«Ашунэн лэс»

1, 2. а) Со ашундэ трин лэ Иисусостирэ апостолоря и со вонэ линэ тэ терэн? б) Со амэ роздиқаса андэ кадэя статья?

ПОСЛИ Патради андо 32 бэрш н. э. и апостолоря о Пётро, о Иаково и о Иоанно додиқлэ удивительно видения. Вонэ сас по плай, возможно, када сас плай Ермоно, и котэ о Иисусо сыкаделя англа лэндэ андэ пэстири слава (Матф. 17:1—4). Потом вонэ ашундэ лэ Дэвлэско ӷолосо: «Када мэрно любимо Шаво, савэсти мэ дав мэрни блаӷословения. Ашунэн лэс» (Матф. 17:5). Кадэла трин апостолоря пэстиря жызняса сыкадэ, кай ашунэнас лэ Иисусос. Амэ камас тэ терас кадя жэ.

² Анда кодэя статья амэ уӷанглям, кай, если амэ ашунас лэ Иисусоско ӷолосо, тоди амэ трэбуй дэсо тэ парашас тэ терас. Ай андэ кадэя статья амэ подаса дума пала дуй маменторя, савэ, сар ԥэндя о Иисусо, амэ трэбуй тэ терас.

«ЗАЖАН ЧЕРЕЗ И ВУСЬКИ ВОРОТЫ»

3. Со амэ трэбуй тэ терас, сар пистромэ андэ Матфея 7:13, 14?

³ Адиносар Матфея 7:13, 14. О Иисусо росԥэндя пала дуй разни дрома: пала буӷло и пала тисно дром. Трито дром нинай. Амэ трэбуй тэ витидас, па саво дром амэ ласа тэ жас. Када само важно ришэния, сави амэ кати можэм тэ прилас, важ кода кай кадэлэстар зависит, ласа амэ тэ жувас вечно чи най.

4. Со када «буӷло» дром?

⁴ Амэ трэбуй тэ сэрас, сави разница машкар кадэла дуй дрома. О «буӷло» дром витидэн бут миро, важ кода кай пар лэстэ вушэро тэ жан. Бут мануша ашэнпэ пэ кадэва дром и жувэн кадя, сар всаворэ. Вонэ нащи полэн, кай када о Сатана камэл, кай вонэ тэ жан кадэлэ дромэса, саво андярэл каринг и смэрть (1 Кор. 6:9, 10; 1 Иоан. 5:19).

5. Со стердэ дэсавэ мануша, кай тэ виарақэн о тисно дром и тэ жан пар лэстэ?

⁵ Но кадяжэ о Иисусо шутя сама, кай о тисно дром найвушэро тэ виарақэн. Васо? Андэ авэр стихо во ԥэндя, кай авэна хохавнэ пророкоря (Матф. 7:15). Адес исин фартэ бут веры, и почти кажно андар лэндэ камэл тэ доԥэнэн, кай лэндэ чачимос. Важ када милионоря мануша нащи розлэнпэ, кай о чачимос, или дажэ на стон зор, кай тэ виарақэн о чачуно дром, саво андярэл каринг и жызня. Но кадэва дром можно тэ виарақэн. О Иисусо ԥэндя: «Если тумэ ритярдён кодэлэсти, сости мэ сытярав, тоди тумэ па чачимастэ мэрнэ ученикоря. Тумэ уӷанэна о чачимос и о чачимос дэла тумэнди свобода» (Иоан. 8:31, 32). Драго, кай тумэ парашэлэ тэ терэн кадя, сар всаворэ. Кай тэ виарақэн о чачуно дром, тумэ линэ драго тэ изучаете лэ Дэвлэско алав. Кадяжэ тумэ линэ тэ уӷанэн, со тумэндар аштярэл о Создателё и тэ ашунэн лэ Иисусоско ӷолосо. Тумэ уӷанглэ, кай трэбуй тэ ашавэн и хохавни вера, ай кадяжэ тэ парашэн тэ справин и празникоря и тэ жувэн па традицыи, савэ на чалён лэ Иеговасти. Тумэ пар пэстэ полинэ, кай кадэлэстар тэ отԥэндёнпэ фартэ найвушэро (Матф. 10:34—36). Дэсо тэ парувэн сас ԥарэс. Но тумэ стердэ када, важ кода кай любин тумарэ небеснонэ Дадэс и камэн, кай во тэ авэл тумэнца довольно. Сар жэ о Иегова абурой тумэнца! (Прит. 27:11).

НА ПАРАШЭН ТЭ ЖАН ПА ТИСНО ДРОМ

6. Со поможый амэнди тэ на парашас тэ жас па тисно дром? (Псалом 119:9, 10, 133).

⁶ Варикала амэ лям тэ жас па тисно дром, но со тэ терас, кай тэ на парашас тэ жас пар лэстэ? Роздиқам ек примеро. Андэ плая, кай исин вусько дром и обрыво, исин оӷраждения, кай тэ фэрин лэ водителёнэн. Вонэ на гиндон, кай вой лэнди мишыий, и полэн, кай када фэрий лэндири жызня, кай вонэ тэ на розмардён. Кадя и лэ Иеговастирэ законоря, савэ пистромэ андэ Библия, сар кадэя оӷраждения, поможын амэнди тэ на сжас па тисно дром. (Адиносар Псалом 119:9, 10, 133.)

7. Сар и молодёж трэбуй тэ полэл о тисно дром?

⁷ Молодёж, гиндон тумэ, кай лэ Дэвлэско законо фартэ строӷо? Када о Сатана камэл, кай тумэндэ тэ авэл кацаво гиндо. Во камэл, кай тумэн тэ цырдэл тэ жувэн, сар кодэла мануша, савэ жан буӷлэ дромэса. Через и ровэсникоря и о интэрнэто во можэт тэ зашол тумэнди о гиндо, кай тумэ варисо умэкэн андэ жызня и кай лэ Дэвлэско законо на дэл тэ радуинпэ ла жызнятиb. Но на бистрэн: о Сатана камэл, кай тумэ тэ на полэн, каринг со андярэл о «буӷло» дром. Ай о Иегова сыкавэл тумэнди, сар вся исин па чачимастэ, и во блаӷословия кодэлэн, ко жал дромэса, саво андярэл каринг и жызня (Пс. 37:29; Ис. 35:5, 6; 65:21—23).

8. Сости амэ можэм тэ сытювас кай о ԥрал Олафо?

⁸ Подам дума, сости амэ можэм тэ сытювас кай о ԥрал Олафоc. Лэстирэ однокласникоря тасавэнас пэр лэстэ, кай во тэ стерэл кода, со нэправильно. Кала во ԥэндя, кай во лэ Иеговаско свидетелё и жувэл па Библия, дэсавэ ракля старыинаспэ тэ соблазнин лэс. Но амаро ԥрал на подяпэ. И най кати андэ када пэр лэстэ тасавэнас. О Олафо росԥэнэн: «И учителёря ԥэнэнас манди, кай мэ посли школа тэ жав тэ сытював андо университето. Па лэндири дума здэласпэ, кай кати блаӷодаря кадэлэсти мандэ авэла бахтали жызня». Со поможысардя лэсти вся тэ виритярэл? Во ԥэнэн: «Мэ родавас пэсти друӷонэн андэ собрания. Вонэ ашэлэ важ мандэ сар ери. Инке мэ лэм май драго тэ изучаю и Библия. Со май драго мэ ла изучал, со май фартэ мэ патявас, кай када чачимос. Важ када мэ на парашэлэм тэ служысарав лэ Иеговасти».

9. Со трэбуй тэ терас, если камас тэ ашаспэ по тисно дром?

⁹ О Сатана камэл, кай амэ тэ парашас тэ жас па дром, саво андярэл каринг и жызня. Во домардёл, кай амэ тэ жувас сар всаворэ и тэ жас па дром, саво «андярэл каринг и смэрть» (Матф. 7:13). Но амэ можэм тэ ашаспэ по тисно дром, если ашунас лэ Иисусос и полас, кай кадэва дром амэн фэрий. Акана давайте подаса дума, со инке о Иисусо ԥэндя, кай амэ трэбуй тэ терас.

ПОМИРИСАВ «ТИРЭ ԤРАЛЭСА»

10. Сар амэ можэм тэ прилас о совето анда Матфея 5:23, 24?

¹⁰ Адиносар Матфея 5:23, 24. О Иисусо росԥэндя ек ситуацыя, сави сас фартэ важно важ и иудеёря, савэ лэс ашунэнас. Прецтавьте, кай о мануш авеля андо храмо тэ анэн и жэртва лэ Иеговасти. Англа кода, кай тэ пэрэдэл и жэртва лэ рашасти, во вспоминает, кай лэско ԥрал холинако пэр лэстэ. И акана во трэбуй тэ ашавэл и жэртва. Васо? Со можэт тэ авэл май важно, чем тэ анэн и жэртва лэ Иеговасти? О Иисусо ворта ԥэндя: «Спэрва жа, поладисар тирэ ԥралэса».

11. Со стердя о Иаково, кай тэ помирийпэ лэ Исавоса?

¹¹ Роздиқаса лэ Иаковоско примеро. Када поможыя амэнди май драго тэ полас, сар тэ помирисавас, если варикас обидели. Кала о Дэл через о анӷело ԥэндя лэ Иаковости тэ рийпэ цэрэ, во на жувэлас пэ пэстири ԥув ужэ варикай 20 бэрш (Быт. 31:11, 13, 38). Но сас ек проблема. Лэско барэдэр ԥрал, о Исаво, камэлас лэс тэ умарэл (Быт. 27:41). Кала о Иаково уӷангля, кай вонэ трэбуй тэ диқэнпэ, во пэрэдарайля и фартэ запэрэжывал (Быт. 32:7). Во даралас, кай лэско ԥрал инке холинако пэр лэстэ. Со жэ стердя о Иаково, кай тэ помирийпэ пэстирэ ԥралэса? Спэрва во анда ди мангляпэ лэ Иеговасти. Потом во бишалдя лэ Исавости щедро подарко (Быт. 32:9—15). Ай тоди, кала вонэ диқлэпэ, во стодя бари патив пэ пэско ԥрал и тэлеля лэсти най еқвар, най дувар, ай семь раз! Кадя о Иаково помирисайля пэстирэ ԥралэса (Быт. 33:3, 4).

12. Сости амэ сытювас анда лэ Иаковоско примеро?

¹² Амэ можэм бутэсти тэ сытювас анда лэ Иаковоско примеро. Со во стердя англа кода, сар тэ диқэлпэ лэ Исавоса? Спэрва о Иаково смирено мангля помощь лэ Иеговастар. Ай тоди стердя вся пэстиря ригатар, кай тэ поладий лэ ԥралэса и бишалдя лэсти подаркоря. Ай сар о Иаково андярдя пэс, кала вонэ диқлэпэ? Во на ля тэ розлэлпэ лэ Исавоса, ко сас право, ай ко най. Важ лэстэ само ӷлавно сас тэ помирийпэ пэстирэ ԥралэса. Сар амэ тэ терас кадя жэ, сар о Иаково?

САР ТЭ ПОМИРИСАВАС КОДЭЛЭСА, КАС АМЭ ОБИДЕЛИ

13, 14. Со амэ трэбуй тэ стерас, если варикас обидели?

¹³ Амэ жас па дром, саво андярэл каринг и вечно жызня, и важ када амэнди важно тэ терас вся, кай тэ ладисарас амарэ ԥралэнца и ԥэянца (Рим. 12:18). Но со, если амэ полям, кай обидели варикас анда собрания? Сар и о Иаково, амэ трэбуй анда ди тэ мангаспэ лэ Иеговасти. Амэ можэм тэ мангас, кай во тэ поможый амэнди тэ поладисарас амарэ ԥралэса или ԥьяса.

¹⁴ Кадяжэ амэ трэбуй тэ проверим, со амэндэ андо ди. Например, тэ задас пэсти кацавэ вопросоря: «Ӷотово мэ тэ бистрав пала пэстири ӷордость, анда вся оди тэ мангав прощения и тэ помирисавав? Со авэла по ди кай о Иегова и кай о Иисусо, если мэ стерава вся, кай тэ поладисарав мэрнэ ԥралэса или ԥьяса?» Если амэ погиндосараса пала кацавэ вопросоря, када поможыя амэнди тэ ашунас лэ Иисусос и тэ пашувас кай о ԥрал или ԥэй, кай тэ помирисавас. Тоди амэ ласа тэ терас кадя жэ, сар о Иаково.

15. Сар о принцыпо анда Эфесянам 4:2, 3 поможый амэнди тэ помирисавас амарэ ԥралэса?

¹⁵ Прецтавьте, если бы о Иаково на улиноп пэстири ӷордость и линоп тэ розлэлпэ пэстирэ ԥралэса, ко право, ай ко най. Тоди вся авелоп совсем па аврятэ. Кала амэ жас тэ помирисавас лэ ԥралэса, амэ трэбуй тэ бистрас пала пэстири ӷордость. (Адиносар Эфесянам 4:2, 3.) Андэ Притчи 18:19 ԥэнэнпэ: «Обижено ԥрал май нэдоступно, чем о заԥандадо форо, и можэт тэ авэл скандало, саво сар засово пэ вороты андо састо форо». Если амэ анда ди мангас прощения, када поможый амэнди тэ зажас андо «састо форо».

16. Пала со инке амэ трэбуй тэ погиндосарас и васо?

¹⁶ Кадяжэ амэ трэбуй тэ погиндосарас, со тэ ԥэнас и сар када тэ ԥэнас. Тоди амэ можэм тэ пашувас каринг кодэва, ко обиделся, и тэ стерас вся, кай тэ поможысарас лэсти тэ помирийпэ амэнца. Спэрва во можэт тэ ԥэнэн кода, со авэла нэприятно тэ ашунас. Кадэлэстар амэ моӷли бы тэ захолявас и тэ доԥэнас, кай самас прави. Но хэба када поможыя тэ помирисавас? Канешно най. Сэрэн: тэ помиринпэ амарэ ԥралэса май важно, чем тэ розлэнпэ, ко сас право, ай ко най (1 Кор. 6:7).

17. Сости амэ можэм тэ сытювас кай о ԥрал Жильберо?

¹⁷ О ԥрал, савэс ақарэн Жильберо, терэл вся, кай лэстэ аврэнца тэ авэл мирно. Во росԥэнэн: «Май бут чем дуй бэрш мэ старысававас спокойно тэ дав дума мэрня щяса, кай амэ упалэ тэ ладисарас». Со инке во терэлас? «Сар тэ дав дума мэрня бэятаса, мэ мангаваспэ и напоминал корко пэсти тэ на шав сама пэ латирэ нэприятни алава, савэ моӷут тэ авэн. Мэ трэбуй сымас тэ авав ӷотово тэ простисарав. Мэ полэм важ пэстэ, кай манди на трэбуй тэ доԥэнав, кай сымас право, и кай пэр мандэ отвецтвеность тэ стерав вся, кай андо ери тэ авэл мирно». Каринг со када андя? О Жильберо росԥэнэн: «Акана мандэ по ди драго, кай мэ ладисарав всаворэ пэстирэ ереса».

18, 19. Если амэ обидели варикас, со амэ трэбуй тэ терас и васо?

¹⁸ Со, если тумэ полинэ, кай обидели варикас анда собрания? Сар ԥэндя о Иисусо, терэн вся, кай тэ помиринпэ. Росԥэнэн лэ Иеговасти пала кадэя проблема и патян, кай через о свынто духо во поможыя тумэнди тэ помиринпэ. Если тумэ кадя терэн, тумэ авэна бахталэ и сыкавэна, кай ашунэн лэ Иисусос (Матф. 5:9).

¹⁹ Амэ блаӷодарни, кай о Иегова руководий амэнца через «о хулай пэ собрания», о Иисус Христос (Эф. 5:23). Амэ трэбуй тэ ашунас лэс кадя жэ, сар о апостоло Пётро, Иаково и Иоанно (Матф. 17:5). Анда кадэя статья амэ уӷанглям, со амэнди трэбуй тэ терас, кай тэ ладисарас амарэ ԥралэнца и ԥэянца, если амэ лэн обидели. Кала амэ терас кадя и на парашас тэ жас па тисно дром, саво андярэл каринг и жызня, амэндэ авэна бут блаӷословения акана и бахтали жызня май англэ!