Вари касти траин ли муле пали?

СО ПЕНЕЛ И БИБЛИЯ

«Касти трезонпи ли муле» (Деяния 24:15).

СО ДАШТИЛ ТИ ДЕЛТУ ГАДАЯ

Касти ушурил кё ило, кана конта муляптукы (2 Коринфянам 1:3, 4).

Ни касти дарас издраиндой ла моартятар (Евреям 2:15).

Кяр касти малаесту парпали годоленца, кон муляптукы (Иоанна 5:28, 29).

ВАРИ ДАШТИС ТИ ПАКЯС АНДИ ГАДАЯ, СО ПЕНЕЛ И БИБЛИЯ?

Ея, ай сы сос май ханцы трын причинуря:

• О Дел дяу вяца сяурэн, кай траин. И Библия пенел, кы ли Девлес ли Иеговас сылес «и харинг ла вяцаки» (Псалом 36:9; Деяния 17:24, 25). Годоуа, кон кэрдяу ся, даштил ти трезол ли мулен.

• Май англала о Дел трезосадяу ли маношэн. И Библия пенел дянда охто манош — кай трезосадявлен о Дел пай пуу. Машкар ленди сас: пуре, тырне, муршоя ай жювля. Макар, кы май бут дянда ленди сас муле май ханцы ди кана ик гес, ек дянда ленди сас муло штар гес (Иоанна 11:39—44).

• Ай аканак о Дел камел ти трезол ли мулен. О Иегова урыл и моартя. Англа лескы яка и моартя сыли, сар со душману (1 Коринфянам 15:26). Оу зуралес камел ти доведил гадалес ли душманос. Оу доведил ла моартя, кана касти трезол ли мулен. О Дел камел ся ли илестар ти трезол годолен, кас ни быстырдявли, ка ти траин пай пуу парпали (Иов 14:14, 15).