Библия о письмо лэ Дэвлэстар

О Иегова дя амэнди лашо подарко, када и Библия. Андэр латэ ужан 66 книӷи. Можэт ту гиндос: «Катар вой ляпэ? Ко ла пистросардя?» Ту полэса када, кала уӷанэса, сар и Библия дожыля жы каринг амари время.

1. Если и Библия пистросардэ и мануша, тоди васо ԥэнэн, кай вой лэ Дэвлэстар?

И Библия пистронас варикай 40 мануш, но и гиндоря лэндэ жанас лэ Дэвлэстар. Андэ Библия, андэ 2 Петра 1:21 пистромэ, кай «лэ манушэн андярэлас о свынто духо и вонэ дэнас дума лэ Дэвлэстар»a. Вонэ залинэ ла тэ пистрон андо 1513 бэрш жы кай о Иисусо, и допистросардэ варикай андо 98 бэрш лэ Иисусостар, пэ када лэндэ ужыля варикай 1 600 бэрш. Ла пистронас и барвалэ и чорорэ мануша, кадяжэ и ӷрамотни и прости мануша, и всаек всаворэ книӷи сжанпэ ек еқэса. Сар кадя вижыля? Важ кода кай и гиндоря ԥэнэнас о Дэл. (Адиносар 1 Фессалоникийцам 2:13.) О Дэл через пэско свынто духо дэлас лэ манушэнди гиндоря, и вонэ лэн запистросардэ (2 Тимофею 3:16).

2. Кастэ можэт тэ авэл Библия?

И мануша «андэ кажно нацыя, ери, народо и шыб» моӷут тэ уӷанэн и лащи новость анда Библия. (Адиносар Откровение 14:6.) Кай бы тэ на жувэл о мануш, о Дэл стердя кадя, кай и Библия тэ авэл кажнонэ манушэстэ. Када ек кацави книӷа, сави пэрэандярди пэ со май бут шыба.

3. Со камэнас и мануша тэ стерэн ла Библияса и сар о Иегова фэрисардя ла?

И Библия сас пистромэ пэ кода, со через и время римояспэ. Но сас мануша, савэ любинас и Библия и старыинаспэ драго ла тэ пэрэпистрон. И хоть барэ мануша терэнас вся, кай и Библия тэ на авэл, сас кодэла, ко сас ӷотови тэ хасарэн пэстири жызня, кай тэ фэрин ла. Када сыкавэл, кай о Иегова на домэкэлас никасти и нисости тэ стерэн кадя, кай манушэндэ тэ на авэл Библия. Андэ Библия ԥэнэнпэ: «О алав амарэ Дэвлэско авэла вечно» (Исаия 40:8).

УӶАНАМ МАЙ БУТ

4. Кастар и Библия?

Диқам о ВИДЕО. Тоди адиносарам 2 Тимофею 3:16 и подам дума пала вопросоря, савэ посли видео.

ВИДЕО: «Кастар и Библия?» Набут анда видео (2:48)

• Если и Библия пистросардэ и мануша, тоди васо ԥэнэн, кай вой лэ Дэвлэстар?

• Сар ту гиндос, можэт о Дэл тэ дэл пэстирэ гиндоря лэ манушэнди, савэ пистронас и Библия?

5. Хоть бут со терэнас, кай и Библия тэ на авэл, вой всаек ашэляпэ

ВИДЕО: «Лэнди сас куч и Библия (Уильямо Тиндало)» Набут анда видео (6:17)

• Камэс тэ адинос и Библия посли кода, сар уӷанглян, со стердэ, кай вой тэ ашэлпэ? Васо?

Адиносарам Псалом 119:97 и подам дума пала вопросо, саво тэлэ.

• Васо бут мануша всаек камэнас тэ пэрэандярэн и Библия, хоть важ када лэн моӷли тэ умарэн?

6. Книӷа важ всаворэ мануша

И Библия, када ек кацави книӷа, пала сави ӷанэн всаворэ мануша и сави пэрэандярди пэ со май бут шыба важ вся и время. Адиносарам Деяния 10:34, 35 и подам дума пала вопросоря, савэ май тэлэ.

• Васо о Дэл камэл, кай и Библия тэ авэл пэрэандярди везде?

• Со тути чалеля анда кода, со уӷанглян пала Библия?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай и Библия, када лэ Дэвлэско Алав, важ кода кай о Иегова стердя кадя, кай тэ ӷанэн пала латэ всаворэ.

Сар ту гиндос?

• Сар о Дэл дэлас пэстирэ гиндоря лэ манушэнди, кай вонэ тэ пистрон и Библия?

• Со май фартэ лэл лэ одестар анда кода, сар и Библия дожыля жы каринг амарэ деса, сар ла пэрэандярэнас и сар пала латэ уӷанэнас май бут мануша?

• Со тутэ по ди кодэлэстар, кала ту уӷанглян, со дэ бут стердя о Дэл, кай тэ дэл дума туса?

ДИК ИНКЕ

Адиносар, сар и Библия дожыля каринг амарэ деса, лэ свитконэндар жы кай адесутнэ переводоря.

«Сар и Библия дожыля каринг амарэ деса?» («Прошонпэ!» пала ноябрё лэ 2007 бэршэстар)

Уӷан, сар и Библия ашэляпэ, хоть и бут со терэнас, кай вой тэ на авэл.

«Васо трэбуй тэ розлэспэ?» («Сторожэво башня» № 4 пала 2016 бэрш)

Дик, сар и мануша ӷотови сас тэ хасарэн пэстири жызня, кай тэ пэрэандярэн и Библия.

«Лэнди сас куч и Библия» (14:26)

И Библия бут разоря пэрэандярэнас и пэрэпистронас. Тоди, васо можно тэ патяс кодэлэсти, кай кода, со андэр латэ пистромэ, лэ Дэвлэстар?

«Парудэ варисо андэ Библия?» (статья по сайто)