Sar daștis te folosis cadai broșura

Ande lache pagini daștis te araches iech verseto anda fiesavo ghies hai iech harno comentario anda codo verseto. Daștis te citis o texto biblico hai lesco comentario oricana cames ando timpo le ghiesesco, tha but jene pachian că si mișto te citin-les de teharin anda codoia că daștin te gândin-pe sea o ghies ca so citisarde. Cana des duma anda o texto ande iech than chia familia cadaia daștil te ajutil tumen zurales but. Le familii Betel pa sea i phuv cheren cadaia de teharin.

Le comentarii cai den duma harnes anda o verseto sile line anda le articolea anda O Turno de veghe (w) anda o șion aprilia 2021 ji ando șion martia 2022. Le cifre cai aven pala i data le articoloschi anda O Turno de veghe sicaven mai anglal le pagini, hai pala codoia le paragrafea catar silo lino o comentario (dich o exemplo de mai telal). Daștis te araches mai but sicaimata anda o subiecto anda savo del-pe duma ande le coaver paragrafea le articolosche.