Трэбуй манди тэ болдював? Часть 3. Со манди на дэл тэ болдював?

Ашэл тути страшно, кала ту кати лэс тэ гиндос, кай тэ отдэс пэстири жызня лэ Иеговасти и тэ болдёс? Если да, тоди кадэя статья поможыя тути тэ на дарас.

Андэ кадэя статья

• Со, если посли кода, сар мэ болдювава мэ стерава баро бэзэх?

• Со, если мэ дарав ла дилатар, сави трэбуй авава тэ терав посли кода, сар болдювава?

• Ай если мэ гиндосарав, кай на ашав тэ служысарав лэ Иеговасти?

• Со ԥэнэн тирэ ровэсникоря?

Со, если посли кода, сар мэ болдювава мэ стерава баро бэзэх?

Васо ту можэш тэ пережываеш. Можэт, ту ӷанэс варикас, ко стердя бэзэх и через када лэс дурярдэ ла собраниятар (1 Каринфо 5:11—13). Ту можэш тэ пережываеш, кай и туса можэт кацаво тэ авэл.

«Кала мэ пэрво разо погиндосардэм, кай тэ болдював, мандэ пэрво гиндо сас: „Ай со, если мэ потом стерава бэзэх? Сар жэ потом авэла дэ ԥарэс мэрнэ родителёнэнди“» (Ребека).

Стихо анда Библия: «Мэк о найлашо мануш ашавэл пэско дром... Мэк рисавэл каринг о Иегова, саво лэс жалуия анда оди, и каринг амаро Дэл, важ кода кай во анда оди простия» (Исайя 55:7).

Погиндосар. Хоть кодэлэн, ко на каийпэ, дурярэн ла собраниятар, о Иегова жалуий кодэлэн, ко анда вся оди каийпэ и терэл вся, кай тэ парудёл (Псалом 103:13, 14; 2 Каринфо 7:11).

Сэр: хоть ту и най совершэно мануш, лэ Дэвлэстирэ зорэса ту можэш тэ на подэспэ лэ бэзэхэсти (1 Каринфо 10:13). Ко решает, сар ту тэ стерэс: ту или инке варико?

«Мэ даравас, кай посли крещения стерава варисави бари ошыбка. Но потом мэ полэм, кай само бари ошыбка, — када тэ цырдав и время и тэ на болдював. Мэ полэм, кай нащи тэ домэкав, кай и дар англа кода, со можэт тэ авэл тэся, тэ мишыий манди тэ прилав решэния адес» (Карин).

Со амэ полям. Ту можэш тэ на терэс баро бэзэх, сар и авэр бут лэ Иеговастирэ мануша. Вся андэ тирэ вас (Филипы 2:12).

Трэбуй май бут помощь? Дик и статья «Как противостоять соблазнам?».

Со, если мэ дарав ла дилатар, сави трэбуй авава тэ терав посли кода, сар болдювава?

Васо ту можэш тэ пережываеш. Можэт, варико, кас ту ӷанэс анда молодёж, улагля дур лэ ерестар и лэ друӷонэндар, кай тэ терэл май бут важ о Иегова. И ту можэш тэ пережываеш, кай авэр аштярэна тутар кода жэ.

«Посли кода, сар ту болдёс, ту можэш инке май бут тэ терэс важ о Иегова. Но дэсавэ ԥрала и ԥэя пока не ӷотови каринг када или, можэт, лэндэ исин варисо андэ жызня, со на дэл лэнди тэ терэн май бут» (Мари).

Стихо анда Библия: «Мэк кажно диқэл пала пэстири дила, и тоди во на лэла тэ сыстой пэс аврэнца и сможэт тэ лошавэл кодэлэсти, со екжэно домарделя» (Галатия 6:4).

Погиндосар. На сыстосар пэс аврэнца. Мэк тутэ всегда авэна андо шэро и алава анда Марко 12:30: «Любин тумарэ Дэвлэс лэ Иеговас всаворэ́ одеса».

Шув сама, катэ ԥэнэнпэ, кай трэбуй тэ служыс лэ Иеговасти анда вся оди. Важ када само ӷлавно, кай ту варисо терэс, ай най варико авэр. Если ту па чачимастэ любис лэ Иеговас, тоди ту виарақэса возможность тэ отдэс лэсти вся со май лашо, со исин тутэ.

«Тэ болдёс, — када фартэ важно шаӷо, но кадэлэстар тири жызня на ашэла май ԥари. Общяйся кодэлэнца, ко поможыя тути тэ терэс лашымос. Кацавэ мануша смоӷут тэ дэн тути зор пэ кадэва дром. Ту ашэса пэ бутэстэ май бахтало, если понабут лэса тэ терэс май бут дила. Ай акэ тэ цырдэс и время и тэ на болдёс, кадэлэса ту терэса пэсти кати май хужэ» (Джулия).

Со амэ полям. Ав блаӷодарно лэ Иеговасти важ лэстири любовь каринг тутэ. Када поможыя тути тэ отдэс лэсти со май лашо, со исин тутэ (1 Иоано 4:19).

Трэбуй май бут помощь? Дик и статья «Насколько я ответственный?».

Ай если мэ гиндосарав, кай на ашав тэ служысарав лэ Иеговасти?

Васо ту можэш тэ пережываеш. О Иегова — баро хулай пэ вся и ԥув. И мануша англа лэстэ сар цынёне пылинки. И ту можэш тэ на допатяс, кай о Иегова тут вобще ӷанэн.

«Мэрнэ родителя — лэ Иеговастирэ свидетеля. И андэ ек маменто мэ лэм тэ пережываю, кай о Иегова на пашарэлас ман каринг пэстэ и кай и дружба лэса манди просто „пэрэдяпэ“ лэ родителёнэндар» (Наташа).

Стихо анда Библия: «Нико не можэт тэ авэл каринг мандэ, если о Дад, саво ман бишалдя, на пашарэла лэс каринг мандэ» (Иоано 6:44).

Погиндосар. Ужэ кода, кай ту гиндос тэ болдёс, возможно, сыкавэл, кай о Иегова камэл, кай тумэ тэ ашэн лэса инке май лашэ друӷоря. Ай ту када камлоп?

Кадяжэ на бистэр, кай о Иегова, ай най ту или инке варико решает, со трэбуй тэ терэс, кай тэ авэс лэско друӷо. Андэ лэско Алав ԥэнэнпэ, кай если ту ашэса май пашэ каринг о Дэл, тоди и во ашэла май пашэ каринг тутэ (Иаково 4:8).

«Если ту ӷанэс лэ Иеговас и во пашардя тут каринг пэстэ, вижал, во тут любий. Важ када, если ту гиндос, кай на ашэс тэ служыс лэсти, сэр, кай лэ Иеговастэ авэр гиндо пала тутэ. Ай о Иегова всегда право» (Силина).

Со амэ полям. Если ту жувэс кадя, сар пистромэ андэ Библия, вижал, ту можэш тэ болдёс и тэ служыс лэ Иеговасти. И на бистэр: во ашэл кода, кай ту тэ служыс лэсти (Свынто тайна 4:11).

Трэбуй май бут помощь? Дик и статья «Васо трэбуй тэ мангэспэ лэ Дэвлэсти?».