Варикай через дуй бэрш посли кода, сар и вавилоняноря розмардэ о Иерусалимо, лэ вавилонсконэ царёсти лэ Навуходоносорости снисайля страшно суно, андэ саво во диқля розбари статуя. Во ԥэндя, кай если всаворэ лэстирэ мудрецы, и о Даниило тожэ, на росԥэнэна о суно и со во значит, тоди вонэ авэна умардэ (Дан. 2:3—5). О Даниило нащи сас тэ цырдэл и время — бут мануша через када моӷли тэ мэрэн. Важ када «о Даниило жыля каринг о царё и мангля, кай тэ дэл лэсти время, кай во моӷ тэ росԥэнэн, со значит о суно» (Дан. 2:16). Кай када тэ стерэл, лэсти трэбуй сас смилость и вера. Важ кода кай никай на ԥэнэнпэ, кай май данглал во моӷ тэ росԥэнэн и сунэ. Во мангля пэстирэ друӷонэн «тэ мангэнпэ лэ небеснонэ Дэвлэсти, кай о Дэл тэ жалуий лэн и тэ ԥэрнавэл кадэя тайна» (Дан. 2:18). О Иегова ответил пэ кадэла молитвы. Лэ Дэвлэстирэ зорэса кай о Даниило вижыля тэ росԥэнэн лэ царёско суно. Кадя о Даниило и лэстирэ друӷоря ашэлэпэ жундэ. w23.08 2, абз. 4

Гиндон пала лашымос, саво анэн и терпения. О терпеливо мануш, обычно, бахтало и спокойно. Вижал, кала амэ сыкавас и терпения, амэ поможысарас, кай амаро эмоцыонально и физическо зор тэ авэл лашо. Если амэ терпеливи каринг авэр, амэндэ лэнца авэла ладо. Амари собрания ашэл май дружно. Ай если амэ ритярас пэс андэ вас, кала варико амэн холярэл, тоди амэ на домэкаса, кай и проблема тэ ашэл инке май бари (Пс. 37:8; Прит. 14:29). Но само ӷлавно: амэ инке май фартэ шаспэ пэ амаро небесно Дад и ашас май пашэ каринг лэстэ. Терпения — када райкано качество, саво анэн лашымос всаворэнди. Хоть тэ сыкавас и терпения найвушэро, лэ Иеговастирэ зорэса амэндэ вижала тэ терас када май драго и май драго. И пока амэ терпеливо аштярас о раё пэ ԥув, амэ уверени, кай «о Иегова шол сама пэ кодэла, ко дарал лэстар, и стол патив пэ кодэла, ко надеийпэ пэ лэстири предано любовь» (Пс. 33:18). Давайте жэ утидасапэ андэ терпения и никала на злам ла пар пэстэ! w23.08 22, абз. 7; 25, абз. 16, 17

Андо пэрво пэско письмо о Иаково пистрой, кай о мануш можэт тэ ԥэнэн, кай лэстэ исин вера, но лэстири дила када можэт тэ на сыкавэл (Иак. 2:1—5, 9). Кадяжэ о Иаково росԥэнэн пала мануш, саво диқэл, кай «варикастэ анда ԥрала или ԥэя нинай ӥда и лэнди найсо тэ хан», но во нисоса на поможый лэнди. Дажэ если кацаво мануш ԥэнэн, кай лэстэ исин вера, но пэ дила када на сыкавэл, тоди латар нинай нисаво толко (Иак. 2:14—16). О Иаково пистрой пала Раав, кай тэ сыкавэл, кай и вера трэбуй тэ дицол пэ дила (Иак. 2:25, 26). Вой ашундя пала Иегова и поля, кай во подритярэл лэ израильтянонэн (Иис. Н. 2:9—11). Вой сыкадя пэстири вера пэ дила. Сар? Дуй мануша анда Израилё авелэ тэ роздиқэн и ԥув, кай жувэлас и Раав. Кала лэн камэнас тэ умарэн, вой лэн фэрисардя. Амэ диқас, кай о Дэл прижангля ла найдошаляса кадя жэ, сар лэ Авраамос, хоть кадэя жувли сас несовершэно и на сас израильтянка. Кода, со стердя и Раав сыкавэл, кай и вера трэбуй тэ дицол пэ дила. w23.12 5, абз. 12, 13