Мэк нисо на змарэл тут тэ патяс и тэ кандэс лэ Иисусос!

1, 2. Со гиндон и мануша пала Иисусо андэ амари время и пала со амэ подаса дума андэ кадэя статья?

БУТ мануша андэ амари время ԥэнэн, кай вонэ патян лэ Иисусости, но андэ кодэя жэ время вонэ на камэн тэ жувэн кадя, сар во сытярэлас (2 Тим. 4:3, 4). И вонэ дажэ ԥэнэн, кай если о Иисусо щяс тэ авелоп пэ ԥув и тэ сытярдоп кодэлэсти, сости во сытярэлас 2 000 бэрш палпалэ, и мануша и акана на патяёп андэр лэстэ.

² Андо пэрво вико о Иисусо терэлас бут чудеса, но всаек о миро на камэлас тэ прижанэн, кай лэс бишалдя о Дэл. Андэ кодэя статья амэ уӷанглям штар причины, васо вонэ на патяе андэр лэстэ. Ай пала авэр штар причины амэ уӷанаса андэ кадэя статья. Кадяжэ амэ подаса дума, васо и адес мануша на камэн тэ ашунэн амэн, и уӷанаса, со поможыя амэнди тэ на парашас тэ патяс лэ Иеговасти.

1. О ИИСУСО НА ГИНДОЯС НИ ПАЛА КАСТЭ ВЭРЫТО

3. Васо дэсавэ мануша на камэнас тэ патян андо Иисусо?

³ Кала о Иисусо сас пэ ԥув во общялся разнонэ манушэнца. Во халас и пэлас лэ барвалэнца, савэ сас ашунглэ. Ай кадяжэ во часто шолас сама лэ чорорэн и кодэлэн, пала кастэ най ко сас тэ зашолпэ. Инке во полэлас и жалуияс кодэлэ манушэн, пэр кастэ ԥэнэнас ӷрешникоря. Важ када и ӷорди мануша на камэнас тэ патян андо Иисусо. Еқвар вонэ пушлэ кай лэстирэ ученикоря: «Васо тумэ хан и пэн лэ ӷрешниконэнца и кодэлэнца, ко стидэл и налоӷоря?» О Иисусо пэ када ԥэндя лэнди: «Врачо трэбуй най лэ зоралэнди, ай лэ насвалэнди. Мэ авелэм тэ ԥэнав, кай тэ каинпэ и ӷрешникоря, ай най кодэла, ко терэл правильно» (Луки 5:29—32).

4. Со и евреёря трэбуй сас тэ ӷанэн пала Христос, анда пророчество, саво пистросардя о Исаия?

⁴ Со ԥэнэнпэ андэ Библия? О пророко Исаия ԥэндя, кай и мануша на патяна андо Христос. Бут бэрша жы каринг кода сар о Иисусо тэ авэл пэ ԥув, о пророко пистросардя: «И мануша вэрыцынас и дурёнас лэстар, лэ манушэстар, саво уӷангля, со када дук и насвалимос. Амэ диқасас андэ авэр риг, кай тэ на диқас лэско муй. Лэс вэрыцынас, и амэ пэр лэстэ на стасас патив» (Ис. 53:3). Андо пророчество сас пистромэ, кай и мануша отбандёна лэ Христостар. Важ када и евреёря трэбуй сас тэ ӷанэн, кай и мануша на закамэна тэ патян андо Христос.

5. Со дэсавэ мануша гиндон пала лэ Иеговастирэ служытеля?

⁵ Кода, со сас андэ лэ Иисусостири время, шолпэ и пэ амарэ деса. Бут рашая и барэдэра андэ авэр веры лошалэ тэ прилэн андэ қандиря лэ манушэн, савэ барвалэ и ашунглэ, но савэ на жувэн па лэ Дэвлэстирэ законоря. Ай лэ манушэн савэ анда вся оди служын лэ Иеговасти, и савэ старыинпэ тэ жувэн па Библия, вонэ вэрыцын. Васо? Важ кода кай андэ кадэя люма и мануша гиндон, кай лэ Иеговастирэ служытеля нисо на ашэн. О апостоло Павло ԥэндя, кай о Дэл витидя кодэлэн, кас и мануша вэрыцын (1 Кор. 1:26—29). Но со бы тэ на гиндон пала амэндэ и мануша, амэ ӷанас точно, кай важ о Иегова амэ фартэ куч.

6. Сар и алава анда Матфея 11:25, 26 поможын амэнди тэ кандас лэ Иисусос и лэ Иеговас?

⁶ Со поможыя тэ на парашас тэ патяс? (Адиносар Матфея 11:25, 26.) Нащи тэ домэкас, кай кода сар и мануша гиндон пала лэ Дэвлэстирэ служытеля, када варисар тэ парувэл и амаро гиндо. Амэ трэбуй тэ сэрас, кай о Иегова дэл тэ терэн и дила кати кодэлэнди, ко най ӷордо (Пс. 138:6). Погиндон скати дила о Иегова ужэ стердя через кодэла, пала кас и мануша андэ кадэя люма гиндон, кай вонэ най годявэрнэ и най мудри.

2. О ИИСУСО СЫНДОСАРДЯ КОДЭЛЭН, КО НЭПРАВИЛЬНО ГИНДОЯС

7. Васо о Иисусо ԥэндя пэ фарисеёря, кай вонэ притерэнпэ, кай патян андо Дэл, и сар вонэ пэс андярдэ?

⁷ О Иисусо смило ԥэнэнас, кай и мануша ритярэнас и традицыи и законоря, савэ на чалён лэ Дэвлэсти. Например, во ворта ԥэнэнас лэ фарисеёнэнди, кай вонэ кати притерэнпэ, кай патян андо Дэл. Важ лэндэ май важно сас и традицыя, кай тэ халавэн и вас, чем тэ заботинпэ пала родителя (Матф. 15:1—11). Важ када лэ Иисусостирэ ученикоря пушлэ лэстар: «Ту ӷанэс, кай тирэ алава на чалелэ лэ фарисеёнэнди». Пэ када во ԥэндя лэнди: «И растения, сави мэрно небесно Дад на садисардя, вишынэна ку корнё. На шон сама пэр лэндэ. Вонэ корэ и екжэнэ на ӷанэн каринг жан. Ай если о коро андярэл лэ корэс, тоди лэдуй пэрэна андэ яма» (Матф. 15:12—14). О Иисусо на парашэлас тэ росԥэнэн пала Дэл, хоть лэ барэдэрэн андэ вера фартэ холярэлас о чачимос, саво во лэнди ԥэнас андэ яқа.

8. Пэ савэ примероря о Иисусо сыкадя, кай лэ Иеговасти най вся чалёл, сости сытярэн и мануша андэ разни веры?

⁸ О Иисусо ворта ԥэнэнас, кай андэр со патян и мануша, када хохаимос. Во никала на ԥэнэнас, кай лэ Дэвлэсти чалён всаворэ веры. Наоборот, во ԥэнэнас, кай бут жана па буӷло дром, саво андярэл каринг и смэрть, и кати набут мануша жана па тисно дром, саво андярэл каринг и вечно жызня (Матф. 7:13, 14). О Иисусо ворта ԥэндя, кай авэна кацавэ мануша, савэ терэна муй, кай служын лэ Иеговасти, ай па чачимастэ када най кадя. Во ԥэндя: «Фэринпэ лэ хохавнэ пророконэндар. Вонэ авэн тумэндэ андэ бакрани мурцы, но па чачимастэ вонэ рува, савэ хан и на чалён». Инке во ԥэндя, кай кацавэ манушэн ӷатярэна па лэндири дила (Матф. 7:15—20).

9. Росԥэнэн, савэ хохаимасти сытярэнас андэ авэр веры андэ лэ Иисусостири время.

⁹ Со ԥэнэнпэ андэ Библия? Андэ ек библейско пророчество ԥэнэнаспэ, со авэла по ди кай о Христос. Котэ ԥэнэнпэ: «Андо мэрно ди бари любовь каринг... [лэ Иеговаско] цэр» (Пс. 69:9; Иоан. 2:14—17). Кадэя любовь дэлас зор лэ Иисусости тэ сыкавэл, савэ хохаимасти сытярэн и мануша, и кай вонэ ритярэнас кодэла традицыи, савэ на чалён лэ Дэвлэсти. И фарисеёря патянас, кай о мануш посли смэрть на парашэл тэ жувэл, ай о Иисусо сытярэлас кай и мулэ нисо на ӷанэн и лэн будэр нинай (Иоан. 11:11). И садукеёря ԥэнэнас, кай и мулэ на ринапэ каринг и жызня, ай о Иисусо рисардя каринг и жызня пэстирэ друӷос лэ Лазарёс (Иоан. 11:43, 44; Деян. 23:8). И фарисеёря сытярэнас, кай вся суждено лэ Дэвлэстар, ай о Иисусо сытярэлас, кай и мануша екжэнэ моӷут тэ витидэн тэ служын лэ Дэвлэсти чи най (Матф. 11:28).

10. Васо андэ амарэ деса бутэ манушэн холярэл кода, андэр со амэ патяс?

¹⁰ Кода, со сас андэ лэ Иисусостири время, шолпэ и пэ амарэ деса. Бут мануша на камэн амэн тэ ашунэн, важ кода кай амэ па Библия сыкавас, кай кода, сости сытярэн и барэдэра андэ веры, када хохаимос. И рашая сытярэн лэ манушэн, кай о Дэл пала ӷрехоря лэла тэ ԥабарэл лэ манушэн андо адо. Кадя вонэ даравэн лэн, и вонэ лэн тэ кандэн лэ рашан. Ай амэ сар лэ Иеговастирэ служытеля росԥэнас, кай када хохаимос, и кай о Дэл любий лэ манушэн. Кадяжэ вонэ сытярэн, кай посли смэрть о мануш варикай жувэл. Ай амэ росԥэнас, кай када вся жыля лэ манушэндар, савэ тэлёнас всаворэсти, со исин пэ люма, ай най лэ чачунэ Дэвлэсти. Тэ авелоп када чачимос, тоди лэ Дэвлэсти на трэбуй авелоп тэ рий лэ манушэн каринг и жызня. Ай кадяжэ амэ на патяс, кай исин судьба, важ кода кай ӷанас, кай лэ манушэсти о Дэл дя екжэно тэ витидэл, со лашо, ай со най. И через када и барэдэра андэ веры фартэ холявэн пар мэндэ.

11. Со о Дэл ԥэнэн пэстирэ служытелёнэнди, сар пистромэ андэ Иоанна 8:45—47?

¹¹ Со поможыя тэ на парашас тэ патяс? Если амэ фартэ любисарас о чачимос анда Библия, тоди амэ никала на парашаса тэ кандас лэ Иеговас. (Адиносар Иоанна 8:45—47.) Амэ най сар о Сатана, саво парашэля тэ патял. Амэ никала на жаса против кода, андэр со патяс. Амэ точно ӷанас, кай када чачимос (Иоан. 8:44). О Дэл ԥэнэн пэстирэ служытелёнэнди: «Мэк о найлашимос ашэл гряца тумэнди, ритярдёнпэ лэ лашимасти» (Рим. 12:9). Именно кадя и терэлас о Иисусо (Евр. 1:9).

3. ЛЭ ИИСУСОС ВЫРЫЦЫНАС

12. Васо бут евреёря на закамлэ тэ патян андо Иисусо?

¹² Васо инке и евреёря на закамлэ тэ патян андо Иисусо, кала во сас пэ ԥув? О Павло ԥэндя: «Амэ росԥэнас пала Христос, савэс умардэ по столбо. Важ када и евреёря на закамлэ тэ патян андэр лэстэ» (1 Кор. 1:23). Бут евреёря на закамлэ тэ патян андо Иисусо, важ кода кай вонэ гиндонас, кай о Христос нэ можэт тэ авэл умардо по столбо. По столбо умэрэнас кати лэ преступниконэн и лэ ӷрешниконэн (Втор. 21:22, 23).

13. Андэр со на закамлэ тэ патян и евреёря, савэ на прижанглэ, кай о Иисусо лэ Дэвлэстар?

¹³ И евреёря, савэ на патяе андо Иисусо, на закамлэ тэ прижанэн, кай во найдошало и кай во на затердя, кай лэс тэ умарэн. Лэс сындосардя хохавно и найсправедливо сындо (Луки 22:54; Иоан. 18:24). Инке по сындо камэнас тэ виарақэн пала со тэ дошалярэл лэ Иисусос, кай потом тэ умарэн лэс. Ай посли кода, сар лэндэ на вижыля тэ дошалярэн лэ Иисусос, о пэрвосвященико закамля тэ астарэл лэс по алав (Матф. 26:59; Мар. 14:55—64). И дажэ посли кода, сар о Иисусо рисайля каринг и жызня, и сындомаря потиндэ лэ римсконэ воинонэнди бут рупунэ монеты, кай вонэ тэ хохавэн, васо и моӷила лэ Иисусостири ашэля шущи (Матф. 28:11—15).

14. Со андэ Свынто Писания ԥэнэнаспэ пала кода, сар мэрэла о Христос?

¹⁴ Со ԥэнэнпэ андэ Библия? Бут евреёря на гиндонас, кай о Христос трэбуй авэла тэ мэрэл, но пала када ԥэнэнаспэ андо пророчество. Сас пистромэ, кай во отдэла пэстири жызня важ и ӷрешникоря, и лэс умарэна сар преступникос (Ис. 53:12). И евреёря ӷанэнас кадэва пророчество, и лэндэ на сас нисавэ причины тэ на прижанэн, кай о Иисус када Христос.

15. Васо дэсавэ мануша андэ амари время дошалярэн лэ Иеговастирэ свидетелёнэн и на камэн лэн тэ ашунэн?

¹⁵ Кода, со сас андэ лэ Иисусостири время, шолпэ и пэ амарэ деса. Амэ ӷанас, кай по Иисусо хохадэ и найсправедливо сындосардэ. И андэ амарэ деса лэ Иеговастирэ служытелёнэнца обжанпэ кадяжэ. Акэ дэсавэ примероря. Андэ Америка андэ 1930 жы кай 1940 бэрша амарэ ԥрала и ԥэя най еқвар жанас андо сындо, кай лэнди тэ розришын свободно тэ служын лэ Дэвлэсти. Но дэсавэ сындомаря фартэ найдраго гиндонас пала амари вера и на зашонаспэ пала амэндэ. Андэ Канада андо Квебеко и католическо қандири и о правительство стидэпэ, кай тэ на дэн амэнди тэ служысарас лэ Дэвлэсти. Лэ вазвещятелёнэн шонас андо бар просто важ кода, кай вонэ дэнас дума лэ манушэнца пала лэ Дэвлэско Царство. Ай андэ нацыско Германия лэ тэрнэ ԥралэн умарэнас важ када. Андэ амарэ деса андэ Россия ԥэнэн, кай лэ Иеговастирэ свидетеля экстремисторя. Лэн бэшарэн кати важ кода, кай вонэ дэн дума пала Библия лэ манушэнца. И дажэ и «Библия. Нэвэ мироско переводо» запретисардэ и ԥэндэ, кай вой экстремиско книӷа кати важ кода, кай котэ пистромэ лэ Дэвлэско алав Иегова.

16. Васо, сар ԥэнэнпэ андэ 1 Иоанна 4:1, амэ трэбуй тэ на патяс андо хохаимос, саво росԥэнэн пала лэ Дэвлэстирэ служытеля?

¹⁶ Со поможыя тэ на парашас тэ патяс? Андэ пэстири дума по плай о Иисусо ԥэндясас кодэлэнди, ко лэс ашунэлас, кай пэ Дэвлэстирэ служытеля авэна тэ хохавэн (Матф. 5:11). О Сатана вся и время хохавэл пала Дэл и пала мануша, савэ любин о чачимос анда Библия (Отк. 12:9, 10). Амэ трэбуй тэ на домэкас, кай через кадэва хохаимос амэ тэ дарас и тэ парашас тэ патяс лэ Дэвлэсти. (Адиносар 1 Иоанна 4:1.)

4. ЛЭ ИИСУСОС ПРИДИНЭ И АШАДЭ И ДРУӶОРЯ

17. Со моӷли тэ гиндон и мануша, кала уӷанглэ, кай дажэ лэ Иисусостири апостолоря ашадэ лэс?

¹⁷ Англа лэ Иисусостири смэрть ек анда лэ лэстирэ апостолоря придя лэс. Авэр тривар отԥэнделя лэстар. И всаворэ вонэ рознашлэпэ и ашадэ лэс андо само ԥаро маменто англа лэстири смэрть (Матф. 26:14—16, 47, 56, 75). Но о Иисусо полэлас, кай када трэбуй сас тэ авэл, и пала када пистромэ андэ Свынто Писания (Иоан. 6:64; 13:21, 26, 38; 16:32). Но авэр миро, савэ уӷанглэ пала када, моӷли тэ на дополэн, сости вонэ трэбуй тэ патян андо Иисусо, если дажэ лэстирэ апостолоря, савэ вся и время сас лэса, ашадэ лэс.

18. Савэ пророчества стердэпэ по Иисусо жы каринг лэстири смэрть?

¹⁸ Со ԥэнэнпэ андэ Библия? Фартэ бут бэрша палпалэ о Иегова ужэ ԥэндя, кай лэ Иисусос битинэна важ трицать рупунэ монеты (Зах. 11:12, 13). А инке во ԥэндя, кай лэс придэла лэско пашутно друӷо (Пс. 41:9). Кадяжэ о пророко Захария пистросардя: «Умар лэ пастухос, и и бакрорэ рознашэнапэ» (Зах. 13:7). И мануша, савэндэ лашо ди, полинэ, кай кадя стердэпэ и пророчества, и линэ май фартэ тэ патян, кай о Иисусо сас лэ Дэвлэстар.

19. Со полэн и мануша, савэндэ ковло ди?

¹⁹ Кода, со сас андэ лэ Иисусостири время, шолпэ и пэ амарэ деса. Андэ амарэ деса дэсавэ лэ Иеговастирэ свидетеля ашадэ лэ Иеговас. Вонэ ашэлэ отступникоря, пала савэ бут мануша ӷанэн, и вонэ цырдэн пала пэстэ аврэ манушэн. Вонэ росԥэнэн хохаимос андэ новости, андо интэрнэто, и хохавэн пэ Иеговастирэ свидетеля. Но лэ манушэн, савэндэ ковло ди, нисо на обхохавэла. Вонэ полэн, кай кадя терэнпэ и пророчества анда Библия (Матф. 24:24; 2 Пет. 2:18—22).

20. Со поможыя амэнди тэ на парашас тэ патяс лэ Иеговасти, хоть дэко и парашэля?

²⁰ Со поможыя тэ на парашас тэ патяс? Амэнди трэбуй кажно дес тэ изучаем и Библия, вся и время тэ мангаспэ и тэ на парашас тэ ԥирас пэ служэния. Када вся поможыя амэнди тэ на парашас тэ патяс андо Иегова. (Адиносар 2 Тимофею 4:4, 5.) И если амэ патяс лэ Иеговасти, тоди амэ на патяса лэ хохаимасти, саво ԥэнэн пэ Иеговастирэ свидетеля (Ис. 28:16). И любовь каринг о Иегова, каринг и Библия и каринг и ԥрала и ԥэя поможыя амэнди тэ на ашавас лэ Иеговас, хоть авэр мануша и ашадэ лэс.

21. Со амэ точно ӷанас, хоть бут мануша на камэн тэ ашунэн о чачимос пала Дэл?

²¹ Андо пэрво вико бут мануша на патяе андо Иисусо. Но всаек сас чи мало кодэлэн, ко патялас. И точно сас ек сындомари анда иудейско Синедрионо и бут рашая, савэ патяе андо Иисусо (Деян. 6:7; Матф. 27:57—60; Мар. 15:43). Амэ точно ӷанас, кай и андэ амарэ деса милионоря мануша кандэн лэ Иеговас и лэ Иисусос. Вонэ ӷанэн о чачимос анда Библия и любин лэско законо. Важ када кадэла мануша на камэн тэ ашавэн лэ Иеговас (Пс. 119:165).