И читателя пушэн

Андэ Притчи 30:18, 19 ԥэнэнпэ, кай «о дром лэ муршэско каринг и щей» фартэ удивительно. Пала со катэ ԥэнэнпэ?

Бутэ манушэнди, дажэ лэ учононэнди, ԥарэс тэ полэн и алава анда Притчи 30:18, 19. Андо «Нэвя люмако переводо» кадэла стихоря запистромэ кадя: «Исин трин маменторя, савэ важ мандэ фартэ удивительни, штар, савэ мэ нащи полав: о дром лэ орлоско андо небо, о дром лэ сапэско по плай, о дром лэ кораблёско андэ моря, и о дром лэ муршэско каринг и щей».

Раньшэ амэ гиндосарасас, кай и алава «о дром лэ муршэско каринг и щей» сыкавэн варисо найлашо. Васо амэ кадя гиндосарасас? Важ кода кай жы каринг кадэва стихо и посли лэстэ ԥэнэнпэ пала варисо найлашо. Например, андо 15-то и 16-то стихо ԥэнэнпэ пала мануша, савэ нисостар нащи чалён, ай андо 20-то стихо — пала хулаи, сави сас аврэса и ԥэнэн, кай на стердя «нисо вэрыто». Амэ гиндосарасас кадя: о орло андо небо, о сап по плай и о кораблё андэ моря на ашавэн посли пэстэ слидо. Кадя жэ чоралэс можэт тэ терэл о мурш, саво камэл тэ заӷулел ла щяти андо ди. Акэ васо и алава «о дром лэ муршэско каринг и щей» амэ поласас сар варисо найлашо — када кала о мурш хытрияса подмарэл каринг о билажавардимос ла щя, сави всаворэсти патял.

Но кала амэ май драго розуӷанглям и алава анда Притчи 30:18, 19, амэ полям, кай андэ кадэла стихоря и дума можэт тэ жал пала варисо лашо. Кодэва, ко пистросардя кадэла алава, просто ԥэндя пала кода, со лэс фартэ удивияс и чалёлас.

Кадэва гиндо пистромэ андо масоретско тексто. Андо ек библейско справочнико ԥэнэнпэ, кай пэ еврейско шыб о алав, саво пэрэандярдо андэ Притчи 30:18 сар «фартэ удивительни», сыкавэл кода, со «необычно, не можэт тэ авэл и фартэ интересно» (Ernst Jenni, Claus Westermann. Theologisches Handwörterbuch zum Alten Testament).

Ек учоно анда Гарвардско университето, савэс ақарэн Кро́уфордо Тоё, тожэ поля, кай андэ кадэва библейско стихо на ԥэнэнпэ пала варисо найлашо. Во ԥэндя: «Катэ и дума жал пала кода, со фартэ чалёлас кодэлэсти, ко пистросардя кадэва стихо» (Crawford H. Toy. A Critical and Exegetical Commentary on the Book of Proverbs).

Вижал, авелоп май точно тэ полас, кай андэ Притчи 30:18, 19 ԥэнэнпэ пала варисо фартэ лашо и удивительно. Амэндэ андо ди кацаво жэ, со сас кай о мануш, саво пистросардя и 30-то ӷлава андэ книӷа Притчи. Во дэлас наздив, кала диқэлас, сар о орло вурял андо небо, сар о сап ползыий па плай, сар о кораблё жал па моря и сар о тэрно мануш и щей чалён ек еқэсти и прожувэн бахтали и еряли жызня.