56 ӶЛАВА
Терэн вся, кай тэ ладин и тэ полэн ек еқэс андэ собрания
Кала амэ диқаспэ лэ ԥралэнца и лэ ԥэянца анда собрания, амэндэ кацаво жэ по ди, сар сас кай о царё Давидо, саво ԥэндя: «Саво лашимос и сар дэ драго по ди кодэлэстар, кала и ԥрала жувэн еқэҭанэ и драго полэн ек еқэс!» (Псалом 133:1). Андэ собрания авэла ладо, кати если всаворэ пристона о зор важ када.
1. Соса особено лэ Дэвлэско народо?
Андэ сави бы страна амэ тэ на авас пэ собрания, дажэ если на полас и шыб, амэ ласа чуствовать пэс сар цэрэ. Васо кадя? Важ кода кай па вся и ԥув амэ сытювас па Библия па ек проӷрама, ай кадяжэ любисарас ек еқэс. Нэважно, кай амэ жувас, ӷлавно, кай амэ служысарас еқэ Дэвлэсти, лэ Иеговасти (Софония 3:9).
2. Со кажно андар мэндэ можэт тэ стерэл, кай андэ собрания тэ ладин?
Андэ Библия ԥэнэнпэ: «Фартэ и анда вся оди любин ек еқэс» (1 Петра 1:22). Амэ всаворэ нэсовершэни, и важ када фэдэр тэ старысавас тэ диқас андэ ԥрала и ԥэя ек о лашимос. Кадяжэ тэ проандярас и время разнонэ манушэнца анда собрания, ай най кати пэстирэ друӷонэнца. И инке амэ всаворэ трэбуй тэ старысавас тэ улас анда пэско ди вэрыти гиндоря пала авэр. (Адиносар 1 Петра 2:17.)a
3. Со тэ терэс, если тути ԥарэс тэ ладис варикаса андэ собрания?
Амэ ладисарас ек еқэса. Но всаек амэ нэсовершэни, и дэкала холярас аврэн или через амэндэ лэнди ашэл ԥарэс по ди. Важ када андэ Библия пистромэ: «Анда вся оди простин ек еқэс... Сар о Иегова анда вся оди простисардя тумэн, кадяжэ простин и тумэ». (Адиносар Колоссянам 3:13.) О Иегова на парашэл тэ простий амэн, хоть амэ часто терас варисо най кадя. Важ када во камэл, кай и амэ тэ прощяем аврэн. Если ту диқэс, кай ту варикас холярдян, тоди пэрво пашув, кай тэ поладис. (Адиносар Матфея 5:23, 24.)b
УӶАНАМ МАЙ БУТ
Андэ кадэя ӷлава амэ уӷанаса, со кажно андар мэндэ можэт тэ терэл, кай андэ собрания тэ авэл ладо и тэ авэн ек пала еқэстэ.
Пэр со ту ӷотово тэ жас, кай тэ поладис?
4. На гиндосар пала авэр вэрыто
Амэ камас тэ любисарас всаворэн ԥралэн и ԥэян андэ собрания. Но амэнди можэт тэ авэл ԥарэс када тэ терас, если о мануш фартэ отличаеца амэндар. Со тоди тэ терас? Адиносарам Деяния 10:34, 35 и подам дума пала вопросоря, савэ май тэлэ.
Андэ лэ Иеговаско ери исин разни мануша. Тоди сар ту лэса тэ диқэс пэ мануша, савэ анда авэр нацыи, или пэ мануша, савэ май чорорэ или май барвалэ тутар?
Сар диқэн и дэн дума пала мануша котэ, кай ту жувэс? Васо ту на камэс тэ гиндос кадя жэ?
Адиносарам 2 Коринфянам 6:11—13 и подам дума пала вопросо, саво май тэлэ.
Со тути поможыя тэ любис всаворэн андэ собрания, дажэ если варико совсем най кацаво сар ту?
5. Тер, кай тэ авэл мирно аврэнца и анда вся оди простисар аврэн
О Иегова никала на авэла англа мэндэ дошало, и никала на авэла кацаво, кай амэ лэс тэ простисарас. Но екжэно во вся и время ӷотово амэн тэ простий. Адиносарам Псалом 86:5 и подам дума пала вопросоря, савэ май тэлэ.
Со пистромэ андо стихо пала кода, кай о Иегова простий?
Цэнис ту, кай о Иегова простий? Росԥэн.
Кала бывает ԥарэс тэ ладис варикаса?
Сар ту можэш тэ терэс кадя, сар терэл о Иегова и со тэ терэс, кай андэ собрания тэ авэл ладо? Адиносарам Притчи 19:11 и подам дума пала вопросо, саво май тэлэ.
Со ту можэш тэ стерэс, кай тэ авэл ладо, кала тут варико холярэл или терэл ԥарэс ди?
Дэкала амэндэ кадя вижал, кай холярас аврэн. Со тоди тэ терас? Диқам о ВИДЕО и подам дума пала вопросо, саво май тэлэ.
Со стердя кадэя ԥэй, кай тэ поладий авря ԥьяса?
6. Старысав тэ диқэс андэ ԥрала и ԥэя ек о лашимос
Кала амэ уӷанас май пашэ лэ ԥралэн и ԥэян, амэ лас тэ диқас андэр лэндэ и о лашимос и о найлашимос. Со поможыя амэнди май фартэ тэ шас сама по лашимос, саво андэр лэндэ исин? Диқам о ВИДЕО и подам дума пала вопросо, саво посли видео.
Со поможыя тути тэ диқэс пэ ԥрала и ԥэя лащя ригатар?
О Иегова со май фартэ шол сама пэ кода, со исин андэр мэндэ лашо. Адиносарам 2 Летопись 16:9 (пэрво часть) и подам дума пала вопросо, саво май тэлэ.
Иегова май бут шол сама по тиро лашимос, ай най по найлашимос. Со тутэ по ди кодэлэстар?
Дажэ о шукарно брилианто можэт тэ авэл рангло, но во всаек ашэлпэ кучутно. Кай всаворэ амарэ ԥрала и ԥэя андэ собрания исин, со вонэ най кадя терэн, но важ о Иегова вонэ всаворэ всаек куч
ТУТИ ВАРИКО МОЖЭТ ТЭ ԤЭНЭН: «Мэк спэрва затерэл, кай мэ лэс тэ простисарав».
Васо амэ трэбуй анда оди тэ простисарас аврэн?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай если кажно андар мэндэ лэла тэ простий и пэ дила тэ сыкавэл пэстири любовь каринг всаворэ ԥрала и ԥэя, тоди андэ собрания авэла ладо.
Сар ту гиндос?
Со тэ терэс, кай тэ парашэс тэ гиндос пала авэр вэрыто?
Со ту терэса, если варикаса андэ собрания ту на ладиса?
Васо ту камэс тэ простис кадя, сар о Иегова?
ДИК ИНКЕ
Диқам, сар ек примеро, саво росԥэндя о Иисусо, поможый тэ парашас тэ сындосарас аврэн.
Трэбуй ту тэ мангэс прощения, кала нисо вэрыто на стердян?
«Извинения — ключ к примирению» («Сторожэво башня» лэ 1 ноябрёстар пала 2002 бэрш)
Уӷан, сар дэсавэ мануша сытелэ тэ диқэн пэ авэр еқэндар.
Уӷан, сар тэ ладис лэ ԥралэнца и лэ ԥэянца, кай тэ авэл мирно андэ собрания.
«Улаживайте разногласия в духе любви» («Сторожэво башня» важ о маё пала 2016 бэрш)
a Андэ Ссылка 6 пистромэ, сар трэбуй тэ андярэл пэс о мануш, савэстэ исин инфекцыоно насвалимос, саво можэт тэ пэрэдэлпэ аврэсти.
b Андэ Ссылка 7 пистромэ, со тэ терас, кай мирно тэ ришаем и вопросоря пала бути и юридически вопросоря.