Вся о ԥаримос точно прожала

Через о ԥаримос амэ можэм ӥто тэ умэкас и вас, особено если о ԥаримос амэндэ исин ужэ бут время. О Давидо ӷанэнас, кай на авэла вечно о ԥаримос, саво лэстэ исин через о Сауло, и во ашэла царё, сар и ԥэндя о Иегова (1См 16:13). И вера поможыяс лэ Давидости тэ на грабийпэ и тэ аштярэл лэ Иеговас.

Кала амэндэ исин ԥаримос, амэ можэм тэ стерас, кай амэнди тэ авэл май вушэро, если старысавас пала вся драго тэ погиндосарас и тэ полас, со можэт тэ авэл (1См 21:12—14; Пр 1:4). Но дэсаво ԥаримос амэ всаек нэ сможэм тэ улас, дажэ если тераса вся па библейски принцыпоря. Андэ кацавэ случаёря трэбуй тэ авас терпеливи и тэ аштярас лэ Иеговас. Ӥто во улэла вся амаро ԥаримос и «виқосэла всаворэ ясва» па амарэ яқа (Отк 21:4). Сар бы тэ на авэл (улэла амаро ԥаримос о Иегова или када авэла варисар па аврятэ), амэнди трэбуй никала тэ на бистрас акэ со: вся амаро ԥаримос обязательно авэла улино. Кадэва гиндо дэл амэнди зор.

ДИК ВИДЕО «О НАРОДО, САР ЕК ЕРИ, МАШКАР И МАНУША, САВЭ НА ЛАДИН ЕК ЕҚЭСА» И ДЭ АТВЕТОРЯ ПЭ КАДЭЛА ВОПРОСОРЯ.

• Саво ԥаримос сас кай дэсавэ христианоря, савэ жувэнас по юӷо андэ США?

• Сар вонэ сыкавэнас пэстири терпения и любовь?

• Со поможысардя лэнди тэ шон сама кати пэ кода, «со май важно всаворэстар»? (Фп 1:10).