Вари касти траис викдата би дукаку?

СО ПЕНЕЛ И БИБЛИЯ

«[О Дел] касти косэл ся ли яфта ди пай ленгы яка, ай и моартя ни касти май аел, ниш скырба, ниш роемата, ниш дука ни касти май аен. Со сас накляу» (Откровение 21:4).

СО ДАШТИЛ ТИ ДЕЛТУ ГАДАЯ

Даштис ти пакяс, кы най о Дел кэреламенгы дук (Иакова 1:13).

Гадая кы жянес кы о Дел акярел ки дук, делту зор (Захария 2:8).

Даштис ти пакяс ся ли илеса, кы и дук ни касти май аел (Псалом 37:9—11).

ВАРИ ДАШТИС ТИ ПАКЯС АНДИ ГАДАЯ, СО ПЕНЕЛ И БИБЛИЯ?

Ея, ай сы сос май ханцы дуй причинуря:

• О Дел урыл о ничячимос ай и дук. Со сас андо ило ли Иеговаску, кана лескы маношэнгы, кэренасленгы насул? Анди Библия пенельпи, кы ли Иеговас дукаласлес о ило, кана дикэлас, кы лескы манош офтянас дукатар, кана ли душмая кэренас ленгы насул (Судей 2:18).

  О Дел ни даштил ти приил годолати, кана конта кэрел насул айренгы. Анди Библия пенельпи, кы о Дел ни дикэл анда яка годолен, кон щёрен рат маношэску, кай най дошало (Притчи 6:16, 17).

• Ли Девлес, сылес грижа сяорэндар дянда менди. Анди Библия мотольпи, кы «сяо манош жянел песко паримос ай пески дук». Да ами ни сам коркору, кана аменгы паро — о Иегова жянел со цырдас! (2 Летопись 6:29, 30).

  О Иегова песка Ымпэрэцыяса диграб касти лел амари дук (Матфея 6:9, 10). Да агес о Дел акярел ай дел зор, годолен кон роденлес (Деяния 17:27; 2 Коринфянам 1:3, 4).