Кандэн кати лэ Иеговас

1. Васо о Иегова ашэл, кай тэ тэлювас и тэ кандас ек лэс?

О ИЕГОВА ашэл, кай тэ кандас и тэ тэлювас ек лэсти, важ кода кай во создал амэн и подарисардя амэнди жызня (Откровение 4:11). Здэлпэ, вся кадя просто. Но исин опасность. Дажэ, если амэ любисарас и полас лэ Иеговас, авэр варисо можэт тэ авэл кадя важно андэ амари жызня, кай на дэл тэ любисарас и тэ тэлювас кати лэ Иеговасти кадя, сар трэбуй. Амэнди фартэ трэбуй тэ полас, сар када можэт тэ авэл. Но май англал давай подаса дума пала кода, со када тэ тэлювас и тэ кандас кати лэ Иеговас.

2. Со, сар пистромэ андэ Исход 34:14, амэ ласа тэ терас, кай тэ тэлювас ек лэ Иеговасти?

² Сар пистромэ андэ Библия, тэ на парашас тэ кандас лэ Дэвлэс, када фартэ тэ любисарас лэс. Если амэ любисарас и кандас кати лэ Иеговас, тоди амэ ласа и тэ тэлювас кати ек лэсти. Амэ никасти и нисости на даса, кай тэ залэл лэско ҭан андэ амаро ди. (Адиносар Исход 34:14b и дик и сноска.)

3. Васо амэ ӷанас, кай о Иегова ашэл, кай амэ лэсти тэ патяс?

³ Амэндэ исин, васо тэ патяс лэ Иеговасти. Амэ патяс лэсти, важ кода кай драго ӷанас лэс. Амэ лошавас, кай диқас лэстирэ фартэ лашэ качестворя. Амэ ӷанас, со во любий и со вэрыцый, и амэ кадяжэ диқас пэ када, сар и во. Амэ ӷанас, со во загиндосардя важ амэндэ и подритярас лэс андэ када. Важ амэндэ фартэ куч кода, кай во дя амэнди тэ авас лэса друӷоря (Псалом 25:14). Кажно разо, кала амэ уӷанас пала амаро Создателё варисо нэво, амэ ашас инке май пашэ каринг лэстэ (Иакова 4:8).

4. а) Через со о Сатана камэл, кай амэ тэ тэлювас най ек лэ Иеговасти? б) Со амэ роздиқаса андэ кадэя статья?

⁴ Кадэла люмаса правий о Сатана, и через када во терэл кадя, кай амэ тэ цырдаспэ каринг кода, со камэл кажно мануш и дажэ каринг кода, со най фартэ трэбуй (Эфесянам 2:1—3; 1 Иоанна 5:19). О Сатана камэл тэ домардёл, кай амэ тэ любисарас най ек лэ Иеговас, ай инке варисо. Тоди амэ на ласа тэ тэлювас кати ек лэ Иеговасти. Роздиқам дуй маменторя, савэ кай о Сатана драго вижал тэ стерэл. Пэрво, во камэл, кай амэ фартэ тэ камас тэ авас барвалэ и, дуйто, камэл, кай найгодявэрнэс тэ диқас пэ развличении.

ФЭРИНПЭ, КАЙ ТЭ НА ЛЮБИН И ЛОВЭ

5. Васо амэнди трэбуй тэ фэрисавас тэ на любисарас и ловэ?

⁵ Кала камэс лашо хамос, лащи йда и лашо цэр, када драго. Но амэнди трэбуй тэ фэрисавас, кай тэ на любисарас и ловэ. Бут мануша андэ люма, савяса правий о Сатана, када и мануша, савэ «любин и ловэ» и кода, со пэр лэндэ можно тэ тинэс (2 Тимофею 3:2). О Иисусо ӷанэнас, кай лэстирэ учениконэн нисо на фэрий кадэлэстар, и во ԥэндя: «Нико нэ можэт тэ авэл рабо кай дуй хулая, важ кода кай или еқэс лэла тэ вэрыцый, ай аврэс тэ любий, или еқэс на ашавэла, ай аврэс на лэла тэ шол сама. Тумэ нэ можэте тэ авэн рабонэнца и лэ Дэвлэсти и лэ Барвалимасти» (Матфея 6:24). Кодэва, ко тэлёл лэ Иеговасти, ай кадяжэ стол бут зор, кай тэ авэл барвало, можно тэ ԥэнэс, кай служый дуе хуланди. Тоди, пэр лэстэ на ԥэнэса, кай во служый кати лэ Иеговасти.

6. Сости амэн сытярэн лэ Иисусостирэ алава, савэ во ԥэндя ла собранияти андэ Лаодикия?

⁶ Кала кончияспэ о пэрво вико лэ И. Х. и мануша анда собрания андо форо Лаодикия абуронас и ԥэнэнас пэсти: «Мэ барвало, барваделэм и мандэ вся исин». Но англа лэ Иеговастирэ и лэ Иисусостирэ яқа вонэ сас бибахталэ, чорэ, корэ и нангэ. О Иисусо ԥэндя пэр лэндэ кадя, най важ кода кай вонэ барвалэ, ай важ кода кай через и любовь каринг и ловэ вонэ хасардэ и дружба лэ Иеговаса (Откровение 3:14—17). Кала амэ шутям сама, кай андэ амаро ди и андэ гиндоря амэ камас тэ авас барвалэ, амэнди со май йто трэбуй тэ парувас пэстирэ гиндоря (1 Тимофею 6:7, 8). Ай если амэ на паруваса и гиндоря, тоди амаро ди авэла розделимэ по епаш, и о Иегова на прилэла, кай амэ лэсти тэлювас. Во камэл, кай амэ «ек лэсти тэ тэлювас» (Второзаконие 4:24). Сар и ловэ моӷут тэ ашэн фартэ важни андэ амари жызня?

7—9. Сости амэ можэм тэ сытювас кай о старейшына, савэс ақарэн Дэвидо?

⁷ Роздиқам, со сас лэ Дэвидоса, саво сас старейшына и любияс тэ терэл дила и жувэлас андэ Соединённи Штаторя. Во росԥэнэн, кай терэлас фартэ драго и дила андэ пэстири фирма. Лэсти динэ само лащи бути, кай затерэлас барэ ловэ. Дажэ ԥэндэ, кай во ек анда кодэла, ко драго терэл кадэя дила андэ вся страна. О Дэвидо росԥэнэн: «Андэ кодэя время манди здэласпэ, кай вся када, подаркоря лэ Иеговастар». Чаче када сас кадя чи най?

⁸ О Дэвидо ля тэ шол сама пэ кода, кай и бути на дэл лэсти, сар трэбуй тэ дружый лэ Иеговаса. Во росԥэнэн: «Мэ полавас, кай пэ собрания и дажэ андэ служэния мэ гиндосаравас пала кода, со котэ мандэ пэ бути. Мэ затеравас барэ ловэ, но фартэ нервичисаравас, и кадэлэстар сас ԥарэс мэрня хулаяти».

⁹ О Дэвидо поля, кай трэбуй тэ витидэл, со важ лэстэ май ӷлавно. Во росԥэнэн: «Мэ полэм, кай трэбуй варисо тэ парував». Во пэрэдиқля пэско ӷрафико пэ бути и росԥэндя пэстирэ начальникости, со во камэл. Со вижыля? Лэ Дэвидос вишутэ па бути! Сар во пэ када диқля? Во росԥэнэн: «Пэ авэр жэ дес мэ пистросардэм заявления, кай вся и время тэ служысарав подсобно пианеро». О Дэвидо и лэстири хулаи линэ тэ затерэн ловэ, кай тэ прожувэн кодэлэса, кай прилэн. Прожыля время, и во ля тэ служый общё пианеро, ай май интя лэса андэ кадэя служэния ля тэ служый и лэстири хулаи. Кадэла хулай и хулаи терэн бути, сави най кажно камэла тэ терэл, но вонэ пала када дажэ на загиндонпэ. И хоть вонэ линэ тэ затерэн ловэ дэшварэс май набут чем затерэнас варикала, кажно шон лэнди хутилэл ловэ пэ вся, со трэбуй. Вонэ камэн, кай ӷлавно андэ лэндири жызня тэ авэл о Иегова. О Дэвидо и лэстири хулаи пар пэстэ диқлэ, кай о Иегова заботийпэ пала кодэла, кастэ лэ Дэвлэско Царство пэ пэрво ҭан андэ жызня (Матфея 6:31—33).

10. Сар тэ фэрин пэско ди?

¹⁰ Барвалэ амэ чи чорэ, амэнди всаворэнди трэбуй тэ фэрисарас пэско ди. Со важ када трэбуй? На домэкэн, кай тумэндэ тэ авэл и любовь каринг и ловэ. И на бистрэн, кай и бути най май важно чем и служэния лэ Иеговасти. Сар тэ полас, амэндэ вся драго кадэлэса чи най? Акэ савэ вопросоря амэ можэм тэ задас пэсти: «Мэ часто гиндосарав пала бути пэ собрания чи андэ служэния? Пэрэжываю мэ вся и время, сар май бут тэ затерав ловэ, кай май дур тэ жував? Исин мандэ ԥаримос андо ери через и ловэ или через о барвалимос? Жава мэ тэ терав бути, сави най кажно терэла, если через кадэя бути мандэ вижала май бут тэ служысарав лэ Иеговасти?» (1 Тимофею 6:9—12). Кала гиндосарас пала кадэла вопросоря, на бистрам, кай о Иегова любий амэн и дэл алав всаворэнди, ко на парашэл лэс тэ кандэл, «на ашавава тут и никала на мэкава тут». Важ када о апостоло Павло пистросардя: «Мэк андэ тумари жызня на авэла любовь каринг и ловэ» (Евреям 13:5, 6).

ДРАӶО ВИТИДЭН И РАЗВЛИЧЕНИИ

11. Каринг со моӷут тэ анэн и развличении?

¹¹ О Иегова камэл, кай амэ тэ радосавас ла жызняти, и бут радость амэнди анэн и развличении. Андэ Библия пистромэ: «Нинай нисо важ о мануш май лашо, чем тэ хал, тэ пэл и тэ лошавэл кодэлэсти, со во стердя» (Экклезиаст 2:24). Но бутэ развличениендар, савэ исин андэ люма, лэндар терэлпэ фартэ найдраго. Вонэ анэн каринг кода, кай по билажавардимос и мануша диқэн, сар ԥэнэса кадя и трэбуй, и дажэ любин кода, со на чалёл лэ Дэвлэсти.

12. Васо амэ трэбуй тэ витидас и развличении, сар ԥэнэнпэ андэ 1 Коринфянам 10:21, 22?

¹² Амэ камас тэ любисарас и тэ кандас кати лэ Иеговас, важ када амэ нэ можэм тэ хас лэ «Иеговастирэ скаминдэстар» и лэ «скаминдэстар кай и бэнга». (Адиносар 1 Коринфянам 10:21, 22c.) Кала и мануша хан пала ек столо, када сыкавэл, кай машкар лэндэ исин дружба. Кала амэ витидас и развличении, андэ савэ исин, кай марэнпэ, бэнгалимос, билажавардимос, ай кадяжэ кода, со камэл и ӷрешно тила, тоди вижал амэ хас лэ Дэвлэстирэ вороӷонэнца кода, со вонэ гитосардэ. Кадэлэстар амэ терас найдраго най кати ек пэсти, ай инке хасарас и дружба лэ Иеговаса.

13, 14. Васо, сар пистромэ андэ Иакова 1:14, 15, трэбуй тэ следисарас, кай тэ на авэн найлашэ жылания? Росԥэнэн о примеро.

¹³ Диқам, соса шолпэ кода, кала амэ витидас и развличении по хамос. Кала амэ хас, амэ витидас, со тэ хас. Но посли кода, сар амэ нақадям о хамос, о жэлудко залэл тэ терэл пэстири дила, сави амэндар нисар нэ зависит. Прожал время, и о хамос ашэл кодэлэса, со амэндэ андо орӷанизмо. Лашо хамос, дэл зор, ай найлашо хамос римой о зор. Лашо хамос халям чи най, амэ сразу на поласа, ай кала прожала и время, амэ поласа када па амаро зор.

¹⁴ Точно кадяжэ, кала витидас и развличении, трэбуй тэ полас, соса амэ камас тэ замарас амарэ гиндоря. Посли кода, сар варисавэ гиндоря зажылэ андэ амаро шэро, и годи залэл тэ терэл пэстири дила, и кода со андэ годи влияет пэ амарэ гиндоря и пэ амаро ди. Лашэ развличении моӷут тэ дэн амэнди зор, ай и найлашэ развличении кати терэн вэрыто. (Адиносар Иакова 1:14, 15d.) О найлашимос лэ развличениендар сразу можэт тэ на дицол, но кала прожала время, тоди дицола. Важ кода андэ Библия пистромэ: «На хохавэн екжэнэ пэс. О Дэл най кодэва, кастар можно тэ асан. Со посадия о мануш, кода и вибарёла. Кала о мануш жувэл кадя, сар камэл лэсти ӷрешно тила, во тернёла» (Галатам 6:7, 8). Акэ васо важно тэ отшос люби развличении, андэ савэ исин кода, со вэрыцый о Иегова! (Псалом 97:10).

15. Саво подарко стердя амэнди о Иегова, кай амэнди тэ авэл май драго по ди?

¹⁵ Лэ Иеговастирэ служытелёнэнди бутэнди чалёл тэ диқэн амари телевидения JW Broadcasting^®, сави терэл амари дружба лэ Иеговаса май састи. Акэ со ԥэндя и ԥэй, савя ақарэн Мэрилин: «Амари телевидения ваздэл и настроения. Котэ можно тэ диқэс вся и на дарас, кай сыкавэна варисаво билажавардимос. Кала мэ екжэни и манди ԥарэс по ди, мэ став варисави лащи речь чи проӷрамма утреннё поклонения. Кадэлэстар мэ ашав май пашэ каринг о Иегова и лэстири арӷанизацыя. Сар ля тэ вижал о JW Broadcasting мандэ заляпэ нэви жызня». Ай тумэ цэнин кадэва подарко лэ Иеговастар? Кроме проӷрамма, сави вижал кажно шон пэ амари телевидения, андо раздело «Видеоархив» можно тэ виарақэс бут аудио и видео, ай кадяжэ диля, савэ ваздэн и настроения.

16, 17. Васо амэнди трэбуй драго тэ диқас, скати время амэ хасарас пэ развличении, и со амэнди андэ када поможыя?

¹⁶ Амэнди трэбуй драго тэ диқас най кати пала кода, савэ развличении амэ витидас, ай инке пала кода, скати время амэ пэ када хасарас. Кай тэ на вижал, кай пэ развличении амэндэ ужал май бут время, чем пэ служэния лэ Иеговасти. Дэкасти ԥарэс тэ ԥэнэн пэсти «хутила». Ԥэй, савяти 18 бэрш, ԥэнэн: «О телевизоро поможый манди тэ отцыював посли ԥаро дес. Но кала на шав сама пэ время, мэ моӷу тэ пробэшав паша телевизоро бут часоря». Тэрно ԥрал, савэс ақарэн Самьюэл, ԥэнэн: «Мэ шутэм сама, кай моӷу фартэ долӷо тэ продиқав андо интэрнэто скуртиньки видео. Камав тэ продиқав кати ек, но нэ успеваю тэ обдиқавпэ, сар пробэшав трин, штар часоря».

¹⁷ Со поможыя тумэнди тэ диқэн пала кода, скати время тумэ хасарэн пэ развличении? Спэрва трэбуй тэ полэн, скати время тумэндэ ужал пэр лэндэ па чачимастэ. Васо тэ на подадинон, скати время пэ када ужал важ о курко? Шон сама, скати время тумэ проандярэн паша телевизоро, диқэн варисо андо интэрнэто чи цэлэн андо телефоно. Если полэна, кай пэ када ужал фартэ бут время, стерэн ӷрафико. Пэ пэрво ҭан стон и важни дилы, ай тоди ужэ и развличении. Мангэн, кай о Иегова тэ поможый тумэнди тэ жувэн кадя, сар пистросардэ андо ӷрафико. Кадя тумэндэ авэла время и зор тэ сытён па Библия, тэ сытярэн лэ ерес па Библия важ и собрания, и тэ жан тэ росԥэнэн и лащи весть, и кадяжэ тэ сытярэн па Библия. Ай инке тумэ на лэна тэ дошалярэн пэс, кай евья хасарэн и время.

ТЭЛЁН КАТИ ЛЭ ИЕГОВАСТИ

18, 19. Сар амэ сыкавас, кай тэлювас кати лэ Иеговасти?

¹⁸ Кала о апостоло Пётро пистросардя пала время, кала кончияпэ люма, савяса правий о Сатана, и пала кода, кала авэла раё пэ ԥув, во ԥэндя: «Кучутнэ, кала аштярэн када, терэн вся, со можно, кай потом во тэ виарақэл тумэн вужэн англа лэстирэ яқа, найзамэлярдэ и ладин всаворэнца» (2 Петра 3:14). Кала терас кадя и анда вся зор старысавас тэ авас вужэ англа лэ Дэвлэстирэ яқа, амэ ла диласа сыкаваса, кай тэлювас кати лэ Иеговасти.

¹⁹ О Сатана и люма, савяса во правий терэна вся, кай тэ бистрас пала само ӷлавно (Луки 4:13). Но на домэкам никасти и нисости тэ залэн лэ Иеговаско ҭан андэ амаро ди. Амэ фартэ камас тэ любисарас и тэ тэлювас кати лэ Иеговасти, кати во ек када ашэл!