Сытювас май драго тэ служисарас. Сар амэ вушэро тэ залас дума, кай кадэя дума тэ пэрэжал андэ дума пала Библия?

Сар лэ Иисусостэ вижыля тэ росԥэнэн ла самаритянкати пала лащи весть? Во заля ласа дума важ варисо авэр. Сар тэ сытювас вушэро тэ задас дума лэ манушэнца, савэн на ӷанас?

• Шу сама кадэлэ манушэс и на лажа тэ задэс дума лэса. Хоть о Иисусо сас цыено, во на диқля пэ када и заля дума ла самаритянкаса просто, кай мангля паи. Ту моӷ бы тэ заасас и тэ залэс дума лэ манушэса пала поӷода и пала кода, со акана терэлпэ андо миро. Сэр, тути трэбуй тэ залэс дума, важ када ту можэшь тэ залэс любо дума, сави, сар тути здэлпэ, чалёла лэ манушэсти. Кала во на камэл тэ дэл дума, андэ када нинай ни́со. Залэ дума варикаса аврэса. Мангпэ лэ Иеговасти, кай ту тэ авэс смило (Неемия 2:4; Деяния 4:29).

• Кала жал и дума, на умэк и время, кай тэ росԥэнэс пала лащи весть. Но на грабисав. Мэк и дума жал сар жал. Фартэ йто на парув и дума, када можэт тэ авэл ԥарэс лэ манушэсти тэ полэл и через када на авэла нисави дума. На умэк и вас, кала тумэ парашэлэ тэ дэн дума, ай тутэ на вижыля тэ ԥэнэс нисо пала чачимос анда Библия. Кала ту кати лэс тэ гиндос, кай тэ задэс дума лэ манушэнца пала лащи весть и ту дарас, залэ дума лэ манушэнца просто кадя. На гиндосар, кай трэбуй тэ росԥэнэс пала Дэл. [Сыкав пэрво видео и подэн дума важ лэстэ.]

• Стер кадя, кай екжэно тэ залэс дума важ о Дэл. Ԥэнаса акэ сар, ԥэн лэ манушэсти варисаво гиндо анда Библия, саво тути екжэнэсти чалёл, кай во тэ закамэл май бут тэ уӷанэн. О Иисусо заля дума кадя, кай и самаритянка фартэ закамля тэ уӷанэн и екжэни ля лэстар тэ роспушэл. И тоди о Иисусо росԥэндя лати пала лащи весть и ԥэнэнас кода, со вой пушэлас. [Сыкав дуйто видео и подэн дума важ лэстэ, ай кадяжэ сыкав трито видео.]