Вся и время патя лэ Иеговасти, саво андярэл пэско народо

1. Васо амэнди трэбуй тэ кандас лэ Иеговас, саво драго ӷанэн тэ сыкавэл о дром?

ПРЕЦТАВЬ, кай ту заблудисайлян андо опасно вэш. Андэ саво исин барэ ямы, дыки зверёря, ядовити паукоря и тиря. Ту авелоп фартэ блаӷодарно, если паша тутэ авэла кодэва, ко драго ӷанэн о дром, и сар тэ на попэрэс андэ бида. Кадэя люма шолпэ пэ кацаво опасно вэш. Андэр латэ исин бут найлашымос, саво можэт тэ римой амари дружба лэ Дэвлэса. Но амэндэ исин кодэва, ко идиально ӷанэн тэ сыкавэл о дром — када о Иегова. Во фэрий амэн пэ кадэва дром и андярэл каринг и вечно жызня андо раё пэ ԥув.

2. Сар о Иегова амэн андярэл?

² Сар о Иегова андярэл амэн? Ӷлавно через со во када терэл — када и Библия. Кадяжэ во сыкавэл амэнди о дром через и мануша. Например, через «о кандино и годявэрно рабо». Кадэва рабо дэл амэнди тэ хас па лэ дэвлэстири мисяйля. Через када амэ можэм тэ прилас годявэрнэ ришэнии (Матф. 24:45). Инке о Иегова ԥэнэн амэнди, со тэ терас, через авэр способни мурша, кацавэ сар раёни и катутнэ барэдэр ԥрала. Вонэ подритярэн амэн и ԥэнэн, со тэ терас, кай тэ виритярас о ԥаримос. Амэ анда вся оди блаӷодарни лэ Иеговасти, кай во кадя драго андярэл амэн андэ послидни деса кадэла люмати. Кода, со дэл амэнди о Иегова, поможый тэ на парашас тэ дружысарас лэса и тэ на зжас па дром, саво андярэл каринг и жызня.

3. Со амэ роздиқаса андэ кадэя статья?

³ Но дэкала амэнди можэт тэ авэл найвушэро тэ терас кода, со ԥэнэн о Иегова. Особено, кала во када терэл через и нэсовершэни мануша. Васо? Важ кода кай вонэ моӷут тэ ԥэнэн кода, со амэнди най фартэ чалёл. Или амэнди можэт тэ здэлпэ, кай кода, со вонэ ԥэнэн, — найгодявэрнэс и, вижал, када най лэ Иеговастар. Андэ кацавэ маменторя амэнди фартэ трэбуй тэ патяс, кай лэндирэ алава жан лэ Иеговастар и вся и время анэн амэнди лашымос. Кай май фартэ тэ патяс лэ Иеговасти, амэ роздиқаса: 1) сар о Дэл андярэлас пэско народо андэ библейско время, 2) сар во андярэл амэн адес, 3) васо, кала амэ кандас лэс, када вся и время анэн амэнди лашымос?

САР О ИЕГОВА АНДЯРЭЛАС О ИЗРАИЛЬСКО НАРОДО?

4, 5. Сар о Иегова сыкадя, кай андярэл пэско народо через о Маисеё? (Диқэн и картинка пэ обложка.)

⁴ О Иегова дя лэ Маисеёсти важно задания — тэ виандярэл лэ израильтянонэн анда Египто. И во дя лэнди кода, со доԥэнэнас, кай о Маисеё чаче дэлас дума лэстирэ алавэстар. Например, десэ сас туча, сави шоласпэ по столбо, ай и рят кадэва столбо ԥаболас ягаса (Исх. 13:21). О Маисеё и израильтяноря жанас пала кадэва столбо, саво андя лэн каринг и Лоли моря. И мануша линэ тэ пэрэжывают и гиндосардэ, кай вонэ попэлинэ андэ ловушка. Англал сас и моря, ай палал ӷонинаспэ и египецки халавдэ. И израильтяноря гиндосардэ, кай о Маисеё шылисайля, кала андя лэн каринг и Лоли моря. Но када сас най кадя. О Иегова камэлас, кай о Маисеё лэн тэ анэн кордэ (Исх. 14:2). О Дэл стердя чуда и спасысардя лэ израильтянонэн (Исх. 14:26—28).

⁵ Кала и израильтяноря 40 бэрш ԥирэнас па пустыня, о Маисеё патялас, кай о Иегова на парашэлас тэ андярэл пэско народо через и туча, сави шоласпэ по столбоa. Варисави время кадэва столбо тердёлас упрал па лэ Маисеёстири катуна и лэс моӷли тэ диқэн всаворэ израильтяноря (Исх. 33:7, 9, 10). О Иегова дэлас дума лэ Маисеёса анда кадэя туча, ай во пэрэдэлас лэстирэ алава лэ народости (Пс. 99:7). И израильтяноря драго диқэнас, кай о Иегова ԥэнэнас через о Маисеё, со лэнди тэ терэн.

6. Сар и израильтяноря диқэнас пэ кода, кай о Иегова ԥэнэнас лэнди, со тэ терэн? (Числа 14:2, 10, 11).

⁶ Фартэ жалко, но бут израильтяноря на прилинэ кода, со доԥэнэнас, кай о Маисеё дэлас дума лэ Иеговастирэ алавэстар. (Проадинон Числа 14:2, 10, 11.) Со вижыля? О Дэл на домэкля, кай кодэла мануша тэ зажан андэ ԥув, пала сави во дя алав, кай дэла лэнди (Чис. 14:30).

7. Ко терэлас кадя, сар ԥэнэнас о Иегова? (Числа 14:24). (Диқэн кадяжэ и картинка.)

⁷ Но дэсавэ израильтяноря терэнас кадя, сар ԥэнэнас о Иегова. Например, о Дэл ԥэндя пала Халево: «Во анда вся ди кандэлас ман». (Проадинон Числа 14:24.) О Иегова блаӷословисардя лэс и дажэ домэкля, кай во екжэно тэ витидэл ҭан, пэ саво жувэла андо Ханаано (Иис. Н. 14:12—14). Лашо примеро кадяжэ сыкадэ израильтяноря, савэнди о Дэл домэкля тэ зажан андэ ԥув, пала сави дя алав. Вонэ терэнас кадя, сар ԥэнэнас о Иегова. Кала барэдэрэса андо народо ашэля о Иисусо Навино, вонэ вся и жызня стонас пэр лэстэ бари патив кадя жэ, сар по Маисеё (Иис. Н. 4:14). Важ када о Иегова блаӷословисардя лэн и дя лэнди ԥув, пала сави дя алав (Иис. Н. 21:43, 44).

8. Росԥэнэн, сар о Иегова андярэлас пэско народо, кала правинас и царёря? (Диқэн кадяжэ и картинка.)

⁸ Прожыля время и о Иегова ля тэ стол лэ сындомарен, кай вонэ тэ ԥэнэн лэ народости, со тэ терэн. Ай тоди, кала линэ тэ правин и царёря, о Дэл ля тэ пэрэдэл пэстирэ алава через и особи мануша. И царёря, савэ кандэнас лэ Иеговас, приашундёнас каринг кадэла мануша. Например, о царё Давидо сас найӷордо и прилэлас кода, со лэсти ԥэнэнас лэ Дэвлэско мануш, о Нафано (2 Сам. 12:7, 13; 1 Лет. 17:3, 4). О царё Иасафато патялас лэ алавэнди, савэ ԥэндя о Яхазиило. Кадэва царё ԥэндя кодэлэнди, ко жувэлас андэ Иудея, тэ патян лэ манушэнди, савэ пэрэдэнас лэ Дэвлэстирэ алава (2 Лет. 20:14, 15, 20). Кала кай о царё Езекия сас ԥари время, во взвисайля каринг лэ Дэвлэско мануш о Исая (Ис. 37:1—6). Кала и царёря терэнас кадя, сар ԥэнэн о Иегова, во блаӷословияс и фэрияс пэско народо (2 Лет. 20:29, 30; 32:22). Всаворэ трэбуй сас тэ полэн, кай када о Иегова андярэл пэско народо через и мануша, савэ пэрэдэн лэстирэ алава. Но всаек бут царёря, ай кадяжэ о народо, на прилэнас кацавэ манушэн (Иер. 35:12—15).

САР О ИЕГОВА АНДЯРЭЛАС ЛЭ ПЭРВОНЭ ХРИСТИАНОНЭН?

9. Сар о Иегова андярэлас лэ христианонэн андо пэрво вико? (Диқэн кадяжэ и картинка.)

⁹ Андо пэрво вико о Иегова стердя, кай тэ авэл христианско собрания. Сар во диқэлас пала латэ? Во стодя, кай пэ собрания тэ авэл хулай о Иисусо (Эф. 5:23). Но о Иисусо на ԥэнэнас лично кажнонэ манушэсти андэ собрания, со во трэбуй тэ терэл. Во диқэлас пала собрании через и апосталоря и барэдэр ԥрала андо Иерусалимо (Дила 15:1, 2). Кадяжэ андэ всаворэ собрании сас стодэ барэдэр ԥрала (1 Фес. 5:12; Титу 1:5).

10. а) Сар бут христианоря андо пэрво вико диқэнас пэ кода, кала лэнди ԥэнэнас, со тэ терэн? (Дила 15:30, 31). б) Васо андэ библейско время дэсавэ на камэнас тэ ашунэн кодэлэн, ко дэлас дума лэ Иеговастирэ алавэстар? (Диқэн и рамка «Васо дэсавэ на прилинэ кода, со доԥэнэнас, кай о Иегова андярэл пэско народо через и мануша?»).

¹⁰ Сар и христианоря андо пэрво вико диқэнас пэ кода, кай лэнди ԥэнэнас, со тэ терэн? Май бут андар лэндэ лэ одеса прилэнас када. Например, и ученикоря фартэ обрадосайлэ, кала проадиносардэ о письмо пала ришэния, сави прилинэ и ԥрала андо Иерусалимо. (Проадинон Дила 15:30, 31.) Ай сар о Иегова андярэл пэско народо андэ амари время?

САР О ИЕГОВА АНДЯРЭЛ АМЭН АДЕС?

11. Сар о Иегова сыкавэлас о дром кодэлэнди, ко лэлас пэр пэстэ и обязаности андэ послиднё время?

¹¹ О Иегова андярэл пэско народо и андэ амарэ деса. Во терэл када через и Библия и через пэско Шаво, савэс во стодя тэ авэл хулай пэ собрания. Ай со доԥэнэн, кай о Дэл кадяжэ андярэл пэско народо через и мануша? Диқам, например, со сас в концэ андо 19 вико. О Чарльзо Тэйзо Расэло и лэстирэ помошникоря линэ тэ полэн, кай о 1914 бэрш авэла особено важ лэ Дэвлэско Царство (Дила 4:25, 26). Вонэ полинэ када, важ кода кай драго розуӷанэнас и Библия и патянас андэ библейски пророчества. Можэм амэ тэ ԥэнас, кай кала вонэ родэнас о чачимос, о Иегова сыкавэлас лэнди о дром? Канешно, да. Кода, со тердяпэ андэ люма андо 1914 бэрш, сыкадя, кай лэ Дэвлэско Царство ля тэ правий. Заляпэ Пэрво мирово война, ай посли сас мэримос лэ насвалимастар, тинояспэ и ԥув и сас о боқалимос (Лука 21:10, 11). Да, о Иегова поможыяс пэстирэ народости через кадэла библейски иследователя, савэндэ сас лашо ди.

12, 13. Со и ԥрала стердэ, кала жалас и Дуйто мирово война, кай май бут тэ росԥэнэн важ о Дэл и тэ сытярэн лэ манушэн?

¹² Вспомним кадяжэ со сас, кала жалас и Дуйто мирово война. И отвецтвени ԥрала анда ӷлавно управления май драго розуӷанглэ о пророчество анда Откровение 17:8. Вонэ полинэ, кай кадэя война андярэл най каринг о Армагидоно, ай каринг и спокойно время, кала можно авэла май бут тэ росԥэнэн важ о Дэл. Важ када лэ Иеговастири арӷанизацыя стердя кода, со здэласпэ найгодявэрнэс андэ кодэя время. Вонэ стердэ, кай тэ авэл школа Галаадb. Вой поможыяс лэ манушэнди, савэн бишалэнас андэ авэр страны, тэ росԥэнэн важ о Дэл и тэ сытярэн аврэн. Кадэла мануша ладэнас интя, каринг лэн бишалэнас, дажэ тоди, кала жалас и война. Ай инке о кандино рабо стердя кацави школа, кай и ԥрала андэ кажно собрания тэ сытярэн лэ вазвещятелёнэн май драго тэ росԥэнэн важ о Дэл и тэ сытярэн лэ манушэнc. Вся када поможысардя лэ Дэвлэстирэ народости, кай вонэ тэ авэн ӷотови каринг и дила, сави авэла англэ.

¹³ Кала амэ уӷанас, со сас андэ лэ Дэвлэстири арӷанизацыя, тоди амэ диқас, сар о Иегова андярэлас пэско народо андэ ԥари время. Посли кода, сар прожыля и Дуйто мирово война, лэ Иеговастирэ служытеля андэ бут страны линэ свободно тэ росԥэнэн пала лэстэ. Блаӷодаря кадэлэсти бут уӷанглэ пала Иегова и акана и новость пала Царство ашундёл па вся и ԥув.

14. Васо амэ можэм тэ патяс кодэлэсти, со ԥэнэн лэ Иеговастири арӷанизацыя и барэдэр ԥрала андэ собрания? (Откровение 2:1). (Диқэн кадяжэ и картинка.)

¹⁴ Адес и ԥрала анда Руководящё совето на парашэн тэ пристон о зор, кай тэ полэн, со о Иисусо камэл, кай вонэ тэ терэн. Вонэ камэн, кай андэ кода, со вонэ ԥэнэн и пистрон лэ ԥралэнди, тэ дицол, сар о Иегова и о Иисусо диқэн пэ варисаво вопросо. И раёни и катутнэ барэдэр ԥрала пэстиря ригатар ԥэнэн андэ собрании, со тэ терэнd. И барэдэр ԥрала, савэн о Дэл витидя тэ жувэн по нэбо, ай кадяжэ, можно тэ ԥэнас, всаворэ барэдэр ԥрала — «андо право вас» кай о Христос. (Проадинон Откровение 2:1.) Канешно, кадэла ԥрала найидиальни и дэкала шылинпэ. О Маисеё и о Иисусо Навино тожэ дэкала терэнас варисо най кадя, сар и апосталоря (Чис. 20:12; Иис. Н. 9:14, 15; Рим. 3:23). И всаек о Иисусо драго андярэл лэ кандинэ рабос и лэ барэдэрэ ԥралэн, и во лэла тэ терэл када «пока на поджала и время кадэла люмати» (Матф. 28:20). Важ када амэндэ исин вся, кай тэ патяс кодэлэсти, со во ԥэнэн амэнди через и ԥрала, савэн во назначил.

САВО ЛАШЫМОС АНЭН, КАЛА ТЕРАС КАДЯ, САР ԤЭНЭН О ИЕГОВА?

15, 16.  Сости тумэ сытён кодэлэндар, ко терэлас кадя, сар ԥэнэнас о Иегова?

¹⁵ Кала амэ терас кадя, сар ԥэнэн о Иегова, амэ диқас лашымос ужэ акана. Например, о Андреёe и Роза приашунделэ каринг о совето, тэ жувэн май просто (Матф. 6:22, сноска). Через када лэндэ вижыля тэ дэн зор пэ стройки важ лэ Дэвлэстири дила. И Роза росԥэнэн: «Сас время, кала амэ жувасас андэ найбарэ комнаты, андэ савэ на сас дажэ кухня. Мэ любисарав тэ злав и манди прижыляпэ тэ розбитинав бут фотоапараторя, савэ мандэ сас. Кала мэ лэн битинавас, мэ ровавас, но мэ камавас тэ авав, сар лэ Авраамостири хулаи и Сарра. Важ када мэ старысававас тэ диқав англэ и тэ на обдиқавпэ пэ кода, со ашадэм» (Евр. 11:15). Саво лашымос андя кадэлэ ерести, кай вонэ прилинэ кацавэ ришэнии? И Роза ԥэнэн: «Амэ лошалэ, кай можэм тэ отдас лэ Иеговасти вся, со амэндэ исин. Кала амэ терасас лэ Дэвлэстири дила, амэ кабута ужэ диқлям, со авэла андо раё пэ ԥув». О Андреё ԥэнэн: «Амэ бахталэ, важ кода кай вся пэстири время и о зор отдас лэ Иеговасти».

¹⁶ Саво инке лашымос кодэлэстар, кай кандас лэ Иеговас, кала во сыкавэл, па саво дром тэ жас? И ԥэй Мария ашундя о совето, кай трэбуй май бут тэ терэс андэ служэния лэ Иеговасти. Посли кода, сар вой закончила и школа, вой фартэ камэлас тэ авэл пианеро (Матф. 6:33; Рим. 12:11). Вой росԥэнэн: «Манди динэ возможность тэ сытював андо институто и нисо пала када тэ на потинав. Но мэ камавас тэ отдав лэ Иеговасти вся, со май лашо. Важ када мэ жылэм тэ сытював пэ кацави професия, сави поможысардоп тэ затерав ловэ и тэ служысарав пианероса. Када сас райкани ришэния. Акана мэ общё пианеро и мандэ кацаво ӷрафико пэ бути, кай мэ моӷу тэ поможысарав андо Вефилё и бут со тэ терав инке важ о Иегова».

17. Саво инке анэн лашымос, кала амэ кандас лэ Иеговас? (Исайя 48:17, 18).

¹⁷ Дэкала амэнди дэн советоря, савэ фэрин амэн. Например, лэ Иеговастири арӷанизацыя фэрий амэн кодэлэстар, кай тэ на ужас лэ шэрэса андо затеримос и тэ на терас кода, со жал против лэ Дэвлэско законо. Кала амэ терас кадя, сар ԥэнэн о Дэл, амари совесть вужи и амэ май набут пэрэжываем (1 Тим. 6:9, 10). Блаӷодаря кадэлэсти, амэ всаворэ́ одеса служысарас лэ Иеговасти, ай када анэн бари лош, спокойство и бах. (Проадинон Исайя 48:17, 18.)

18. Васо ту камэс вся и время тэ патяс лэ Иеговасти, саво андярэл пэско народо?

¹⁸ Амэ точно ӷанас, кай о Иегова на парашэла тэ андярэл пэско народо через и мануша. Во лэла тэ терэл када и андэ бари бида и андэ Тысячелетнё лэ Христостири правления (Пс. 45:16). Ласа амэ тоди тэ терас кода, со ԥэнэн о Иегова? Ай если када на лэла тэ зжалпэ кодэлэса, со амэ камлоп? Амэнди авэла май вушэро тэ кандас лэ Иеговас, если амэ терас када ужэ адес. Важ када давайте вся и время тэ домэкас, кай о Иегова тэ андярэл амэн. Тераса кадя и тоди, кала во андярэл амэн через и назначени мурша (Ис. 32:1, 2; Евр. 13:17). Амэ драго ӷанас, васо можэм тэ патяс лэ Иеговасти, саво сыкавэл амэнди о дром. Во поможый амэнди тэ обжас и проблемы, савэ моӷут тэ римон амари дружба лэса, и андярэл амэн каринг и вечно жызня андо раё пэ ԥув.