Май годявэрнэс используйте и время

1. Сар амэ можэм тэ проандярас время лэ Иеговаса?

АМЭНДИ всаворэнди чалёл тэ проандярас время кодэлэнца, кас амэ любисарас. Например, важ о хулай и хулаи нинай нисо май лашо, чем тэ проандярэн время вмести посли ԥаро дес. И молодёж любий тэ стидэлпэ пэстирэ друӷонэнца. И амэнди всаворэнди чалёл тэ диқаспэ амарэ ԥралэнца и ԥэянца анда собрания. Но со май фартэ амэ камас тэ проандярас время лэ Иеговаса. Сар када можэт тэ авэл? Кала амэ мангаспэ лэсти, адиносарас и Библия, гиндосарас пала лэско замысло и савэ лэстэ дэ лашэ качестворя, амэ кабута находисавас паша лэстэ. Важ амэндэ фартэ куч кодэя время, сави амэ проандярас лэ Иеговаса! (Пс. 139:17).

2. Сави трудность амэндэ можэт тэ авэл?

² Хоть амэнди фартэ чалёл тэ проандярас время лэ Иеговаса, можэт тэ авэл ек трудность. Дэкала амэндэ кадя бут дила, кай най вся успеваем, и ужэ на ашэлпэ время важ лэ Дэвлэстири дила. Амэндэ всаворэндэ фартэ бут бути, исин обязаности андо ери и авэр важно дила — через када ԥарэс вся тэ стерас кадя, кай тэ ашэлпэ время важ о Дэл. И можэт тэ здэлпэ, кай амэндэ совсем нинай время тэ мангаспэ, тэ адиносарас и Библия и тэ розмышляем.

3. Со инке можэт тэ одлэл амэндар и время?

³ Исин инке ек маменто, со можэт тэ одлэл амэндар и время. Бывает, варико лэл тэ терэл дила, сави, сар бы най вэрыто, но одлэл время, сави амэ моӷли бы тэ отдас лэ Иеговасти. Например, погиндосарам пала отдыхо и развличении. Канешно, амэ трэбуй тэ отцыювас, и амэ радосавас, кала терас варисо интересно. Но если амэ ласа тэ отдас пэ када фартэ бут время, тоди ла амэндэ можэт тэ на ашэлпэ важ лэ Дэвлэстири дила. Важ када о отдыхо на трэбуй тэ авэл важ амэндэ само важно (Прит. 25:27; 1 Тим. 4:8).

4. Пала со амэ щяс подаса дума?

⁴ Анда кадэя статья амэ уӷанаса, со трэбуй тэ авэл само ӷлавно андэ амари жызня. Кадяжэ амэ подаса дума, сар фэдэр тэ используем и время, сави проандярас лэ Иеговаса, и саво лашимос кадэлэстар авэла.

ПРИЛЭН МУДРИ РИШЭНИИ И ПОЛЭН, СО МАЙ ВАЖНО АНДЭ ЖЫЗНЯ

5. Сар о совето анда Эфесянам 5:15—17 поможыя лэ тэрнэ манушэнди тэ витидэн со май лашо дром андэ жызня?

⁵ Витидэн со май лашо дром андэ жызня. Адес бут тэрнэ мануша пэрэжывают, кала трэбуй тэ ришын, соса лэна тэ залэнпэ андэ жызня. Еқа ригатар, и учителёря и лэнго родо, савэ на служын лэ Иеговасти, моӷут тэ подԥэнэн лэнди тэ жан тэ сытён андо университето и тэ виарақэн лащи бути. Но када можэт тэ залэл фартэ бут время. Ай авря ригатар, и родителя и ԥрала и ԥэя андэ собрания моӷут тэ подԥэнэн лэнди май бут тэ служын лэ Иеговасти. Но со поможыя лэ тэрнэ ԥралэнди и ԥэянди, савэ любин лэ Иеговас, тэ прилэн мудро ришэния? Вонэ моӷут тэ проадинон Эфесянам 5:15—17 и тэ погиндон пала кадэла алава (проадинон). Амарэ любими тэрнэ ԥрала и ԥэя, пушэн пэстар: «Со камэл мандар о Иегова? Сави ришэния радуия лэс? Со мэ тэ витидав, кай годявэрнэс тэ использую мэрни время?» Сэрэн: «андэ кадэла деса бут найлашимос» и кадэя люма, савяса правий о Сатана, ӥто на ашэла. Важ када авэла фартэ годявэрнэс тэ витидэн тэ жан дромэса, саво сыкавэл о Иегова.

6. Со витидя и Мария и васо када сас со май лащи ришэния?

⁶ Витидэн, со май важно. Дэкала, кай годявэрнэс тэ используем амари время, амэнди прижалпэ тэ витидас анда лашэ ришэнии со май лащи. Кай тэ полас када май драго, давайте вспомним о случаё, кала о Иисусо авелясас в ӷости кай и Марфа и кай и Мария. И Марфа сас кадя радо, кай лэндэ авеля кацаво ӷостё, кай закамля тэ стол мисяйля, сар пэ ябьявэстэ. Ай и Мария кай сас андэ кадэя время? Кай тэ на умэкэл кацави возможность, вой «бэшля паша лэ Ӷосподостирэ пэрнэ и ля тэ ашунэл лэс». Канешно, кай и Марфа на сас вэрыто гиндо, но и Мария «витидя со май лашо» (Луки 10:38—42). Наверно потом и Мария дажэ на сэрэлас, со сас по столо андэ кодэва дес, но амэ можэм точно тэ ԥэнас: вой вся пэстири жызня на бистрэлас кодэя лэ Иисусостири дума. И Мария цэнияс кажно минута, кала лэндэ зажалас лэ Дэвлэско Шаво. Кадя жэ и амэ трэбуй тэ цэнисарас кажно возможность тэ проандярас время лэ Иеговаса. Со поможыя амэнди годявэрнэс тэ используем пэстири время?

ГОДЯСА ИСПОЛЬЗУЙТЕ И ВРЕМЯ, САВИ ПРОАНДЯРЭН ЛЭ ИЕГОВАСА

7. Васо фартэ важно тэ мангаспэ, тэ изучаем и тэ розмышляем?

⁷ На бистрэн: кала мангаспэ, изучаем и розмышляем — амэ тэлювас лэ Иеговасти. Кала амэ мангаспэ, амэ общяемся амарэ небеснонэ Дадэса, саво амэн фартэ любий (Пс. 5:7). Ай кала изучаем и Библия, амэ май драго уӷанас лэ Дэвлэс, савэстар жал и мудрость (Прит. 2:1—5). Кала амэ розмышляем, амэ май драго уӷанас пала лэ Иеговастирэ розлашэ качестворя, ай кадяжэ пала кода, со во загиндосардя важ и ԥув и важ амэндэ. Со инке можэт тэ авэл май лашо кадэлэстар? Но со поможыя амэнди май драго тэ используем амари время?

8. Сости амэ сытювас анда кода, сар о Иисусо проандярдя и время андэ пустыня?

⁸ Если исин возможность, витидэн спокойно ҭан. Роздиқаса лэ Иисусоско примеро. Англа кода, сар тэ начнёца лэстири служэния пэ ԥув, во проандярдя андэ пустыня 40 дней (Луки 4:1, 2). Андэ кодэва спокойно ҭан о Иисусо моӷ тэ мангэлпэ лэ Дадэсти и тэ гиндой, со аштярэл лэстар о Иегова. Кадя лэ Дэвлэско Шаво драго подӷотовился каринг о ԥаримос, саво лэстэ трэбуй сас тэ авэл. Сости амэ сытювас анда лэско примеро? Кала о ери баро, наверно, найвушэро тэ виарақэн цэрэ спокойно ҭан. Тоди лэс можно тэ виарақэн варикай аврэтэ, например аврял. Кацави жэ ситуацыя кай и ԥэй Жюли анда Франция. Вой лэ хуласа жувэл андэ фартэ цынёни квартирица, тай инке и сосидоря фартэ шумни. Сар вой виарақэл возможность спокойно тэ помангэлпэ лэ Иеговасти? И Жюли росԥэнэн: «Мэ кажно дес жав андо парко. Котэ мэ моӷу тэ авав екжэни, кай спокойно и анда ди тэ подав дума лэ Иеговаса».

9. Сар о Иисусо сыкадя, кай во фартэ цэнияс пэстири дружба лэ Иеговаса, хоть лэстэ сас фартэ бут дила?

⁹ Кай о Иисусо сас фартэ бут дила. Кала во служыяс пэ ԥув, пала лэстэ ԥирэнас фартэ бут мануша, и всаворэнди сас варисо трэбуй лэстар. Например, еқвар паша ек цэр, кай во сас, стидяпэ вся о форо тэ диқэл лэс. И всаек о Иисусо виарақэлас время, кай тэ мангэлпэ пэстирэ Дадэсти. «Тэсара, сар инке сас тэмно, во ущеля и жыля кордэ, кай никас на сас и ля тэ мангэлпэ» (Мар. 1:32—35).

10, 11. Саво совето о Иисусо дя лэ учениконэнди андо Гефсиманско садо, но сас посли када? (Матфея 26:40, 41).

¹⁰ Дажэ андэ послиднё рят, кала о Иисусо сас пэ ԥув, во камля тэ виарақэл спокойно ҭан, кай тэ порозмышляет и тэ мангэлпэ. Важ када во жыля андо Гефсиманско садо (Матф. 26:36). Кадяжэ во дя пэстирэ учениконэнди фартэ важно совето.

¹¹ Вспомним, со котэ сас. Кала о Иисусо пэстирэ учениконэнца авеля андо Гефсиманско садо, ужэ сас рят. О Иисусо мангля лэ апостолонэн, кай лэн тэ на лэл и линдра, ай екжэно отжыля тэ мангэлпэ (Матф. 26:37—39). «Кала о Иисусо рисайля каринг и ученикоря, во додиқля, кай вонэ совэн». Тоди во упалэ напомнил лэнди: «На совэн», ай тоди ԥэндя: «И на парашэн тэ мангэнпэ». (Проадинон Матфея 26:40, 41.) Во полэлас, кай и ученикоря фартэ пэрэжывали и важ када вицыелэ. Лэ Иисусости ашэля лэн жалко, и во анда ди ԥэндя лэнди: «Оди камэл тэ терэл дила, но и тила слабо». О Иисусо инке дувар манглясас лэ учениконэн тэ на совэн и тэ мангэнпэ, но кажно разо, кала во рияспэ, вонэ совэнас (Матф. 26:42—45).

12. Со поможыя амэнди тэ мангаспэ, дажэ кала амэ фартэ цыелям или кала пала варисо фартэ пэрэжываем?

¹² Витидэн со май лащи время. Дэкала амэ кадя пала варисо пэрэжываем или кадя вицыелям, кай, здэлпэ, вобще нинай зор тэ мангаспэ. Если тумэндэ сас кацаво, тумэ най екжэнэ. Со тоди можно тэ стерэн? Например, если обычно тумэ мангэнпэ англа кода, сар тэ пэрэн тэ совэн, то можно тэ витидэн время важ и молитва чуть май раньшэ, кала тумэ инке най фартэ цыенэ. Кадяжэ важно тэ сэрэн, сар тумэ мангэнпэ. Дэсавэ ԥрала и ԥэя росԥэнэн, кай, кала вонэ мангэнпэ пэ чангэндэ или просто бэшэн, када поможый лэнди, кай лэн нисо тэ на отвлекает. Ай со, если тумэ кадя пэрэжываете или умэклэ и вас, кай дажэ на ӷанэн, пала со тэ мангэнпэ? Росԥэнэн лэ Иеговасти вся, со тумэндэ по ди. Тумэ можэте тэ патян, кай амаро любящё Дад полэла и жалуия тумэн (Пс. 139:4).

13. Сар и телефоноря и авэр электрони устройства моӷут амэн тэ отвлекают, кала амэ проандярас время лэ Иеговаса?

¹³ Мэк тумэн нисо нэ отвлекает, кала тумэ изучаете. Амэ ашас май пашэ каринг о Иегова най кати кала мангаспэ, но и кала изучаем и Библия и ԥирас пэ собрании. Со поможыя май драго тэ используем кадэя время? Пушэн пэстар: «Со ман отвлекает, кала мэ бэшав пэ собрания или проандярав лично изучения?» Можэт, тумэнди варико звоний или бишалэл сообщении. Адес милионоря мануша дажэ нэ прецтавляют пэстири жызня, если лэндэ на авэла телефоно или авэр электроно устройство. Дэсавэ учони ԥэнэн, кай, кала о телефоно просто пашлёл паша амэндэ, када ужэ отвлекает. Акэ со ԥэндя ек прафесаро: «Ту ужэ на гиндос пала дила, сави трэбуй тэ стерэс. Тирэ гиндоря варикай аврэтэ». Англа кода, сар тэ начнёца о канӷрэсо, и ԥрала часто мангэн амэн тэ стерас кадя, кай амарэ телефоноря и авэр устройства тэ на отвлекают аврэн. Ай моӷли бы амэ тэ стерас точно кадя жэ, кала проандярас и время лэ Иеговаса, кай о телефоно и авэр электрони устройства тэ на отвлекают амэн?

14. Сави помощь дэла о Иегова, кай тумэ тэ авэн внимательни, сар запистромэ андэ Филиппийцам 4:6, 7?

¹⁴ Мангэн лэ Иеговас, кай во тэ поможый тумэнди тэ авэн внимательни. Если тумэ полэн, кай пэ собрания или пэ лично изучения варисавэ гиндоря отвлекают тумэн, мангэн лэ Иеговас тэ поможый тумэнди. Кала исин пэрэжывании, найвушэро пала лэндэ тэ бистрэн и тэ гиндон пала варисо авэр. Но фартэ важно када тэ стерэн. Мангэнпэ, кай о Иегова тэ фэрий най кати тумаро ди, но и годи. (Проадинон Филиппийцам 4:6, 7.)

АМЭНДИ ФАРТЭ КУЧ И ВРЕМЯ, САВИ ПРОАНДЯРАС ЛЭ ИЕГОВАСА!

15. Саво лашимос амэнди анэн, кала амэ проандярас время лэ Иеговаса?

¹⁵ Если амэ витидас время, кай тэ дас дума лэ Иеговаса, тэ ашунас лэс и тэ гиндосарас пала лэстэ, — када анэн амэнди лашимос. Пэрво: амэ ласа тэ прилас со май правильни ришэнии. Андэ Библия пистромэ: «Ко ԥирэл кодэлэнца, ко мудро, ашэла мудро» (Прит. 13:20). Вижал, кала амэ проандярас время лэ Иеговаса, савэстар жал и мудрость, амэ екжэнэ ашас май мудри. Тоди амэ ласа май драго тэ полас, сар лэс тэ радосарас и со на трэбуй тэ терас, кай лэсти тэ авэл больно.

16. Сар амэ сможэм тэ ашас май лашэ учителёря, если проандярас время лэ Иеговаса?

¹⁶ Дуйто: амэ аваса май лашэ учителёря. Кала амэ варикаса изучаем и Библия, со май важно важ амэндэ — тэ поможысарас лэ манушэсти тэ ашэл май пашэ каринг о Иегова. Со май бут время амэ екжэнэ проандярас амарэ небеснонэ Дадэса, со май фартэ амэ лэс любисарас. Тоди амэндэ вижала тэ поможысарас, кай амаро изучающё кадяжэ тэ полюбий лэс. Вспомним пала Иисусо. Па лэстири дума всегда дицолас, сар дэ фартэ во любий и цэний пэстирэ Дадэс, и када поможысардя лэстирэ учениконэнди тожэ тэ полюбин лэ Иеговас (Иоан. 17:25, 26).

17. Васо и молитва и изучения поможын амэнди, кай и вера тэ ашэл май састи?

¹⁷ Трито: амари вера ашэла май састи. Кажно разо, кала о Иегова атвечает пэ амарэ молитвы, кай тэ дэл совето, тэ подритярэл амэн или тэ придэл зор, амари вера ашэл май састи (1 Иоан. 5:15). Со инке поможый, кай амэ май фартэ тэ патяс? Када и лично изучения. Сэрэн: «Кай о мануш тэ патял, спэрва во трэбуй тэ ашунэн» (Рим. 10:17). Но, кай и вера тэ ашэл састи, на хутила просто варисо тэ ӷанас. Со инке амэ трэбуй тэ терас?

18. Васо фартэ важно тэ розмышляем? Росԥэнэн примеро.

¹⁸ Амэ трэбуй тэ розмышляем пала кода, со уӷанас. Подам дума пала псалмопевцо, саво пистросардя о 77 Псалом. Во ля тэ гиндой, кай о Иегова одбанделя лэстар и всаворэ израильтянонэндар. Лэсти сас кадя ԥарэс, кай во на совэлас рятянца (стихоря 2—8). Но со во стердя? Во ԥэндя лэ Иеговасти: «Лава тэ гиндосарав пала вся тири дила и... пала кода, со ту терэс» (стихо 12). Канешно, о псалмопевцо драго ӷанэнас, сар о Иегова обжаласпэ пэстирэ народоса, но во всаек пэрэжывал и пушэлас: «Нэужэли о Дэл бистэрдя и на здиқля пар мэндэ? Росхоляйля и отԥэнделя тэ полэл и тэ жалуий амэн?» (стихо 9). Важ када о псалмопевцо вспоминал, сар о Иегова май данглал полэлас и жалуияс пэстирэ народос (стихо 11). И со во поля анда када? О псалмопевцо ашэля уверено, кай о Иегова никала на ашавэла пэстирэ народос (стихо 15). Точно кадя жэ и амари вера ашэла май састи, если амэ гиндосарас, со о Иегова ужэ стердя важ пэско народо и лично важ амэндэ.

19. Саво инке анэн лашимос, кала амэ проандярас время лэ Иеговаса?

¹⁹ Штарто и само важно: амэ лас инке май фартэ тэ любисарас лэ Иеговас. И любовь со май фартэ поможыя амэнди тэ кандас лэ Иеговас, тэ жас пэ жэртвы, кай тэ радосарас лэс и тэ виритярас любо ԥаримос (Матф. 22:37—39; 1 Кор. 13:4, 7; 1 Иоан. 5:3). Нинай нисо май цэно, чем и пашутни дружба лэ Иеговаса! (Пс. 63:1—8).

20. Со тумэ камэн тэ терэн, кай тэ проандярэн лэ Иеговаса май бут время?

²⁰ Сэрэн, кай кала мангаспэ, изучаем и розмышляем — амэ тэлювас лэ Иеговасти. Сар о Иисусо, виарақэн спокойно ҭан, кай тэ проандярэн время лэ Иеговаса. На домэкэн, кай варисо тэ отвлекает тумэн. Мангэн лэ Иеговас тэ поможый тумэнди тэ авэн внимательни, кала терэн лэстири дила. Если амэ ужэ адес старысавас май годявэрнэс тэ используем пэстири время, о Иегова блаӷословия амэн, и амэ ласа вечно тэ жувас андо раё пэ ԥув! (Мар. 4:24).