О Исусо поможысардя лэ апосталости лэ Петрости тэ полэл, кай о Иегова лэс на ашавэла. Посли кода, сар во рисайля каринг и жызня, во стердя кадя, кай о Пётро и авэр апосталоря тэ астарэн бут мащё (Иоан. 21:4—6). Када поможысардя лэ Петрости тэ полэл, кай важ о Иегова най ԥарэс тэ позаботийпэ пала кода, со трэбуй важ и жызня лэстирэ служытелёнэнди. Возможно, о апостало вспомнил лэ Исусостирэ алава, кай о Иегова дэла вся, со трэбуй, кодэлэнди, ко стол о Царство по пэрво ҭан андэ пэстири жызня (Матф. 6:33). Важ када о Пётро отдя пэстири жызня андэ служэния, ай най кай тэ астарэл о мащё. Во смило ԥэндя и речь андо дес, кала сас и Пятидесятница 33 бэрш н. э. Блаӷодаря кадэлэсти тысячи мануша прилинэ и лащи новость (Дила 2:14, 37—41). Тоди во поможысардя лэ самаритянонэнди и кодэлэнди, ко найевреё тэ ашэн лэ Христостирэ ученикоря (Дила 8:14—17; 10:44—48). Сар дицол, о Пётро сас лашо инструменто андэ лэ Иеговастирэ вас. Блаӷодаря лэсти разни мануша смоӷли тэ ашэн христианоря. w23.09 20, абз. 1; 23, абз. 11

Варикай через дуй бэрш посли кода, сар и вавилоняноря розмардэ о Иерусалимо, лэ вавилонсконэ царёсти лэ Навуходоносорости снисайля страшно суно, андэ саво во диқля розбари статуя. Во ԥэндя, кай если всаворэ лэстирэ мудрецы, и о Даниило тожэ, на росԥэнэна о суно и со во значит, тоди вонэ авэна умардэ (Дан. 2:3—5). О Даниило нащи сас тэ цырдэл и время — бут мануша через када моӷли тэ мэрэн. Важ када «о Даниило жыля каринг о царё и мангля, кай тэ дэл лэсти время, кай во моӷ тэ росԥэнэн, со значит о суно» (Дан. 2:16). Кай када тэ стерэл, лэсти трэбуй сас смилость и вера. Важ кода кай никай на ԥэнэнпэ, кай май данглал во моӷ тэ росԥэнэн и сунэ. Во мангля пэстирэ друӷонэн «тэ мангэнпэ лэ небеснонэ Дэвлэсти, кай о Дэл тэ жалуий лэн и тэ ԥэрнавэл кадэя тайна» (Дан. 2:18). О Иегова ответил пэ кадэла молитвы. Лэ Дэвлэстирэ зорэса кай о Даниило вижыля тэ росԥэнэн лэ царёско суно. Кадя о Даниило и лэстирэ друӷоря ашэлэпэ жундэ. w23.08 2, абз. 4

Гиндон пала лашымос, саво анэн и терпения. О терпеливо мануш, обычно, бахтало и спокойно. Вижал, кала амэ сыкавас и терпения, амэ поможысарас, кай амаро эмоцыонально и физическо зор тэ авэл лашо. Если амэ терпеливи каринг авэр, амэндэ лэнца авэла ладо. Амари собрания ашэл май дружно. Ай если амэ ритярас пэс андэ вас, кала варико амэн холярэл, тоди амэ на домэкаса, кай и проблема тэ ашэл инке май бари (Пс. 37:8; Прит. 14:29). Но само ӷлавно: амэ инке май фартэ шаспэ пэ амаро небесно Дад и ашас май пашэ каринг лэстэ. Терпения — када райкано качество, саво анэн лашымос всаворэнди. Хоть тэ сыкавас и терпения найвушэро, лэ Иеговастирэ зорэса амэндэ вижала тэ терас када май драго и май драго. И пока амэ терпеливо аштярас о раё пэ ԥув, амэ уверени, кай «о Иегова шол сама пэ кодэла, ко дарал лэстар, и стол патив пэ кодэла, ко надеийпэ пэ лэстири предано любовь» (Пс. 33:18). Давайте жэ утидасапэ андэ терпения и никала на злам ла пар пэстэ! w23.08 22, абз. 7; 25, абз. 16, 17