпэ, кай тэ парувэс и жызня фартэ ԥарэс. Но па чачимастэ ту полэса, кай када фартэ интересно дром, кала пар лэстэ лэса тэ жас. Кай тэ уӷанэс май бут важ о Дэл, лэ Иеговастирэ свидетеля поможына тути тэ сытёс па Библия. Важ када ловэ на лэн. Кай тэ сытёс и кала ту витидэс екжэно. Тэ мангэс, кай тути тэ поможын тэ сытёс па Библия, можно пэ амаро сайто www.jw.org.