СТАТЬЯ ВАЖ И ИЗУЧЕНИЯ 4
ДИЛИ 30 Мэрно Дэл, Дад и Друӷо
О Иегова глаба пала тутэ
«О Иегова... любий» (ИАК. 5:11).
АМЭ УӶАНАСА
Сар лэ Иеговастири любовь пашарэл амэн каринг лэстэ, придэл зор и поможый нисостар тэ на дарас.
1. Савэса тумэ пэсти прецтавляете лэ Иеговас?
СО ТУМЭНДЭ авэл по гиндо, кала тумэ гиндон пала Иегова? Кала тумэ лэсти мангэнпэ, сар тумэ лэс прецтавляете? Хоть тумэ на диқлэ лэ Дэвлэс, но тумэ бут со ӷанэн пала лэстэ анда Библия. Например, пала лэстэ ԥэнэнпэ, кай во — «қам и щито», ай кадяжэ, кай во бари яг (Пс. 84:11; Евр. 12:29). Андэ лэ Иезекиилёстири видения о Дэл бэшэл по троно анда сапфиро, лэстар жал о свето, сар лэ кучутнэ састрестар. Кадэва свето шолпэ кадяжэ пэ радуӷа (Иез. 1:26—28). Кала амэ адиносарас пала Иегова, када амэн лэл лэ одестар и дажэ появийпэ и дар.
2. Васо дэсавэнди ԥарэс тэ ашэн май пашэ каринг о Иегова?
2 Амэ на диқас лэ Иеговас и важ када амэнди можэт тэ авэл найвушэро тэ патяс, кай амэ куч важ лэстэ. Дэсавэ гиндон, кай вонэ на ашэн, кай о Дэл лэн тэ любий, важ кода кай никала на диқэнас и любовь — дажэ андэ пэско ери. О Иегова драго полэл, кай кацаво можэт тэ авэл по ди. Во ӷанэн, кай амэнди можэт тэ авэл найвушэро тэ патяс лэсти. Но во камэл, кай амэндэ лэса тэ авэл пашутни дружба. Важ када через и Библия во сыкавэл, кай глаба пала амэндэ.
3. Васо трэбуй май бут тэ уӷанэс пала лэ Иеговастири любовь?
3 Тэ сыкавэс, саво о Иегова, можно еқэ алавэса, — любовь (1 Иоан. 4:8). Вой дицол андэ вся лэстири дила. Кадэя любовь лэстэ фартэ бари. Во любий дажэ кодэлэн, ко на любий лэс (Матф. 5:44, 45). Андэ кадэя статья амэ май драго подаса дума пала Иегова и пала лэстири любовь. Со май бут амэ уӷанаса пала амаро Дэл, со май фартэ амэнди камэлапэ тэ любисарас лэс.
О ИЕГОВА ФАРТЭ АМЭН ЛЮБИЙ
4. Со тутэ по ди, кала ту полэс, кай о Иегова глаба пала тутэ? (Диқэн кадяжэ и картинка.)
4 «О Иегова... любий» (Иак. 5:11). Андэ Библия ԥэнэнпэ, кай екжэно о Дэл сыстосардя пэс ла даса, сави любий пэстирэ бэятос (Ис. 66:12, 13). Прецтавьте, сар вой лэл пэстирэ бэятос пэ вас, састэс облэл и ковлэс дэл дума лэса. Если во кати заровэл, вой ӥто авэл каринг лэстэ. Кала амэ пала варисо пэрэжываем, амэ тожэ можэм тэ патяс, кай о Иегова амэн любий. О псалмопевцо пистросардя: «Кала мандэ сас гиндоря, савэндар ԥарэс по ди, ту терэсас кадя, кай манди ашэлас май вушэро по ди» (Пс. 94:19).
«Мэ лава тэ жалуисарав тумэн, сар и дэй жалуий пэстирэ бэятос» (Диқэн о абзацо 4.)
5. Васо тути куч, кай о Иегова на парашэл тэ любий тут?
5 О Иегова на парашэл тэ любий (Пс. 103:8). Во на одбандёл амэндар, кала амэ шылисавас. Андэ дэлмутни время и израильтяноря упалэ и упалэ терэнас лэ Иеговасти дуқанэс. Но кала вонэ каинаспэ и ринаспэ каринг лэстэ, во ԥэнэнас, кай на парашэля лэн тэ любий. Акэ савэ алава во ԥэндя лэнди: «Ту куч андэ мэрнэ яқа, ту ашэс, кай мэ тэ став патив пэр тутэ, и мэ тут любисарав» (Ис. 43:4, 5). Лэ Иеговастири любовь каринг амэндэ на парудёл. Вой на прожал и на ашэл май слабо через и время. Дажэ кала амэ фартэ шылисавас о Иегова на отԥэндёлпэ амэндар. Если амэ каисаваса и рисаваса каринг лэстэ, тоди диқаса, кай во на парашэля амэн тэ любий. Во дэл алав, кай «анда оди простия» (Ис. 55:7). Андэ Библия ԥэнэнпэ, кай кала о Иегова простий, во «здиқэл пэр тумэндэ» (Дила 3:19, сноска).
6. Со амэ уӷанас пала Иегова анда Захария 2:8?
6 Проадинон Захария 2:8. О Иегова любий амэн. Важ када во шол сама пэ кода, со амэндэ андо ди и всегда ӷотово тэ зашолпэ пала амэндэ. Кала амэнди найдраго, через када лэсти тожэ ԥарэс, вижал, амэ можэм тэ мангаспэ: «Фэрисар ман сар пэстири як» (Пс. 17:8). Во обязательно дэла атвето. И як фартэ чуствительно. Важ када, кала о Иегова сыстой амэн пэстирэ зрачкоса, во, кабута, ԥэнэн: «Любо, ко терэл найлашымос тумэнди, терэл дуқанэс манди».
7. Васо амэнди трэбуй тэ патяс, кай о Иегова любий амэн?
7 О Иегова камэл, кай амэ тэ патяс, кай во амэн любий. Но дэкала через о ԥаримос, саво амэ пэрэжудям или саво амэндэ исин акана, ԥарэс тэ патяс, кай о Дэл амэн любий. Сар када тэ на домэкас? Давайте роздиқаса кода, со доԥэнэн, кай о Иегова любий лэ Иисусос, лэ памазаниконэн и кажнонэс андар мэндэ.
О ИЕГОВА СЫКАВЭЛ И ЛЮБОВЬ
8. Васо о Иисусо патялас, кай о Иегова лэс любий?
8 О Иегова и о Иисусо сас вмести фартэ бут бэрша. Важ кадэя время лэндэ ашэля фартэ пашутни дружба, савяса на сыстояпэ ни ек дружба андэ люма. О Иегова ворта ԥэнэнас лэ Иисусости, кай во лэс любий. Амэ адиносарас пала када андо Матфеё 17:5. О Иегова моӷ просто тэ ԥэнэн: «Када кодэва, касти мэ дав пэстири блаӷословения». Но во камэлас, кай амэ тэ ӷанас, сар дэ фартэ во любий лэ Иисусос. Важ када во ԥэндя: «Када мэрно любимо Шаво». О Иегова абурояс кодэлэса, со о Иисусо ужэ стердя. О Дэл патялас, кай во на подвэдия лэс и май дур (Эф. 1:7). Лэско Шаво на домэкэлас ни ек гиндо, кай о Иегова лэс на любий. О Иисусо диқэлас кадэя любовь и сас уверено андэр латэ. Вой дицолас андэ вся лэстири жызня, важ када во часто дэлас дума пала латэ (Иоан. 3:35; 10:17; 17:24).
9. Со андэ Библия ԥэнэнпэ пала кода, сар дэ фартэ о Иегова любий лэ памазаниконэн? Росԥэнэн (Римлянам 5:5).
9 О Иегова кадяжэ на гаравэл пэстири любовь лэ памазаниконэндар. (Проадинон Римлянам 5:5.) Шон сама пэ алава «сыкавэл пэстири любовь». Акэ со пала када пистромэ андэ ек справочнико: о Иегова кадя шол пэстири любовь андэ лэ памазаниконэнго ди, сар «дэл о баро паи». Када драго доԥэнэн, кай о Иегова, сар Дад любий лэ памазаниконэн. Вонэ ӷанэн, кай о Дэл лэн любий (Иуды 1). Пала кода, со лэндэ по ди, пистросардя о апостало Иоано: «Сар дэ фартэ любий амэн о Дад! Во прижанэн амэн сар пэстирэ бэятонэн» (1 Иоан. 3:1). Но любий о Иегова кати лэ памазаниконэн? Най. Амэндэ исин васо тэ патяс, кай во любий амэн всаворэн.
10. Сар о Иегова сыкадя пэстири само бари любовь?
10 Андэр со о Иегова инке май фартэ сыкадя пэстири любовь? Во потиндя о выкупо. Хэба моӷ о Иегова тэ стерэл важ амэндэ варисо инке май бут, кай тэ сыкавэл пэстири любовь? (Иоан. 3:16; Рим. 5:8). Во домэкля, кай лэско кучутно Шаво тэ отдэл пэстири жызня пала мануша. Через када моӷут тэ простинпэ амарэ бэзэха и амэ можэм тэ авас лэ Дэвлэстирэ друӷоря (1 Иоан. 4:10). Со май бут амэ гиндосарас пала кода, пэр со жылэ о Иегова и о Иисусо, со май драго амэ полас, сар дэ фартэ вонэ любин кажнонэс андар мэндэ (Гал. 2:20). О выкупо сас потиндо най кати важ кода, кай кадя сас трэбуй па лэ Иеговастири справедливость. Кадэва подарко о Иегова стердя важ кода, кай фартэ любий. Во сыкадя пэстири любовь, кала отдя кода, со сас само куч лэстирэ одести, — лэ Иисусос. Во домэкля, кай лэско Шаво тэ мучийпэ и тэ мэрэл важ амэндэ.
11. Со амэ уӷанас анда Иеремия 31:3?
11 Сар амэ полям, о Иегова на ритярэл андэр пэстэ кода, со лэстэ по ди. Во ворта ԥэнэн пала када. (Проадинон Иеремия 31:3.) О Иегова пашардя амэн каринг пэстэ, важ кода кай любий. (Сыстон Второзаконие 7:7, 8.) Нисо и нико нэ можэт тэ одлэл амэндар лэстири любовь (Рим. 8:38, 39). Со тутэ по ди, кала ту гиндос важ лэ Иеговастири любовь? Проадиносар 23 Псалом и шув сама пэ кода, сар о Давидо лэ одеса поля лэ Иеговастири любовь. Тумэндэ лэ Дэвлэса тожэ можэт тэ авэл кацави жэ пашутни дружба.
СО ТУМЭНДЭ ПО ДИ, КАЛА ГИНДОН ПАЛА ЛЭ ИЕГОВАСТИРИ ЛЮБОВЬ?
12. Пала со жал и дума андо 23 Псалом?
12 Проадинон Псалом 23:1—6. Кадэва Псалом — када дили. Андэ кажно латири строчка дицол, кай о Давидо и о Иегова глаба ек пала еқэстэ. О Давидо сас уверено андэ када. Во ԥэнэн, кай о Дэл лэско Пастухо. О Давидо домэкэлас, кай о Иегова тэ сыкавэл лэсти о дром па саво тэ жал, важ кода кай патялас лэсти. Кала о Давидо жалас пала лэско алав, во чуствовал пэс, кай о Дэл лэс фэрий. О Давидо ӷанэнас, кай лэ Иеговастири любовь авэла тэ дицол андэ вся лэстири жызня. Васо во андэ када фартэ патялас?
13. Васо о Давидо патялас, кай о Иегова никала на парашэла тэ заботийпэ пала лэстэ?
13 «Манди вся лэла тэ хутилэл». О Давидо диқэлас, сар о Иегова драго пала лэстэ заботийпэ и кажно дес дэл лэсти кода, со трэбуй. Во ӷанэнас, кай вонэ лэ Иеговаса друӷоря и кай во пэстиря жызняса радуий лэс. Во точно ӷанэнас, кай со бы тэ на терэлпэ, о Иегова никала на парашэла пала лэстэ тэ заботийпэ. О Давидо патялас, кай о Иегова глаба пала лэстэ и када придэлас лэсти зор тэ на дарал. Важ када во сас бахтало и лошало (Пс. 16:11).
14. Сар о Иегова сыкавэл, кай во глаба пала амэндэ?
14 О Иегова анда вся оди заботийпэ пала амэндэ, особено кала андэ амари жызня терэлпэ бида. И ԥэй Соняa служыяс андо Вефилё май бут чем 20 бэрш. Кала кай латирэ чаче ля тэ терэлпэ бида пала бидатэ, вой на ӷанэнас, со тэ терэл. Кай лако дад тердяпэ инсульто. Латиря цыкня ԥья исключисардэ анда собрания. Лако ери хасардя пэско найбаро бизнэсо, ай посли и пэско цэр. Сар о Иегова позаботисайля пала ла Соняко ери? Вой росԥэнэн: «Кажно дес кай мэрнэ чаче сас вся, со трэбуй. Но най кати када — о Иегова всегда дэлас пэ бутэстэ май бут. Мэ часто гиндосарав пала кода, сар дэ внимательно сас о Иегова каринг амэндэ андэ кодэя ԥари время и сар во подритярэлас амэн. Важ мандэ када фартэ куч. Кадэла гиндоря придэн манди зор. Кала андэ жызня упалэ терэлпэ ԥаримос, мэ на умэкав и вас и на парашав тэ служысарав лэ Иеговасти радостяса».
15. Со сыкавэн лэ Давидостирэ алава: «Во дэл манди зор»? (Диқэн кадяжэ и картинка.)
15 «Во дэл манди зор». Кала кай о Давидо сас бут проблемы, во полэлас, кай фартэ вицыеля (Пс. 18:4—6). Но о Иегова поможыяс лэсти упалэ тэ лэл зор. О Иегова андярэлас пэстирэ друӷос кордэ, кай сас «бут зэлэно чар», кай во тэ отцыёл паша паи. Блаӷодаря кадэлэсти о Давидо моӷ тэ лэл зор и май дур тэ служый лэсти (Пс. 18:28—32).
О Иегова заботияспэ пала Давидо, во сас глаба пала лэстэ. Када придэлас лэсти зор, кала во гарадёлас лэ вороӷонэндар (Диқэн о абзацо 15.)
16. Сар лэ Иеговастири любовь придэлас тумэнди зор?
16 Амэндэ андэ жызня можэт тэ авэл бут ԥаримос, через саво амэ вимардювас анда зор. Но о Иегова поможый амэнди лэс тэ пэрэандярас (Плач 3:22; Кол. 1:11). Роздиқам о примеро ла ԥьяко, савя ақарэн Ре́йчел. Кала сас и пандэмия КОВИДО-19, лако хулай мэкля ла и одбанделя лэ Иеговастар. Сар о Иегова поможысардя кадэла ԥьяти? Вой росԥэнэн: «О Иегова сыкавэлас, кай любий ман. Паша мандэ сас и друӷоря, савэ проандярэнас манца и время, гитонас манди тэ хав. Кадяжэ вонэ бишалэнас манди сообщения лашэ алавэнца и библейски гиндоря. Кадэлэстар манди ашэлас драго по ди. Вонэ на парашэнас тэ ԥэнэн манди, кай о Иегова фартэ ман любий. Мэ постояно ԥэнавас лэ Иеговасти наис, кай во манди дя кацаво дружно и баро ери».
17. Васо о Давидо ԥэндя: «На дарава никастар»?
17 «На дарава никастар... важ кода кай ту манца». О Давидо моӷ най еқвар тэ хасарэл пэстири жызня, важ кода кай лэстэ сас бут зоралэ вороӷоря. Но лэ Иеговастири любовь дэлас лэсти тэ полэл, кай во фэрий лэс. О Давидо андэ любо ситуацыя чуствовал, кай о Иегова лэса. Када сас сар драб важ лэско нэспокойно ди. Важ када во дилабэлас пала Иегова: «Во спасысардя ман всаворэстар, состар мэ дарав» (Пс. 34:4). О Давидо бут состар даралас, но лэ Иеговастири любовь поможыяс лэсти тэ отшол пэстар кадэя дар.
18. Росԥэнэн пала мануша, савэнди лэ Иеговастири любовь поможысардя тэ улэн и дар.
18 Андэ амари жызня тожэ можэт тэ авэл фартэ баро ԥаримос. Но кала амэ ӷанас, кай о Иегова амэн любий, када ужэ амэн фэрий. Сар? Акэ со сас еқа ԥьяса, савя ақарэн Сью́зи. Вой служый сар общё пианеро. И Сьюзи росԥэнэн, со сас латэ и кай лако хулай андо ди, кала лэнго шаво умардя корко пэс: «Посли када амэ нащи авасас каринг пэстэ. Амэ гиндосарасас, кай нинай выходо и андэ жызня авэла кати ек о ԥаримос. Но амэ полям, кай амэ андэ лэ Иеговастирэ любящи вас». И Рейчел, савя кадяжэ ашадя о хулай, ԥэнэн: «Еқвар и рят манди сас фартэ ԥарэс, мэрно ди росшындёлас через и дук. Манди сас фартэ страшно. Мэ ӷолососа ровавас, мангаваспэ лэ Иеговасти и андэ ек маменто манди ашэля спокойно по ди. Манди ашэля кадя драго, сар бэятости, саво кай и дэй пэ вас. Мэ просто засутэм. Мэ пала када никала на бистрава». Ек барэдэр ԥрал, савэс ақарэн Та́сосо, бэшэлас андо бар штар бэрш, важ кода кай отԥэнделя тэ служый андэ армия. Андэр со во диқля лэ Иеговастири любовь? Во вспоминает: «Мандэ сас вся, со трэбуй, и дажэ май бут. Када поможыяс манди май фартэ тэ патяв лэ Иеговасти. Кадяжэ о Дэл дэлас манди пэско свынто зор и мэ ашаваспэ лошало, хоть и сымас котэ, кай вся пэр мандэ тасавэлас. Мэ кажно разо полавас: кала ашэс май пашэ каринг о Иегова, тоди май фартэ диқэс, савэ во дэл подаркоря. Важ када мэ андо бар лэм тэ служысарав сар общё пианеро».
АВ МАЙ ПАШЭ КАРИНГ О ДЭЛ, САВО ГЛАБА ПАЛА ТУТЭ
19. а) Сар амэ ласа тэ мангаспэ, кала патяс, кай о Иегова амэн любий? б) Со тумэнди май фартэ чалёл андэ лэ Иеговастири любовь? (Диқэн и рамка «О Иегова ԥэнэн, кай любий тут».)
19 И случаёря, пала савэ амэ подям дума, доԥэнэн, кай о Иегова амэнца, во «Дэл, саво любий» (2 Кор. 13:11). О Иегова шол сама кажнонэс андар мэндэ. Во отдэл важ амэндэ пэско ди (Пс. 32:10). Кала амэ гиндосарас пала када, амэ ашас инке май пашэ каринг лэстэ и май фартэ лэсти патяс. Амэ можэм смило тэ мангаспэ лэсти и тэ ԥэнас, кай амэнди трэбуй лэстири любовь. Амэ можэм кадяжэ тэ росԥэнас пала пэстирэ пэрэжывании и тэ патяс, кай во амэн полэла и обязательно дэла зор (Пс. 145:18, 19).
20. Васо амэнди чалёл тэ пашувас каринг о Иегова?
20 Андо шудро дес камэлпэ май ӥто тэ авэс котэ, кай тато. Кадяжэ приятно тэ пашос каринг о Иегова, савэстар жал о татимос через лэстири любовь. Лэстири любовь бари, во глаба пала амэндэ. Сави дэ бари бах тэ ӷанас, кай о Иегова амэн любий. Давайте кадя жэ, сар о псалмопевцо ԥэнаса: «Мэ любисарав лэ Иеговас!» (Пс. 116:1).
САР ТУМЭ ԤЭНДОП?
Росԥэнэн, сар о Иегова любий
Сар о Иегова сыкадя, кай фартэ тумэн любий?
Со тутэ по ди, кала ту ӷанэс, кай о Иегова любий тут?
ДИЛИ 4 «Иегова мэрно Пастухо»
a Дэсавэ алава парудэ