Сар о Дэл простияс и бэзэха, кала инке на сас потиндо о выкупо?

Амарэ бэзэха моӷут тэ простинпэ кати через лэ Исусоско рат. Во муля пала амэндэ и витиндя амэн (Еф. 1:7). Но андэ Библия ԥэнэнпэ, кай о Дэл «простияс и бэзэха, савэ стердэсас». Аврэ алавэнца, када сас англа кода, сар о Исусо отдя пэстири жызня сар выкупо (Римо 3:25). Васо можно тэ ԥэнас, кай лэ Иеговастэ сас право кадя тэ терэл и кадэлэса во на ԥагля пэско справедливо законо?

О Иегова ԥэндя, кай авэла бэято, саво спасыя лэ манушэн. Кала о Дэл дя алав пала када, андэ лэстирэ яқа о выкупо кабута ужэ сас потиндо (Быт. 3:15; 22:18). О Иегова сас уверено, кай андэ время, сави трэбуй, лэско особено Шаво отдэла пэстири жызня (Гал. 4:4; Евр. 10:7—10). Кала о Исусо жувэлас пэ ԥув, лэстэ сас право тэ простий и бэзэха, хоть о выкупо инке на сас потиндо. Во моӷ када тэ терэл, важ кода кай ӷанэнас, кай лэстири жэртва анэна лашымос кодэлэнди, ко патял (Матф. 9:2—6).