Со сыли и Ымпэрэцыя ли Девлески?

СО ПЕНЕЛ И БИБЛИЯ

«О Дел, кай сылу андо черь, касти тол и ымпэрэцыя, кай ничикдата ни касти аел харади» (Даниила 2:44).

«[О Исус] касти аел ымпэрату... садаек» (Луки 1:33).

СО ДАШТИЛ ТИ ДЕЛТУ ГАДАЯ

• Ик Ымпэрэцыя, кай касти кэрел и вяца май лащи ай кай кэрел ся пы чячимасти (Исаия 48:17, 18).

• Састимос кай касти аел, ай и вяца кай анелтукы букурия андо ило (Откровение 21:3, 4).

ВАРИ ДАШТИС ТИ ПАКЯС АНДИ ГАДАЯ, СО ПЕНЕЛ И БИБЛИЯ?

Ея, ай сы сос май ханцы дуй причинуря:

• О Исус Христос сыкадяу, со касти кэрел и Ымпэрэцыя ли Девлески ли маношэнгы. О Исус сыкадяу пескы учиникурен ти ругинпи, ка ти аел и Ымпэрэцыя ли Девлески, ка ти кэрельпи и воя ли Девлески пи пуу (Матфея 6:9, 10). Годоласа со кэрдяу пи пуу, о Исус сыкадяу, сар касти ымплинольпи гадауа о ругимос.

  Кана траисайляу о Исус пай пуу, оу делас ти хан ли бокален, ортолас ли насвален ай кяр трезолас ли мулен! (Матфея 15:29—38; Иоанна 11:38—44). Гадя оу сыкадяу, со вяца шукар ажюкярел годолен, кон пакян анди Ымпэрэцыя ли Девлески (Откровение 11:15).

• Со кэрельпи агес пи ся и пуу сыкаел, кы и Ымпэрэцыя ли Девлески пашы. О Исус пендяу, кы англа ти кэрел и Ымпэрэцыя ли Девлески пачя пи пуу, касти аен: маримата, насвалимата ай издраимата пуякы (Матфея 24:3, 7).

  Кяр гадая ами дикас агес. Гатестар, даштис ти пакяс, кы и Ымпэрэцыя ли Девлески диграб касти ужярел и пуу насулимастар.