И ТЭРНЭ МАНУША ПУШЭН
Васо трэбуй тэ мангэспэ лэ Дэвлэсти?
Кала андэ Америка стердэ опросо, дицэля, кай 80 процэнтов взросли мануша постоянно мангэнпэ, но кати епаш анда кадэла мануша терэн када кажно дес. И дэсавэ андар лэндэ, наверно, пушэн: «И молитва поможый, кай просто по ди тэ авэл май вушэро, или латар исин май бари польза?».
Со када молитва?
Молитва, када дума лэ Создателёса. Кати погиндосар, со када сыкавэл! О Иегова андэ вся май лашо лэ манушэндар, но кадяжэ во «найдур кажнонэстар амэндар» (Деяния 17:27). Ай инке андэ Библия исин кацавэ алава: «Авэн май пашэ каринг о Дэл, и во пашола каринг тумэндэ» (Иакова 4:8).
Сар можно тэ авэс май пашэ каринг о Дэл?
Пэрво, через и молитва, кадя ту дэс дума лэ Дэвлэса.
Дуйто, кала сытёс па Библия, кадя о Дэл «дэл дума» туса.
Кацави общения, кала мангэспэ и адинос и Библия, поможыя тути тэ ашэс лэ Дэвлэско друӷо.
«Кода, кай ту можэш тэ дэс дума лэ Иеговаса, тэ росԥэнэс лэ Всевышнёнэ Дэвлэсти пэстирэ гиндоря и тэ уӷанэс, со во гиндой, када бари честь, сави кати можэт тэ авэл кай и мануша» (Джереми).
«Кала мэ росԥэнав лэ Иеговасти андэ молитва вся, пала со фартэ пэрэжываю, мэ, ԥэнэса, ашав май пашэ каринг лэстэ» (Миранда).
Ашунэл о Дэл и молитвы?
Дажэ если ту патяс андо Дэл, и дажэ если ту мангэспэ лэсти, дэкала ԥарэс тэ патяс, кай во па чачимастэ тут ашунэл. Но андэ Библия ԥэнэнпэ, кай о Иегова «Кодэва, ко ашунэл и молитвы» (Псалом 65:2). Инке котэ пистромэ: «И вся, пала со пэрэжываете, пэрэстон пэр лэстэ». Васо? «Важ кода кай во фэрий и диқэл пала тумэндэ» (1 Петра 5:7).
Пала со трэбуй тэ погиндос. Ту жэ всегда арақэс время, кай тэ побэшэс тэ подэс дума пэстирэ пашутнэ друӷонэнца? Кадя жэ ту можэш тэ дэс дума и лэ Дэвлэса. Важ када мангпэ кажно дес и андэ молитва взвисав каринг лэстэ па алавэстэ, Иегова (Псалом 86:5—7; 88:9). Чаче, андэ Библия ԥэнэнпэ, кай лэ манушэсти трэбуй вся и время тэ мангэлпэ (1 Фессалоникийцам 5:17).
«Молитва, када дума машкар мандэ и мэрно небесно Дад. Андэр латэ мэ росԥэнав лэ Иеговасти вся, со мандэ по ди» (Мойзе́с).
«Кала мэ дав дума ла мамаса или пэстиря подружкаса, мэ росԥэнав лэнди пала вся. Точно кадя жэ мэ терав, кала мангавпэ лэ Иеговасти» (Карен).
Пала со мэ моӷу тэ мангавпэ?
Андэ Библия ԥэнэнпэ: «Важ вся росԥэнэн лэ Дэвлэсти андэ молитва и анда вся оди мангэн и блаӷодарин лэс» (Филиппийцам 4:6).
Сыкавэл када, кай андэ молитва ту можэш тэ росԥэнэс пала пэско ԥаримос? Да, канешно! Андэ Библия дажэ ԥэнэнпэ: «Отдэ пэско ԥаримос лэ Иеговасти, и во поможыя тути» (Псалом 55:22).
Канешно, кала мангэспэ лэ Дэвлэсти, трэбуй тэ ԥэнэс най кати пала пэстирэ проблемы. Ек тэрни манушни, савя ақарэн Шантель, ԥэндя: «Если кати тэ мангав лэ Иеговас пала помощь, када на шолпэ пэ чачуни дружба. Мэ гиндосарав, кай спэрва трэбуй тэ ԥэнэс наис лэ Дэвлэсти, ай мандэ исин бут, пала со тэ авав блаӷодарно».
Пала со трэбуй тэ погиндос. Пала со ту камлоп тэ ԥэнэс наис лэ Иеговасти? Можэш ту тэ ԥэнэс трин причины, кай адес пала када тэ ԥэнэс наис лэ Иеговасти?
«Тэ ԥэнав наис лэ Иеговасти андэ молитва можно пала варисо найбаро, например, пала кода, кай диқлэм шукарно цвиточко» (Анита).
«Погиндосар пала кода, со тути май фартэ чалёл андэ лэ Дэвлэстирэ тварении, или пала библейско стихо, саво фартэ ля тут лэ одестар, и ԥэн пала када наис лэ Иеговасти» (Брайан).