Сар дэ драго по ди, кала амэ ладисарас лэ ԥралэнца и лэ ԥэянца!

1, 2. Сар о Иегова обжалпэ лэ манушэнца и со во аштярэл амэндар?

О ИЕГОВА бут сама шол пэ кода, сар амэ обжаспэ лэ манушэнца. О Иисусо сытярэлас, кай трэбуй тэ любисарас лэ манушэн, сар корко пэс (Матф. 22:37—39). Важ када, андярэн вонэ лэ Иеговастири время чи най, амэ всё равно всаворэнца обжаспэ драго. Кадя амэ шаспэ пэ амаро Дэл, саво «приԥэнэн лэ қамэсти тэ светий пэ лашэ и пэ найлашэ мануша и бишалэл брышын пэ кодэла, ко терэл правильно и ко терэл неправильно» (Матф. 5:45).

² О Иегова любий всаворэ манушэн, но май куч лэсти кодэла, ко лэс кандэл (Иоан. 14:21). Во камэл, кай кацавэ мануша тэ авэн куч и амарэ одести. Важ када во аштярэл, кай амэ ласа фартэ тэ любисарас амарэ ԥралэн и ԥэян и тэ авас «глабочка ек пала ек» (Римо 12:10; 1 Пёт. 4:8). Кадя амэ обычно обжаспэ амарэ ереса и амарэ друӷонэнца.

3. Со амэ уӷанглям пала любовь анда кадэва абзацо?

³ И любовь — када сар комнатно цвито. Пала лэстэ трэбуй тэ диқэс. О апостало Павло пистросардя лэ христианонэнди: «На парашэн тэ авэн глаба ек пала ек, сар ԥрала» (Евр. 13:1). О Иегова камэл, кай амэ тэ барярас амари любовь андо ди каринг и ԥрала и ԥэя. Андэ кадэя статья амэ роздиқаса, васо драго, кала амэ ладисарас ек еқэса, и со поможыя тэ састярас амари дружба.

ВАСО АМЭ ТРЭБУЙ ТЭ АШАС МАЙ ПАШЭ КАРИНГ И ԤРАЛА И ԤЭЯ

4. Со поможыя амэнди тэ цэнисарас о ладо амарэ ԥралэнца и ԥэянца? (Псалом 133:1). (Кадяжэ диқэн и картинка.)

⁴ Проадинон Псалом 133:1. Сар дицол анда Библия, кала амэ дружысарас кодэлэнца, ко кандэл лэ Иеговас, када анэн амэнди лашымос и радость. Роздиқам ек примеро. Можэт быть, амэ кажно дес ԥирас мимо бари шукарни витка, но ни еқвар на притерделям, кай тэ роздиқас ла. Точно кадя жэ амэ можэм тэ парашас тэ шас сама и тэ цэнисарас, сар дэ райканэс, кай андэ лэ Дэвлэско народо исин ладо. Амэ часто диқаспэ лэ ԥралэнца и лэ ԥэянца и можэм тэ присытювас каринг лэндэ. Важ када амэ можэм тэ парашас тэ цэнисарас лэн. Сар када тэ на домэкас? Кай тэ на парашас тэ любисарас лэ ԥралэн и лэ ԥэян, трэбуй вся и время тэ гиндосарас, сар дэ куч кажно андар лэндэ важ и собрания и важ амэндэ лично.

5. Сар амари любовь каринг и ԥрала и ԥэя можэт тэ поможый аврэнди?

⁵ Кала о мануш пэрво разо авэл пэ амарэ встречи, пэрво, пэр со во шол сама, — када и любовь, сави исин машкар амэндэ. Дэкасти кати када хутилэл, кай тэ полэл, кай во виарақля о чачимос. О Исусо ԥэндя: «Если тумэ лэна тэ любин ек еқэс, всаворэ уӷанэна, кай тумэ андярэн мэрни время» (Иоан. 13:35). Акэ со сас кай ек щеёры, савя ақарэн Ча́йтра. Вой май драго уӷанэнас и Библия лэ Иеговастирэ свидетелёнэнца. Ек ԥэй ақардя ла по регионально канӷрэсо. Андо пэрво жэ дес, кала жалас о канӷрэсо, и Чайтра ԥэндя: «Мэрнэ родителя ман никала на облэнас. Ай катэ кати важ ек дес ман облинэ 52 раза! Кадя о Иегова сыкадя через пэстирэ мануша, сар дэ фартэ во ман любий. Мэ тожэ камав тэ авав андэ лэско дружно ери». И Чайтра на парашэля тэ уӷанэн май драго и Библия и болделя андо 2024 бэрш. Да, часто кати через амари лащи дила и любовь машкар амэндэ, о мануш можэт тэ закамэл тэ пашол каринг о Иегова (Матф. 5:16).

6. Состар амэн фэрий и дружба лэ ԥралэнца и лэ ԥэянца?

⁶ И дружба лэ ԥралэнца и лэ ԥэянца фэрий амэн. О Павло приԥэндя лэ христианонэнди: «Придэн зор ек еқэсти кажно дес... кай тумэ тэ на лэн тэ тердён пэ пэско через о бэзэх, саво можэт тумэн тэ опхохавэл» (Евр. 3:13). Дэкала, кала амэндэ умэкэнпэ и вас, амэнди ашэл ԥарэс тэ терас правильно англа Иегова. Тоди о Иегова можэт тэ поможый амэнди через одялэ ԥрала и ԥэя (Пс. 73:2, 17, 23). Сар жэ драго, кай амэндэ исин кацавэ друӷоря!

7. Сар и любовь поможый тэ ладисарас? (Калосы 3:13, 14).

⁷ И ԥрала и ԥэя па вся и люма старыинпэ тэ сыкавэн и любовь ек каринг ек. Када анэн бут лашымос (1 Иоан. 4:11). Например, и любовь поможый амэнди тэ на шас сама пэ кода, со амэнди на чалёл андэ авэр мануш, и када поможый тэ ладисарас (проадинон Калосы 3:13, 14; Еф. 4:2—6). Кацаво ладо, саво исин машкар амарэ ԥрала и ԥэя, будэр никай нинай.

СТОН ПАТИВ ПЭ ԤРАЛА И ԤЭЯ

8. Сар о Иегова поможый тэ на хасарас о ладо машкар амэндэ?

⁸ О ладо машкар ԥрала и ԥэя — када чуда. И во можэт тэ авэл кати через о Иегова. Хоть амэ и най идеальни, во стидя амэн андэ ек ери (1 Кр. 12:25). Андэ Библия ԥэнэнпэ, кай о Дэл сытярэл амэн тэ любисарас ек еқэс (1 Фес. 4:9). Сар во када терэл? Во дя амэнди советоря, сар тэ авас важ и ԥрала и ԥэя лашэ друӷоря. Кала амэ май драго уӷанас кадэла советоря и терас кадя, амэ домэкас лэ Дэвлэсти тэ сытярэл амэн (Евр. 4:12; Иак. 1:25). Па вся и ԥув лэ Иеговастирэ свидетеля имено кадя и терэн.

9. Со амэ уӷанас пала патив анда Римо 12:9—13?

⁹ Сар и Библия поможый амэнди тэ авас лашэ друӷоря важ и ԥрала и ԥэя? Диқам, со ԥэндя о Павло андо Римо 12:9—13 (проадинон). Шам сама пэ алава «Старыинпэ пэрви тэ стон патив пэ авэр». Со када сыкавэл? Погиндосар, саво лашымос ту можэш тэ стерэс аврэнди. Например, драго тэ обжаспэ лэнца. Ақар лэн пэстэ цэрэ, делисав кодэлэса, со тутэ исин, и анда ди простисар аврэн (Еф. 4:32). На трэбуй тэ аштярэс, кала о ԥрал или ԥэй стерэна варисо пэрви. Стер када ту. Тоди тумэ полэна и алава, савэ ԥэндя о Иисусо: «Май бари бах — тэ дэн, ай най тэ лэн» (Дила 20:35).

10. Сар амэ можэм тэ сыкавас, кай любисарас тэ терас дила? (Кадяжэ диқэн и картинка.)

¹⁰ Шон сама: сразу посли алава «старыинпэ пэрви тэ стон патив пэ авэр» о Павло ԥэндя: «Цырдэнпэ варисо тэ терэн, на́ отстон и дила». Мануш, саво любий тэ терэл дила, лэла тэ терэл ла анда ди. Кала лэсти дэн задания, во поджал каринг када серьёзно. Ай андэ Притчи 3:27, 28 ԥэнэнпэ: «На отԥэндюв тэ терэс лашымос кодэлэнди, касти када трэбуй, если ту можэш лэнди тэ дэс зор». Важ када, кала амэ диқас, кай лэ ԥралэсти или ла ԥьяти трэбуй помощь, амэ старысавас май ӥто тэ стерас када. Амэ на цырдас и время и на гиндосарас, кай лэнди поможыя варико авэр (1 Иоан. 3:17, 18).

11. Со поможыя амэнди тэ на хасарас и дружба лэ ԥралэнца и лэ ԥэянца?

¹¹ Сар инке амэ можэм тэ сыкавас патив каринг авэр? Тэ простисарас, кала амэн холярэн. Андо Ефесо 4:26 ԥэнэнпэ: «Улэн тумари холи май данглал, чем бэшэла о қам». Васо када кадя важно? Сар ԥэнэнпэ андо 27-мо стихо, кадя амэ на домэкаса лэ Бэнгэсти тэ римой амаро ди. Андэ Библия о Иегова най еқвар мангэл амэн тэ простисарас. Андэ Калосы 3:13 ԥэнэнпэ: «Анда ди простин ек еқэс». Кай тэ на хасарас и дружба лэ ԥралэнца и лэ ԥэянца, фартэ важно тэ сытювас тэ ԥандавас и яқа пэ лэндирэ ошыбки и тэ на ритярас холи андо ди. Када поможыя амэнди тэ авас сар ек ери и тэ на хасарас о ладо машкар амэндэ (Еф. 4:3).

12. Сар о Иегова поможый амэнди тэ простисарас ек еқэс?

¹² Канешно, тэ простисарас кодэлэн, ко амэн холярдя, можэт тэ авэл найвушэро. Но лэ Дэвлэстирэ зорэса амэндэ вся вижала. Посли алава «Авэн глабочка ек пала ек» амэ андэ Библия адиносарас: «Цырдэнпэ варисо тэ терэн». Вижал, через лэ Дэвлэско зор амэ можэм тэ закамас тэ терас кода, со мангэл амэндар о Дэл. Важ када, амэ анда вся ди мангас лэ Иеговас тэ дэл амэнди пэско зор (Лука 11:13).

НА РОЗМАРЭН О ЛАДО

13. Васо машкар амэндэ можэт тэ римойпэ о ладо?

¹³ Андэ лэ Дэвлэско народо исин «бут разни мануша» (1 Тим. 2:3, 4). Кажно андар мэндэ можэт екжэно тэ витидэл, сар во тэ утидэлпэ, сар тэ отцыёл и сар тэ диқэл пала пэско зор. Но если амэ на стас патив пэ кода, со витидэн авэр ԥрала и ԥэя, амэндэ на вижала тэ фэрисарас амаро ладо (Римо 14:4; 1 Кр. 1:10). Важ када амэ на ласа тэ застависарас аврэн тэ витидэн кода, со чалёл амэнди, ԥэнэса амаро гиндо май правильно. Кадя амэ сыкаваса, кай о Дэл сытярдя амэн тэ любисарас ек еқэс (Флп. 2:3).

14. Со амэнди трэбуй вся и время тэ терас и васо?

¹⁴ Ай инке, амэ сможэм тэ фэрисарас о ладо андэ собрания, если ласа тэ подритярас аврэн (1 Фес. 5:11). Послиднё время бут кодэла, ко дэлмут парашэля тэ ԥирэл пэ амарэ встречи или сас дурярдо ла собраниятар, ринпэ палпалэ. И амэ фартэ лошалэ кадэлэсти! (2 Кр. 2:8). Акэ со росԥэндя ек ԥэй, сави авеля пэ собрания посли кода, сар на ԥирэлас интя 10 бэрш: «Ман шутэ сама анда ди, всаворэ поджанас каринг мандэ и здоровкиинаспэ манца» (Дила 3:19). Со сас по ди кай и ԥэй, кай ласа кадя драго обжылэпэ? Вой ԥэнэн: «Ԥэнэса када о Иегова ля ман вастэстар и андя интя, кай мэ упалэ моӷу тэ авав бахтали». Если амэ шас сама аврэн, о Иисусо сможэт через амэндэ тэ дэл зор кодэлэнди, «ко пристол бут зор и терэл ԥари дила» (Матф. 11:28, 29).

15. Сар инке амэ можэм тэ фэрисарас амаро ладо? (Кадяжэ диқэн и картинка.)

¹⁵ Сар инке амэ можэм тэ фэрисарас амаро ладо? Важно тэ следисарас пала кода, со амэ дас дума. Андо Иов 12:11 драго ԥэнэнпэ: «Хэба о кан на росполэл и алава, сар и шыб росполэл лэ хамаско вкусо?» Лашо поваро англа кода, сар тэ подэл о хамос, спэрва екжэно лэс зумавэл. Точно кадя жэ и амэ, англа кода сар варисо тэ ԥэнас, трэбуй драго тэ погиндосарас (Пс. 141:3). Амэ камас, кай амарэ алава тэ придэн зор и тэ анэн лашымос аврэнди (Еф. 4:29).

16. Касти инке май важно тэ следин пала кода, со вонэ дэн дума?

¹⁶ Лэ хуланди и лэ родителёнэнди фартэ важно тэ следин пала кода, кай лэндирэ алава тэ авэн ковлэ (Клс. 3:19, 21; Тито 2:4). Кадяжэ када трэбуй тэ терэн и старейшыноря. Вонэ трэбуй тэ подритярэн лэ Иеговастирэ бакрорэн (Ис. 32:1, 2; Гал. 6:1). Най евья андэ Библия ԥэнэнпэ: «Сар дэ драго о алав, саво ԥэндо андэ нужно время!» (Прит. 15:23).

ЛЮБИН ПЭ ДИЛА, АЙ НАЙ ПЭ АЛАВА

17. Со поможыя амэнди тэ любисарас лэ ԥралэн и лэ ԥэян всаворэ́ одеса?

¹⁷ О апостало Иоано ԥэндя амэнди: «Амари любовь трэбуй тэ дицол най андэ алава, ай пэ дила, па чачимастэ» (1 Иоан. 3:18). Амэ камас тэ любисарас лэ ԥралэн и лэ ԥэян всаворэ́ одеса. Со тэ терас, кай амэндэ тэ авэл кацави любовь? Со май бут время амэ ласа тэ проандярас лэ ԥралэнца и лэ ԥэянца, со май пашэ амэ каринг лэндэ аваса и ласа май фартэ лэн тэ любисарас. Важ када старыинпэ вместе тэ проандярэн и время, например посли собрания или кала жан тэ росԥэнэн пала Дэл. Ԥирэн лэндэ в ӷости, ақарэн и лэн каринг пэстэ. Если ласа кадя тэ терас, амэ сыкаваса, кай о Дэл сытярдя амэн тэ любисарас ек еқэс (1 Фес. 4:9). И тоди, амэ екжэнэ пар пэстэ поласа, «саво лашимос и сар дэ драго по ди кодэлэстар, кала и ԥрала жувэн еқэҭанэ и драго полэн ек еқэс!» (Пс. 133:1).